الخميس، 11 يونيو 2009

ما هكذا تورد الإبل يا سعد .


فى تعليق فى إحدى المدونات لأحد المدونين . وجدته يعلق على الموضوع بقوله إن دول الخليج هم عالة وهم رعاة غنم وكانوا يعيشون على المعونات المصرية من القمح وكانت مصر تصنع لهم كساء الكعبة لفقرهم وهم جهال لا يعرفون شيئاً عن الشئ . وبعد أن انهى تعليقه قال فى زاوية تكاد لا ترى بالعين المجردة "الا من رحم ربى" . فما هكذا تورد الإبل يا أخى الكريم ..

أولا :- هذا الكلام لا يصح فهم إخوة لنا فى الدين وفى العروبة ونجد أن كثيرا من عائلاتنا المصرية لها أصول خليجية وهذا كثير ..

ثانيا :- اود أن أقول أن هؤلاء الرعاة وهؤلاء الجهال وهؤلاء الفقراء العالة قد سبقونا نحن أصحاب حضارة خوفو وخفرع فى كل شئ . سبقونا فى التقدم الاقتصادى سبقونا فى التقدم التكنولوجى سبقونا فى التعليم سبقونا فى أنجح تجربة للتعاون العربى العربى وللوحدة العربية التى لطالما أقيمت على صوتها الحفلات . وهذا التعاون متمثل فى " مجلس التعاون الخليجى والمجالس المعاونة له " وغير ذلك كثير . لكننا لم نسبقهم إلا فى شئ واحد فقط وهو" الكلام " بالبكاء على الأطلال وذكرى الديار والحجارة ومعايرتهم بماضيهم ونسينا حاضرنا .

" الكلام هوه اللى بيودى فى داهية " ويؤخر تقدم الشعوب .

فعلا الذى ينظر بعين الباحث المتأمل يجد أننا ملوك هذا المجال فإن أشهر الشعراء فى العصر الحديث فى مصر وأشهر الكتاب فى العصر الحديث فى مصر وكذلك الادباء وكذلك المعلقيين الرياضيين وكذلك المذيعين ." أنا لا أقلل أبدا من هؤلاء فهم على العين والرأس نكن لهم كل احترام وتقدير ونشكرهم على ما أثروا به آذاننا وعقولنا ومكتباتنا من روائعهم"

ولكنى أنظر بعين لأجد بأن الكلام هو سيد الموقف وأننا أصبحنا أسياد العرب فى الكلام دون تقدم أو تطور يذكر. بالمقارنة بأصغر وأقل دولة خليجية مثلا . فإن زَرَعْنا أرضنا كلام فلن نجنى غيره ..

فهل معنى أن يذكر الأخ المدون أنهم كانوا رعاة غنم وفقراء وعالة ويعتمدون علينا فى طعامهم ويعتمدون علينا فى كساء الكعبة لفقرهم المدقع . هل معنى أن يذكر ذلك . أنه عار عليهم ؟؟!! أنا لا أرى ذلك بل هو الفخر كل الفخر. فهنيئاً لكم يا رعاة الغنم وهنيئاً لكم يا من تنتظرون فائض موائدنا . فكم أنتم رائعين . كفانا نحن العرب " كوطن " أننا منذ أكثر من نصف قرن نعقد المؤتمرات والاجتماعات من أجل عيون السوق العربية المشتركة ولكن لا حياة لمن تنادى . وكفاكم انتم يا دول الخليج العربى فخرا بأنكم أصحاب الريادة فى أول نموذج للتعاون العربى العربى وهو مجلس التعاون الخليجى والمجالس المعاونة له . وفى طريقكم لتوحيد العملة فى الخليج ..

** لنر العالم يتقدم من حولنا .. ولنتكلم ..

هناك 56 تعليقًا:

وردة يقول...

ايه ده



هو انا



اول تعليق


الله الله علي الجمال

وردة يقول...

طبعا ما ينفعش نقول كده علي حد
ولا نقلل من قيمة حد مهما كان
ولا نعتبر نفسنا اسياد حد لان الكبير كبير بأفعاله مش بشوال قمح تديه لحد وترجع تعايره بيه
ممن نكون احنا فعلا اصحاب حضارة بس مش احنا اللي عملناها
جدودنا عملوها واحنا وقفنا نتفرج عليهم
اما الاخوة من الخليج العربي جدودهم شقوا الطريق وهما كملو وطوروا وجددو
يعني لو حنحسبها بالمنطق حيكونو هما الافضل
يبقي نسكت احسن بدل ما نجيب لنفسنا الكلام
والا نشوف الناس حسنت اوضاعها ازاي ونشتغل احنا كمان
مش بحب اصحاب النعرة الكدابة اللي كل هدفهم التغني بأمجاد الماضي
عاوز تتمنظر ورينا شغلك انت
مش تقول "انتو مش عارفين ان ابن مين"
انت اللي مين وعملت ايه
ربنا يهدي الجميع
تحياتي علي موضوعك الجديد
سلام

صمت المشاعر يقول...

لكننا لم نسبقهم إلا فى شئ واحد فقط وهو" الكلام " بالبكاء على الأطلال وذكرى الديار والحجارة ومعايرتهم بماضيهم ونسينا حاضرنا .
" الكلام هوه اللى بيودى فى داهية " ويؤخر تقدم الشعوب


عندك حق احنا فنجريين بق زي ما بيقولوا مش شاطرين غير في كدا وبس
فعل مفيش
تعالوا نبص لدول الخليخ هتلاقيهم عملوا اللي احنا مقدرناش نعمله بدليل انك بتتغرب من بلد وتروح هناك علشان تشتغل

شكرا ليك علي التوبيك

تامر علي يقول...

"فرق تسد"

ثقافة الفرقة ليست بين أبناء الشعوب العربية بل بين أبناء الشعب الواحد ... فالمصريين يبغضون أنفسهم قبل الآخرين ... فانظر ما يقال عن المنايفة ...والدمايطة ... والسواحلية ... و .. و ... و

ثقافة الفرقة وازدراء الآخرين ليست سوى نتيجة تشوه نفسي ألقاه المخربين بذرة ونحن سقيناها بماء التباغض

تحياتي :)

ساره يقول...

اخي العزيز
انت الكريم باصلك
وانا وان قلت لن اوفيك حقك

الله يجزاك الجنه

فتاه حالمه يقول...

عوووووووووووووو
انا جه والله سوفت بقي
بووووووووووووووووووووم
انت عارف ليه
اما بالنسبه لموضوع البوست فا انا ليا رائين
اولا هما عرب واحنا عرب
وكلنا اخوه وكلنا عالم عربي واحد
يبقي ولا احنا ولا هما نغلط في بعضينا
عشان منشمت ماما وبنتها فينا ولا ايه؟
اما الرائ التاني فا هقوله بعدين
عووووووووووووووووو
يلا سلام

موناليزا يقول...

عاجبنى جدا موقفك وانك بتدافع عن حد مش موجود وهيسمع كلامك فهيشكرك
فهنيئا لك الثواب:)

الشعب لابد له من حكومه تشكمه يقول...

اممممممممم بما انى كنت فى الكويت من سنه فى اجازه عاوزاكو تشوفوا الناس دول وصلوا لفين؟؟والناس دى بقت متقدمه عننا ازاى.نا كنت ماشيه هناك مذهوله من النظام والاحترام والنظافه والتقدم اللى هناك واللى يغيظك باه ان المصريين اللى بيكسروا كل القواعد فى مصر بيحترموها بره.حااجه عجيبه.انا عاوزه بس واحد من اللى بيتكلم كده يشوف بس اشارات المرور بره ويسأل نفسه هو ليه مفيش عسكرى مرور..يسأل نفسه عن مجلس الامه اللى بيحاسب الوزرا ويجبرهم على تقديم استقالتهم..
مش المهم هم كانوا اييييييه.؟؟
المهم هم وصلوا لاييييييييه واحنا وصلنا ليه..
شوفوا اليابان والصين كانت اييييييه وبات ايه .الكلام عن الماضى لايودى ولا يجيب.

د. ياسر عمر عبد الفتاح يقول...

المشكلة إن الكلام ده بيجيب كلام من الناحية التانية
ونفضل نشتم في بعض
ونشيل من بعض
كفاية كره لبعض بقي
شفت لما بنروح دولة عربية بنلعب كورة .. الجماهير بتبقي ناقصة تولع فينا .. زي الجزائر مثلا

وبعدين يقولوا الوحدة العربية
هأو

قلب ارهقته الاحلام يقول...

انا جيييييت :::)

عشان طبعا انور الغيط عاااااا

المهم ياطلقة البوست هااايل جدا بجد وفي محله

دايما الشعب المصري عاشق كلام لايودي ولا يجيب وبوجه حق او بدون ...

وعندما يبدأ الكلام فيقال اننا صناع الاهرام ويذهب الي طي النسيان أنها قد هرمت من زماااااااان

وأن اصحاب الحضارة السبعتلافية :D

قد أذهبتهم لعنه فرعونية فأين اصحاب هذا الزمان ..؟؟

هؤلاء الناس جديرين بكل إحترام بل والفخر فهم صنعوا انفسهم ولم يلتفتوا لخزعبلات أو يضيعوا وقت في الكلام

دمت بألف خيرر

تحياتي :)

nody يقول...

كل ده جميل وكويس
بس لو تلاحظ الاخوه الى انت بتتكلم عليهم دول هما الى عندهم عقده النقص مش احنا
شوف كده لما بتحصل اى حاجه مش كويسه فى البلد كم الشماته الى بيبقى موجود
من كتير اوى منهم
وكان مصر والمصرين هما عقدتهم فى حياتهم
شوف كده التعليقات الى بتبقى موجوده حتى على هزيمه فرقه من فرقنا او المنتخب
على موقع العربيه او الجزيره
تحس اننا اعدائهم
وتحس بمدى السطحيه
طبعا دى قله
والى عندنا بيقولوا انهم حفاه بارضه قله
ودى قصاد دى

كيكى عوووووو يقول...

" الكلام هوه اللى بيودى فى داهية " ويؤخر تقدم الشعوب----
من الاخر الجملة دى

ريمان يقول...

والله معاك حق


وعارف

الشعب المصرى مش فالح غير فى الكلام وبس


يا ساتر يا رب عليه

الله يرحمنا

ستيتة يقول...

اتفق معاك واختلف ايضا
ازاي
اقولك

اما عن وحدة الأمة الإسلامية فلا عزة بدونها
وكل هوان حصل لينا من الفرقة

لكن انا زهقت من اننا احنا المصريين طول النهار شغالين "الوحدة" "اخوننا العرب" "حبيبنا" وشغل الطبطبة اللي بقيت بتعب لما اسمعها
لأن على الجناح الآخر كل كره وبلاوي قلوب ضد المصريين
انت مشفتش بعينيك
ولا سمعت بودانك


الحب ده والود في الكلام لازمه اطراف متعددة مش كله علينا

لما الجزائر غلبت في الماتش الأخير خرجت الصحف بتاعتهم تشتم في مصر كلها وتقول ده ذنب غزة
بقى غزة يابقر تيجي سيرتها في كورة
للدرجة دي دود القلوب

مصر فعلا بتحب الناس وشعبها طيب ومعندوش كره قلبي اصيل لحد
ولازم لغة بقية الناس تكون كده

تحياتي

GiGi world يقول...

ربنا يباركلك ويكرمك يارب
صح ماينفعش فعلا نقول عليهم كده
بس برده فى مفس الوقت تعاملهم معانا واحنا اصحاب العقول بيخل الواحد ساعات يخرج عن شعوره
تحياتى

غير معرف يقول...

الحجرات (آية:11): (يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون ) صدق الله العظيم

عمرو يقول...

خلينا نتكلم بصراحه ..
فيه عداء متبادل و حقد دفين بين المصريين و بين اٍخوانهم العرب ..
و ده مش جاى من فراغ و لكن جاى من حاجات كتيره أهمها نظام الكفيل و أيضا سلوك بعض المصريين المخزى فى الدول العربيه ..
طبعا نظرة الاٍستعلام و القرننه بحضارة ال 7000 سنه و كسوة الكعبه و الكلام ده ما هو اٍلا تنفيس عن واقع مؤلم يعيشه الكل سواء كانوا مصريين أو عرب أو أى جنس بشر بيرزح تحت وطأة الفقر و الجهل و المرض و الذل و الهوان و كبسة النفس ..
الكل تعبان يا صديقى ..
تقبل تحياتى و تقديرى ..

أبو العريف يقول...

والله يا عم صلاح
احنا كشعوب عربيه
نفس الدماغ ونفس التخلف
ونفس الجهل
مع احترامي للشويه الفلوس اللي معاهم
والشويه االحاجات اللي في دبي

لكن في الاخر كلنا زي بعض

وهنا اذكر مقوله لصديقي الصحفي
( هو مش صحفي قوي يعني )
بس كان عنده مقال بيقول

لو لم اكن عربيا
لوددت ان اكون غير ذلك

مسدس صغير يقول...

وردة
اه اول تعليق
مبروك عليكى دخلتى التاريخ
هههههههه

مسدس صغير يقول...

وردة
معاكى حق والله
كلامك صح
ليس من المرؤة أن تقول هذا ابى ولكن المرؤة ان تقول ها انا ذا
اشكرك على التعليق الجميل
بجد نورتينى
وربنا ميقطعلك عادة حلوة

مسدس صغير يقول...

صمت المشاعر
فعلا احنا فنجريين بق
معاكى حق والله
ربنا يهدى
اشكرك على التعليق
نورتينى

مسدس صغير يقول...

تامر على
صاحب الرأى السديد دائما
اشكر فيك عقلك الواعى
فعلا انها سياسة فرق تسد
هى السبيل للغرب ليسودونا ولكن هيهات لهم
فإن امتنا مهما تعرضت لأزمات فلن تفرق ابدا
اشكرك على التعليق المثمر
نورتنى

مسدس صغير يقول...

سارة
نشكركم على التعليق
وجزاكم الله خير الجزاء
نورتينى

مسدس صغير يقول...

فتاة حالمة
يامييييييييي
بخاف
ههههههههه
فعلا نحن امة واحدة
اشكرك على التعليق المخيف
ههههههه
نورتينى

مسدس صغير يقول...

موناليزا
اشكرك اختى الفاضلة على هذه الكلمات
ونسأل الله الاجر
واسأل الله لكى الجزاء الاوفى

مسدس صغير يقول...

الشعب لابد له من حكومة تشكمه
فعلا الناس دى فى تقدم مستمر
ونحن مازلنا محلك سر
الجرى فى المكان يعنى
اشكرك على الكلام الحلو ده
اشكر تعليقك المثمر
نورتينى

فتاه حالمه يقول...

عااااااااااااااااااا
مليش دعوه بقي
ليه انا مدخلتش التاريخ البوست الي فات باول تعليق
عاااااااااااااااااااااااااا
احتج واشجب واعمل كل الكلام الغريب ده
انا باطالب بتعويض
مليش دعوه
طخ طخ طاااااااااااااااخ

مسدس صغير يقول...

د/ياسر
معاك حق ان الكره متبادل
ولكن يجب ان تنتهج سياسة ابدأ بنفسك وهى منهج ديننا الذى لا يأتيه الباطل من بين يديه ولا من خلفه
اشكرك على التعليق
نورتنى

مسدس صغير يقول...

قلب ارهقته الاحلام
ههههههههه
نورتى الغيط طبعا
ههههههههه
اما بالنسبة للناس دى فبجد هما فى تقدم مستمر
بلدهم بتتقدم بيهم
اما بلدنا بتتقدم بأغانى شيرين
اشكرك على التعليق
نورتى الغيط

مسدس صغير يقول...

نودى
فعلا انا اتفق معاكى على ان كثيرا من العرب يكرهوننا
ولكن لا يجب ان نستمر فى هذه السياسة الخاطئة
فنحن اخوة
والدين يحتم علينا اتباع منهج ابدأ بنفسك
اشكرك على التعليق
نورتينى

مسدس صغير يقول...

كيكى
بخاااااااااااف
بلاش عووووووووو
هههههههههه
فعلا الكلام هوه اللى بيودى فى داهية
اشكرك على التعليق المثمر
نورتينى

مسدس صغير يقول...

ريمان

معاكى حق طبعا

اشكرك على التعليق

بجد نورتينى

مسدس صغير يقول...

ستيته حسبو
كلامك مظبوط طبعا
بس الاساءة لا يجب ابدا ان تقابل باساءة
وهقولها تانى منهج " ابدأ بنفسك "
منهج اسلامى اصيل
يجب ان ننتهجه لننجو بهذه الامة
فعلا احنا محتاجين وقت للتغيير
بس لازم نتغير
اشكرك على التعليق الجميل جدا
نورتينى يا دكتورة

مسدس صغير يقول...

جيجى وورلد
انا معاكى بس لازم نكون احنا اعقل من كده بردة
اشكرك على التعليق
نورتينى

مسدس صغير يقول...

ابو ملك
طبعا ونعم بالله
اشكرك على التعليق المهم جدا
جزاكم الله خيرا
نورتنى

مسدس صغير يقول...

عمرو
انا عارف ان فيه حاجات كتيرة همه سبب فيها
بس لازم احنا نكون احسن منهم
اننا نصلح ما بيننا
حتى تقوم قائمة هذه الامة
اشكرك على التعليق
نورتنى يا باشا

مسدس صغير يقول...

ابو العريف

لو لم اكن عربيا
لوددت ان اكون غير ذلك

هههههههه
حلوة المقولة دى
احنا فعلا دماغ واحدة
ربنا يهدينا
اشكرك على التعليق
نورتنى

مسدس صغير يقول...

فتاة حالمة
خلاص احجزلك اول تعليق فى البوست الجاى وادخلك التاريخ
ههههههههههه
بلاش ضرب نار
احسن بخاف
نورتى

MaNoOoSh يقول...

حقيقي الشعوب الخليجية تقدمت عن الاول بكتييييييير بينما احنا كل يوم عن التاني بننزل للقاع (مش عارفة القاع دة اخره فين اصلا)

بس فى نفس الوقت لو بصيت جوة المجتمع.. لو راقبت حياة الناس.. هتلاقي كل العرب واحد.. كيان السوس نخر عضمه.. فساد ورذيلة معلنه فى بعض الدول ومستخبية فى دول تانية

والشعوب بقى من حلاوتها فالحة تشتم فى بعضها.. يعني عندنا طاقة نشتم قوي ومعندناش طاقة نثور على اى حاكم ظالم..

والتانيين.. عندهم طاقة يشتموا قوي ومعندهمش طاقة يحاربوا امراض الرفاهية اللي ظهرت فى مجتمعهم من شذوذ وبلاوي تانية مستخبية.


هنقعد نشتم في بعض واحنا فى الاخر سواء
فينا الكويس وفينا الوحش وفينا اللي مش فالح غير فى الكلام

صدقني يا صاصا مش احنا بس اللي مش فالحين غير فى الكلام.. الكل سواسية

(حلـم) يقول...

في اول مرور..اقولك انت ليس مسدس صغير انت قلم وانسان وطني وعربي شريف دمت للامام اخوك..حلم..

اللى موش عارف يتغير يقول...

دا كمان غير تطورهم السياسى وبقى لهم ثقلهم فى العالم كله
يعنى ياولاد ينفع قطر تيجى تحل للسودانيين مشاكلهم والسودان اهم بلد استراتيجيا بالنسبة لمصر
وكمان خلاص موضوع الريادة العربية ده انتهى حاليا هى السعودية واحنا بقينا تابعين ليهم
بلاش بقى نحكى فى موضوع الاقتصاد ده خالص لان شكلنا هيبقى وحش

Kiara يقول...
أزال المؤلف هذا التعليق.
Kiara يقول...

رعاة غنم

**********

ليه بيقولها وهو بيقلل من شان راعي الغنم الرول عليه الصلاة والسلام كان ايه ؟؟

وبعدين كلنا واحد لا فضل لعربي علي اعجمي الا بالتقوى

احنا بنكمل بعض :)

GiGi world يقول...
أزال المؤلف هذا التعليق.
سمكه واحده يقول...

مش ديما بيقولوا الشاطر اللي يضحك في الاخر
علي فكره
عاوزه اقول حاجه
ديما في حقد وزعل وكره متبادل سواء مصر ودول الخليج
معرفش ايه السبب طبعا مش كل الناس
بس بصراحه انا سمعت كتير ان ناس من دول العربيه بتشتم فينا وتقول ان المصرين حرميه واخلاقهم وحشه ووو وبيشتغلوا عندنا
وبردو عن مصرين انهم بيقولوا ان العرب مش بيفهموا حاجه وانهم رعاه غنم ولولانا احنا اللي علمناهم ايام البعثات والاعاره
وبعد كده مبقوش يحتاجونا
هي مشكله وانا من رأي انه نقص في الطرفين مش كل مصر ولا كل العرب
بس التفكير نسه والاسلوب ساذج ومتخلف
كلنا اخوه وكلنا امريكا بتشتم علينا هههههههههه
تحياتي
المهم مين اللي يعمل مش يتكلم

مسدس صغير يقول...

منوووش
كل مجتمع فيه الكويس وفيه الوحش
بس يا رتى اللى هيطغى على التانى ايه
هوه ده الفيصل
عامل الناس بما تحب ان يعاملوك به

اشكرك على التعليق المثمر
بجد نورتينى

مسدس صغير يقول...

حلم
والله انا سعيد جدا بكلامك وزيارتك
نورتنى

ويارب متقطعش الزيارة دى ابدا
نورتنى

مسدس صغير يقول...

اللى موش عارف يتغير
كلنا لازم نتغير
حتى انت
هههههههه
فعلا الناس دى اصبح ليهم ثقل سياسى
وبدأ البساط ينسحب من تحت اقدامنا
ربنا يستر
بجد سعيد بتعليقك
نورتنى

مسدس صغير يقول...

كيارا
دا اللى احسن من كده ان النبى قال
ما من نبى الا ورعى الغنم
شغلة الانبياءربنا يهدى

اشكرك على التعليق
نورتينى

مسدس صغير يقول...

جيجى وورلد
قريت البوست وعلقت
تحت امرك
اى خدمة
نورتينى

مسدس صغير يقول...

سمكة وحدة
حمد الله ع السلامة
فعلا الكلام ده متبادل انا عارف
بس لازم نبدأ بنفسنا
عامل الناس بما تحب ان يعاملوك به
صح وللا ايه؟؟

اشكرك على التعليق الجميل
نورتينى

غير معرف يقول...

بصراحة هما السبب فى كده
رغم انى مش مع الشتايم والحاجات ديه
لكن بالذات دول الخليج
تتنكر لمصر وماتقوم به نحوهم
وكفاية اهانة العمالة هناك
بعد ماوقفوا على رجلهم
الموضوع مش موضوع شعارات
الان اصبحت الفرقة والكراهية
هما اللى فيهم السيادةالان
رغم ان دينا يقول اننا امة واحدة
من يسمع بس انا لازلت مصرة
انهم السبب فى كده

مسدس صغير يقول...

ام مالك
انا معاكى
بس بردة ده مش حل
الحل ان احنا لازم نقرب من بعض عشان نكون امة وحدة
يبقى لازم نتسامح ونتصالح مع بعضنا البعض حتى ترجع الامة
ابدأ بنفسك
اشكرك على التعليق المثمر
بجد نورتينى

وكيلة نيابه مع ايقاف التنفيذ يقول...

انا معاك ان احنا فعلا كلنا واحد عرب ومسلمين ولازم يكون فيه وحده بينا ماشى كل ده جميل بس انك تحب شعب معين ده بيكون لحسن الخلق والتعامل وانهم بيتعاملوا كمسلمين فعلا وللاسف دول الخليج فيها بجد البعض بيتعامل بشكل فظيييع لدرجه ان البعض يقول الواحد يتعامل مع اسرائيل احسن
بس برده ده مش مبرر ان اقول عنهم انهم كانوا فقراء وبيستوا الدعم بتاعنا دلوقتى احنا اللى بنستنا الدعم منهم هما بقوا ايه واحنا بقينا ايه انا محبش اللى يتكلم كتير وخصوصا عن الماضى التنفيذ هو الحل يعنى طالما احنا بنقول ان احنا كنا بنقدم مساعدات خلاص نثبت ده
بس برده مننكرش انهم ممكن يكون ليهم بعض الامور اللى بتخنق بجد ولا دول المغرب العربى وماتش المنتخب مع الجزائر ههههه يلا خير
بحييك على البوست ده وننتظر المزيد من الاعيرةالناريه

مسدس صغير يقول...

وكيلة نيابة مع ايقاف التنفيذ
معاكى حق طبعا فى كلامك
بس لازم نكون قدوة على الاقل
احييكى على ماتش الجزائر اقصد على التعليق
هههههههه
نورتينى

مجرد مدونة يقول...

الله يفتح عليك يا عم الحج :))