السبت، 6 يونيو 2009

جولة فى عقلى ..




البوست النهاردة هيبقى من تلات محاور


المحور الاول هنتكلم فى توضيح بسيط عن البوست اللى فات


المحور التانى هنتكلم عن اوباما بطريقة مختصرة جدا لأنى كنت ناوى بجد متكلمش عن الموضوع ده


المحور التالت هقولكو قصيدة لسه كاتبها تفرفشو بيها شوية


- اما عن التوضيح : فيه ناس فى البوست اللى فات زعلانه منى وبتقول إن الكلام عن الشيعة يزيد الفرقة بين المسلمين ويضر أكثر مما ينفع . وكمان انا كنت كاتب البوست مخصوص عشان اقول خبر حرب الابادة الواقعة من القوات الايرانية على جموع السنة فى مدينة زهدان فى ايران .


أما عن الكلام عن الشيعة فالأمر خطير جدا ولازم نتكلم عليهم وننبه الناس ونحذرهم منهم لأن بجد الشيعة دول عدو كبير للمسلمين السنة واشمعنا هما يعنى مبهدلين السنة على قنواتهم الفضائية الخاصة بهم ومحدش مننا بيتكلم وساعة مواحد مننا ينطق يلاقى هجوم عليه ان كده بنزيد الفرقة .. يا جماعة انا عايز اضرب مثال للناس اللى بتقول كده :- لما ربنا سبحانه وتعالى فضح المنافقين وكشف أمرهم للنبى صلى الله عليه وسلم والمسلمين فى وقت كان الدين فى بدايته وكانوا أولى بحفظ الدين من الفتن فى عهدهم أكثر من زماننا هذا وأنزل الله فيهم سورة سميت بإسمهم وتليت وتتلى وستتلى الى يوم أن يرث الله الارض ومن عليها.. صح؟؟ ومن حق هذا الدين علينا أن نكشف ما ليس فيه ولا منه . دى وحدة


وغير كده انا كاتب البوست بقول فيه إن القوات الايرانية تقصف مدينة زهدان وهى فى طريقها لإبادتهم ومعروف أن أهل هذه المدينة من الايرانيين السنة وهدمت مساجدهم وبيوتهم ومتاجرهم .. بعض الناس بقى سابت الخبر الذى يدمى القلب وقعدت تشعر فى حسن نصر الله وتشعر فى ايران أنا عارف والله انهم مش معنى كده انهم بيحبوهم بس كده نبقى خرجنا عن موضوعنا بدل منتعاطف مع اخواننا السنه فى ايران نشعر فى حسن نصر الله وايران؟؟!! دى التانية


- المحور التانى اوباما :- مش عايزين نِشعِر فى الراجل هوه اى نعم اتكلم كلام حلو اوى لم يحدث من قبل من أى رئيس أمريكى أو أوروبى .. وده كويس إن الناس دى بدأت تعرف ازاى تدير حوار مع دول العالم الاسلامى وبرغم ذلك أنا عارف أنه بيخطب ودّنا ليس حبا فى سواد عيوننا ولا قلوبنا ولكن من أجل مصالحهم الخاصة فى منطقة الشرق الاوسط وبلاد العالم الاسلامى .. اما بقى عن السلام عليكم وازيكو ازيكو أنا جاى اخطب عندكو والكلام اللى هوه قاله ده فده لزوم الخطاب يعنى لأن اقرب طريقة توصل بيها لقلب أى شخص أن تتحدث لغتة .. والاهرام والسلطان حسن والكلام ده لزوم الحبكة الدرامية .. انتو عارفين هوه لو صلى فى مسجد السلطان حسن وقعد يحفظ العيال القرآن بعد العصر !! هوه بردة رئيس أمريكا ..


- المحور التالت القصيدة :- "هيه قصيرة هنكملها إن شاء الله"


التعلب فات فات


وف ديله سبع فرخات


واهو تعلب ماشى ومكار


وبيعوى وملوش فى الكار


خنزيره وقع فى البير


روح مامتك والله يا خنزير


واهو تعلب وملهش كبير


والبرد بيقلب (.....)بير " يع "


وساعتها. العطس خطير


******


وعلاجو مصل التاميفلو؟؟


وانا شيفك بعنيه واقفلو .


هتشمت فينا الاعداء


يخدوك عِنديهم يحتفلو


******


تعطس؟؟ هنشمت


ونقول الله يرحم


والناس فى الموت بنقول اتلمت


أما ف موتك يا معلم

." بعد الشر عن كل الناس يعنى"


الناس تتفرق وتقول


دى جنازة الراجل دى تحرم


والتعلب فات فات


********






هناك 67 تعليقًا:

فتاه حالمه يقول...

هههههههههه
نصيبي اكون اول تعليق
انا قريت القصيده بس
سكر والله حلوة اوي اكمل قرائه بكرة باذن الله
وانا اول تعليق بردون

قلب ارهقته الاحلام يقول...

:(:(:(:(

ايه الحظ ده كدة يافتاة ^^

ماشي ع العمووم 2222222

قلب ارهقته الاحلام يقول...

هقري واجي بأة

يلااااا قبل ما حد ييجي

بس انا عاوزة جايزة ياصاصا :)

قلب ارهقته الاحلام يقول...

هههههههههههههه

حلوة القصيدة اوي ياصاصا

بس انا هركز ف البوست والتعليق بكرة

المهم مضيت بس ^^

ستيتة يقول...

هههههههههههههههههههه
خاتمة جميلة قوي قصيدة انفلونزا الخنزير اللي وقع في البير دي
تحياتي

د. ياسر عمر عبد الفتاح يقول...

المحور الأول : معاك حق
المحور الثاني : برضه معاك حق .. وكمان معاه هوه حق
المحور الثالث : التاميفلو هوه اللي ملهوش حق

Soul.o0o.Whisper يقول...

السلام عليكم و رحمة الله و بركاته

أولا : القصيدة تححححححححححفة
بجد مت من الضحك

ربنا يبارك لك يارب


ثانيا : الصورة اللى حاطهها بردوا تحفة
اول ما فتحت الصفحة ولقيتها فى وشى
قعدت اضضضضضضضضضضضضضضضضضحك

ثالثا بئا : انت معاك حق فى نقطة الشيعة
و اوباما

بس المشكلة فعلا انه مشى قبل الضهر ما يأذن
ملحقش يصلى الضهر و العصر جمع و قصر

ياترى صلاهم بعد العصر ؟؟؟ و لا مالقاش مكان يصلى !!!




دمت بود

تامر علي يقول...

أوافقك الرأي ولكن لاتنسى أننا كمسلمين سنة لايوجد لنا رئاسة أو زعامة تعبر عنا أو عن توجهاتنا وعليه فإن الملوك والرؤساء يعبرون عن أنفسهم فقط وهم يملكون وسائل الاعلام ويديرونها نحو أهوائهم ويؤثرون على رأي عامة الناس بها .... من الآخر احنا معندناش سياسة إحنا عندنا "سواقة" :)

القصيدة جميلة ...كان لازم يكشفوا على أوباما ليكون عنده انفلوانزا الخراتيت :)

ساره يقول...

يعجبني فيك
انه لاتاخذك في الحق لومه لائم
اخي صلاح
الناس تحتاج الي ثقافه
وخصوصا في قضيه الشيعه والسنه
يمكن عشان الموضوع جديد عليهم
الله اعلم

استمر اخي
والله معاك

e_emy يقول...

القصيدة جميلة اووووووى بجد

ربنا يزيدك ..

اما عن اوباما هو اجاد ف الخطاب بس لسه معملش حاجه فعلا .. بس يمكن نكون متعلقين بالكلام عن السلام وانه ممكن يحصل فعلا
حتى لو كان كلامه علشان مصالحه
فهو اكيد برضه هيريحنا ...

MaNoOoSh يقول...

القصيدة عجبتني قويييييييييييي
تسلم ايدك بجد

ربنا يسترها علينا في الدنيا دي

مسدس صغير يقول...

فتاة حالمة
مبروك دخلتى التاريخ
ههههههههه
شكرا على الكلام الحلو ده وابقى كملى وتعالى بقى
مستنييكى
سلام

مسدس صغير يقول...

قلب ارهقته الاحلام
خلاص
التاريخ اتقفل
مممممممم

مسدس صغير يقول...

قلب ارهقته الاحلام
جايزة؟؟
جايزة ايه؟
مش قلت التاريخ اتقفل

مسدس صغير يقول...

قلب ارهقته الاحلام
ع العموم متشكرين جدا على التعليقات
وابقى اقرى وتعالى بكرة مستنييكى ان شاء الله
نورتينى

مسدس صغير يقول...

ستيته
اشكرك على التعليق
طالما القصيدة عجبتك
انا حلفت مهى راجعة
هههههههه
اتفضلى
ميرسى ميرسى
نورتينى

مسدس صغير يقول...

د/ياسر
معاك حق فى المحاور الا محور 26 يوليو
ههههههههه
اشكرك على التعليق
نورتنى

مسدس صغير يقول...

سول
اشكرك على الكلام الحلو ده
اضحكى براحتك
بس بلاش سيرة الموت لانك غالية علينا
ههههههه
فعلا لو كان اوباما صلى العصر بس؟؟
كانت فرقت
بس نعمل ايه بقى
هههههه
اشكرك على التعليق الجميل
نورتى المدونة

مسدس صغير يقول...

تامر على
اعتقد أنهم كانوا يملكون اجهزة الاعلام فى الماضى القريب
اما الان فالى حد ما بدأ البساط ينسحب من تحت اقدامهم
فعلا كان لازم يودوه الحجر الصحى ويلف مصر كعب داير
ههههههاشكرك على التعليق
نورتنى

مسدس صغير يقول...

سارة
اشكرك على الكلام الحلو ده اللى انا مش أده
بجد بستنى تعليقاتك
اشكرك مرة تانية
نورتينى

مسدس صغير يقول...

e emy
اشكرك على الكلام الحلو ده
اهو اوباما قال بؤين حلوين ننتظر الاصطدام بالواقع
لنر ماذا يفعل
اشكرك على التعليق
نورتينى

مسدس صغير يقول...

منوووش
اشكرك على التعليق
بجد سعيد بمرورك
نورتينى

ريمان يقول...

بالنسبه لموضوع اوباما

وكلامه

انا بقى مش كل كلامه عجبنى


مين قال ان كلامه كله حلو

وبعدين كده كده هو هيطبق سياسه امريكا

ده الطبيعى وده اللى هيحصل فى الاخر


بالنسبه للقصيده تفطس من الضحك

بس ازاى التعلب فى ديله سبع فرخات

مسدس صغير يقول...

ريمان
فعلا محدش قال ان كل كلامه حلو
اشكرك على التعليق
واشكرك على الكلام الحلو ده
سلام
نورتينى

هندسة وصفية يقول...

يب يا سيدي
عموما بس كلمة اخير
لا الاخوان بيمثلوا السنة
و لا الوهابيين بيمثلوا السلفية
و لا ايران بتمثل الشيعة
و لا احنا بنمثل المسلمين
يا ابو صلاح:)

محورك التاني ده مش محور ده دائري بحاله
كلام مظبوط
اتمني تكون قريت مقال ابراهيم عيسي لاني اعجبت بيه جدا

المحور التالت زي العسل
سلام يابو صلاح:)

مسدس صغير يقول...

هندسة وصفية
نسأل الله العفو والعافيه
بس احنا طبعا بنمثل المسلمين حتى وان قصرت اعمالنا
ونسأل الله ان يصلح قلوبنا
وان يرزقنا الاخلاص
اشكرك على تفنيد المحاور يا حبيببى
سعيد جدا بتعليقك
نورتنى

قلب ارهقته الاحلام يقول...

انا جيت تاني :)

اما ع موضوع الشيعة فهو مش محتاج تعليق تاني لانه كان معمول لحاجة معينه
والحاجة دي اتقلبت للدفاع عن حاجة تانيه خالص

اما عن اوباما ففعلا مش مهم الكلام المهم يكون فيه فعل
نوايا غامضة وغير مبينه بالمرة ولكنها بادرة غير مسبوقة تستحق ان نتوقف عندها

مسدس صغير يقول...

قلب ارهقته الاحلام
فعلا كلام اوباما يعتبر سابقة فريدة من نوعها
ولكن لا يجب ان نعقد عليها الامال
اشكرك على التعليق
نورتينى

MǿиY El-Shreef يقول...

والبرد بيقلب (.....)بير " يع "

يع يع يع ازاي جالك قلب :S

بس كلامك ف النقطتين الاولى والتانيه معاك حق

اما القصيده تحفففففه ياصلاح تسلم ايدك والله

Kiara يقول...

هههههههههههههههههههههههههههههههههه


القصيده تحفه موتتني من الضحك

فتاه حالمه يقول...

ممممممممممممممممم
المحور الاول انت عارف رائي
الشيعه دول تييييييييييييييييت
ومنهم لله

المحور التاني
مليش في السياسه وانت عارف
بس اكيد الكلام كان حلو اوي
وادينا مستنين الفعل
بس علي الله منستناش كتير


المحور التالت بقي
عسسسسسسسسسسسسسسسسسسسل
بس ملحوظه


واهو تعلب وملهش كبير


والبرد بيقلب (.....)بير " يع "


وساعتها. العطس خطير
يععععععععععععععععععععععععععع
ايه يا سدس ده
انت قلبتها يع كدا ليه

بغض النظر عن ده
بس بردو كلامك عسل يا مسدس وعفونا عن كلمه فشنك
بس بردو التفجير مستمر
بووووووووووووووووووووووووووووم

هههههههههههههههههههههه

youssef يقول...

الكلام عن الشيعه مش فتنه ومش مطلوب نحاربهم وبلاش نزيد ضعفنا ضعف .ومفيش اى مانع اننا نساند نصر الله ونمده بالسلاح كمان بس مش من منطلق دينى ولا بمنظور الوحده الاسلاميه المهم ان الامور توضح وبلاش سذاجه اما اوباما اه فعلا رئيس امريكا ومش مطلوب منه يكون رئيس حاجه تانيه وطبيعى يحقق مصالح امريكا لكن الاكيد انه شخصيه جيده جديره بالاعجاب وحطابه رائع بس احنا فين منه؟ تحياتى..

مسدس صغير يقول...

مونى الشريف
حمد الله على سلامة المدونة
ميرسى على التعليق الجميل
ههههههه
اشكرك
نورتينى

مسدس صغير يقول...

كيارا
اشكرك متغلاش عليكى
اتفضلى انا حلفت مانتى ماشية من غيرها
ههههههههه
اشكرك على التعليق
نورتينى

مسدس صغير يقول...

فتاة حالمة
امممممممممم
ايه التعليق الحلو ده؟
محور محور
ملكيش فى السياسة ليه؟؟
خلاص خلاص انا عارف
هههههههههه
بجد سعيد بتعليقك الجميل
نورتينى

مسدس صغير يقول...

يوسف
الشيعة همه الشيعة مش هيتغيرو
هم العدو فاحذرهم
ما علينا
اما اوباما هو فعلا رئيس امريكا
ولكنه تكلم ما لم يتكلمه احد قبله
شكرا اوبا
اشكرك على التعليق

maha zein يقول...

سلام عليكم ورحمة الله وبركاته

اولا يعني كلامك عن الشيعة كلام رائع جدا

وانا كنت فعلا فكراهم كويسين وبدافع في كلامي قبل كده
لكن بعد حلقات الشيخ الزوغبي
وفهمي لعقيدتهم ومهبهم اقدر اقولك اكتب ونبه غيرك وربنا يقويك

ده عندهم حاجة يا مسدس اسمها الطاقية اكيد انت عارفها
معناها ان الواحد يظهر عكس ما يبطن
يعني في عقيدتهم انهم ينافقوك عادي

اللى عاوز يتاكد يعمل سيرش عن حلقات الشيخ الزوغبي في برنامج حتي لا تكون فتنة
او معرفش يجيبها منين هي كانت علي قناة الخليجية مرعفش بقه


قصيدة حلوة جدا
واسلوبك بجد رائع في كتابة القصايد

ربنا يبارك فيك

الشعب لابد له من حكومه تشكمه يقول...

فكرتنى بفرحات بمحاوره التلاته:)
بالنسبه للمحور الاول فتخيل انى متفقه معاك هم فعلا ليهم خطر.
التانى:باركوته باه عاتى عاتى بيثبتنا واحنا بنتثبت بسرعه اقولك اتثبتنا امتى اول مقال السلام عليكم بالعربى عرفت اننا لبسنا العمه:)
التالت:حلوه ضحكتنى ياصاصا

اللى موش عارف يتغير يقول...

فكرتنى بمدرس التاريخ الشهير اسماعيل موسى
كلامنا النهاردة هنقسمة على 3 محاور
البق الاول :
البق الثانى :
البق الثالث :

يلا ايام الدراسة هى اللى بتبقى محفورة فى ذهننا
ايه يابنى فينك

موش هتبطل كلام كبير
وبعدين عايزين شعر
بس يكون حاجات صغيرة
موش قصائد

مصطفى حسان يقول...
أزال المؤلف هذا التعليق.
مصطفى حسان يقول...

أبو صلاح الجن..

موضوع الشيعة ده خلاص يعني دول مهروشين من بدري..
وبعدين في نقطة مهمة جداً، عند الإثنا عشرية منكر مبدأ الإمامة يعد كافر، وطبعا السنة بينكروا الإمامة يبقى السنة من وجهة نظر الشيعة كفار..
السؤال بقي يا عمدة..
ليه احنا بنعمل التقريب بين المذاهب والهجص ده؟؟
أما موضوع أوباما فأنا إلى حد ما متفق معاك

وعن القصيدة بقى بعدين اقول لك رأيي فيها عشان كفاية عليك كده بصراحة، وبعدين انا زهقت من الكتابة بيني وبينك يعني.

سلااااااااااااااامات ابقي خلينا نشوفك

غير معرف يقول...

قصيده جميله ومضحكه
وشكرا لك علي الفكاهه
بس معدتي اتقلبت صراحه
ههههههههههههههههههههههه

وبعدين ملحوظه المحور حاجه والدائري
حاجه تانيه
ابقي احكي لحضرتك الموضوع ده المرة الجايه الي اكلمك فيها مايك

تحياتي
كرباج

مسدس صغير يقول...

مها زين
فعلا الشيعة دول خطر كبير علينا كسنة.
ولازم نحذر الناس منهم
بصراحة انا شفت بعض حلقات الشيخ الزغبى راجل علامة
ربنا يجزيه خير
فعلا عندهم مبدأ التقية وهو أن يظهروا ما لا يضمرون
اشكرك على الكلام الحلو
نورتينى

مسدس صغير يقول...

الشعب لابد له من حكومه
فعلا معاكى حق
سعيد جدا بتعليقك
بجد نورتينى
اشكرك

مسدس صغير يقول...

اللى موش عارف يتغير
هههههههههه
اسماعيل موسى؟؟
يخرب عقله
هههههههههه
بق؟
حلوة
ليت شعرى امتى اشوف الجيل فيه؟؟
دى تنفع؟؟
هههههههههههههاشكرك على التعليق
مستنيك على الميل يا حبيبى

مسدس صغير يقول...

درش
اهلااااااااااااااا
حبيبى حبيبى
واحشنى والله
وواحشنى اشعارك
انا متفق معاك طبعا
اشكرك جدا على التعليق اللى اسعدنى
نورتنى

مسدس صغير يقول...

غير معرف ( كرباج )
مين قال انك غير معرف
انا عارفك طبعا
ههههههه
ماشى يا سيدى احنا اى خدمة
كلمنى وقولى انت عايز ايه؟
اوك يا بوتة
نورتنى جدا

عمرو يقول...

و الله بالنسبه لكلامك عن أوباما فصح و تمام و مظبوط جدا ..
يعنى الراجل ما هو اٍلا موظف فى مؤسسه كبيره بتديرها العديد من الهيئات الحكوميه و ما هو اٍلا مجرد منفذ لهذه السياسات يعنى ما يقدرش بعمل حاجه من دماغه خاصة لو كانت بتتعارض و بتتضارب مع مصالح المؤسسات اللى بتحكم أمريكا ..
القصيده عجبتنى أوى :))
تقبل تحياتى و تقديرى ..

احساس طفلة محبة للرومانسية بس واقعية يقول...

بالنسبة لزيارة اوبما
انا اتفق معاك فى الرايي
فى حاجة جديدة بتحصل
بس الهدف الاول والاخير مصلحة بلدة
وهو بالقدر الكافى من الذكاء انه ينفذ
اللى احنا مش عايزينة بطريقة تخلينا راضين
بتهيالى الغلط مش على ذكائه الغلط فينا احنا

القصيدة رائعة جدا
وياريت فعلا تكملها
تقبل مرور

مسدس صغير يقول...

عمرو
فعلا هوه موظف بس الى حد ما ليه فكرة بردة
دا رئيس امريكا مش عمدة قرية فى الهولولو.
هههههه
اشكرك على الكلام الحلو ده
سعيد جدا لتعليقك
نورتنى

مسدس صغير يقول...

فتاة محبة للرومانسية بس واقعية
فعلا كلامك واقعى جدا
الراجل ده عنده من الذكاء ما يجعله ينفذ سياسات دولته برضا كامل من العرب والمسلمين
اشكرك على التعليق المثمر
بجد سعيد جدا بتعليقك
نورتينى

صمت المشاعر يقول...

سلام الله عليك

اولا المحور الاول كلامك سليم ميه ميه ولا غبار عليه

لاني بصارحه بكره الشيعه جدااااااااااااااااااااااااااااااااااا

اما المحور الثاني الخاص باوباما تعليقي كان انه شخصه ذكيه اووووي وقدرت تخلي الكل يقتنع بيها كانت بتحاول ترضي كل الاطراف

حتي قضيه فلسطين وبكل بساطه قال هنبني دوله فلسطين طيب والله علي اساس هتبنيها هتبنيها علي المستوطنات اللي فيها والا هتذف الاجزاء اللي اتاخدت منها وهتبنيها في حق صلصله

انت اوقف اقامة مستوطنات طيب ليه متامرش بالغاء المستوطنات اللي اتعملت فيها

شخصيه زكيه اووووووي

ربنا يستر ويحقق نص اللي قاله

المحور التالت التعلب فات فات ودوخني من اللف

حلووووووه اووووي تعبيرات وغزي القصيده

دمت بخير

وردة يقول...

هههههههههههههه
ال3محاور بتوعك دول فكروني بثروت بتاع يوميات ونيس فاكرة
نتكلم بجد بقي
انا عن نفسي متأكده ان اول الاخطار اللي بتواجهنا هي الشيعة وهما كمان مش بيستريحو نهائي لاي سني
مع انهم في الاخر الكل مسلمين
اما الاخ المبجل اوباما ربنا يكرمه
كفي ووفي وقال اللي ما يتقال
والقصيدة
ههههههههه
بجد بجد جميلة ولايقه اوووي علي البوست
تسلم ايدك
سلام

Maha Shahen يقول...

هههههههههههههه حلوه القصيده بس بير ييع فكرتنى بالذى مضى الواحد يخاف اليومين دول يقول عندى انفلوزا ليتنفى بره البلاد

بس مختصر الكلام حلو الكلام

تحياتى ليك

مسدس صغير يقول...

صمت المشاعر
معاكى حق طبعا انا زيك بكره الشيعة دول جدا
اوباما شخصية ذكية جدا بتعرف تحتوى الاخرين
اشكرك على الكلام الحلو ده
نورتينى

مسدس صغير يقول...

وردة
ههههههههههه
ثروت
تلاته
ههههههه
معاكى حق طبعا
اشكرك على التعليق الجميل
نورتينى

مسدس صغير يقول...

نور شاهين
اشكرك على التعليق المختصر الجميل
سعيد بزيارتك
نورتينى

صيدلانيه طالعه نازله يقول...

قبل زيارهخ اوباما بشهر المفروض الخبراء المتخصصين فى الشرق الاوسط بيبحثوا و يلموا المفردات القريبه الى قلب العرب عشان يحبشوا بيها الخطاب و يطلع زى ما سمعناه و شفناه كده
لان الطريق الى قلب العرب ودانهم و معدتهم
ملا ودانهم فاضل معدتهم
يا مسهل

فشكووول يقول...

هه هه هه هه ههههههه
الله يضحك يا مسدس على قصيدة التعليب فات فات فى ديله سبع لفات
امامن ناحية الشيعه والسنه اتعشم ان نلم الدور احنا وهما ونآتى الى كلمة سواء

يا مسدس ... النوايا بتاعة اوباما طيبه ... والنوايا وحدها لا تكفى ... هناك اعمال كثيره علينا عملها حتى نتواصل مع نوايا اوباما ... بس اظن لن نعمل اى حاجه وبالرغم من نوايا اوباما الحسنه وعمايلنا المهببه ... مافيش حاجه
كل اللى حنعمله ان احنا نظبط عمليات التوريث وعمليات الاستقرار على الكراسى وخلاص ... ودا ما يهمناش كتير بس يهم اللى كابسين على نفسنا برضه كتير
وربنا ياخدهم اخد عزيز مقتدر

كراكيب يقول...
أزال المؤلف هذا التعليق.
كراكيب يقول...

والتعلب فات فات وف ديله سبع لفااااات

اولا انت دماغك حلوة اوي
ثانيا: كلامك عن اوباما سكر جدا:)
وماتنساش كمان انه دخل المسجد حافي مش لابس الخف والمصور كان مبسوط اوي بالموضوع ده وكل شوية يصور الشراب الاسود
والراجل اتوضا من الحنفية مش بالمية المعدنيه
يعني بصراحة عمل الواجب وزيادة
وبعد قراية القرآن اللي قراهالنا في الخطاب وبعديها تسقيف حاد من كل الحاضرين كان المفروض عليه بصراحة يختم الخطاب بدعاء نهاية المجلس وسورة العصر
اخص عليه ازاي ما يعملش كدة

ثالثا بقى: القصيدة
ياسلاااااام بقالك منافس يا علي سلامة

مسدس صغير.. بلوجك حلوة اوووي

miro el niro kwanirooo

مسدس صغير يقول...

صيدلانية طالعة نازلة
فعلا الطريق الى قلب العرب معدتهم وودانهم
اما عن المعدة فالمعونة السنوية قايمة باللازم وزيادة
وودانهم حصل واللى كان كان
هههههههه
اشكرك على التعليق نورتينى يا دكتورة

مسدس صغير يقول...

فشكول
عمى وعم عيالى
اشكرك على الكلام الحلو ده
اما اوباما كلامه منطقى بس ابقى اعدل العمة شوية
اصل كلنا لبسناها وعدلناها
هههههههههه
بجد سعيد جدا بتعليقك
نورتنى

مسدس صغير يقول...

كراكيب
اشكرك على الكلام الحلو ده
بجد سعيد بمرورك
فعلا اوباما قلع الجزمة
بس انتى عارفه قلعها ليه
اصله بيعمل اعلان لشركة شرابات
هههههههههه
اشكرك على التعليق الجميل جدا
نورتينى

حلم بيعافر يقول...

بالنسبة للكلام عن الشيعة
حقك انك تقول اللى مش عاجبك
بس انت مش شايف ان فيه حساسية زيادة قوى ناحية اى حاجة تيجى من ايران؟
هى ايران بقت عدونا الاول اللى محتل اراضينا وبيقتل فينا كل يوم؟
هى ايران اللى بتقتل فى عساكرنا على الحدود وتقول خطا غير مقصود؟
مشش عارف
بالنسبة للكلام على اوباما
انا شايف انه جه يضحك علينا وياكلنا بكلمتين
واكلنا فعلا
وكله قام وهلل
وفيه واحد اهبل قام وهو بيخطب وهتف
i love obamma
ههههههههههههههههه
حاجة تشل
والله حاجة تشل
وكمل القصيدة
مستنين التكملة

منــار فايد يقول...

القصيده بجد جميله اوي
انا دايما بقرا مواضيعك
وبحس اني مش عارفه اعلق واكتب ايه
مواضيعك سياسيه اوي جايز عشان كدا مش بعرف اعلق عندك

منــار فايد يقول...

بس لامانع بردو ان مدونتك مدونه مميزه يغلب عليها طابع عملك بشكل اساسي...


منار فايد