الثلاثاء، 2 يونيو 2009

وانكشفت العباءة وظهر الحق ...

" حسن نصر الله يقبل يد الخمينى"

اذا كانت الطباع طباع سؤ فلا أدب يفيد ولا أديب ..

يا من تعاطفتم مع حسن نصر الله

يا من تحبون محمود أحمدى نجاد

يا من تقولون إن الشيعة هم إخواننا

وتقولون بأن الشيعة هم نصر الامة القريب

إن الشيعة بجهادهم هذا لا يجاهدون فى سبيل الله

إنهم وبكل ثقة أقولها : يجاهدون فى سبيل الشيطان

إن حسن نصر الله هذا الذى يظهر علينا وكأنه محرر العبيد "ونحن هم"

ماذا صنع للأمة

انه التلميذ النجيب للخمينى والخمينى لمن لم يعرفه هو امام من ائمة الشيعة لا اقول انه كاد أن يجعل من نفسه إله

بل هو بالفعل جعل من نفسه إله ولا مجال لسرد كتبه ولا مؤلفاته ولا اقواله .

المهم ان الشيعة الذين يزعمون انهم نصر الأمة القادم نعم قد يكونون نصراً لأمةٍ غير أمتنا

إننا لا نتشرف بأن ينتمى شاتمى الصحابة ومحرفى القرآن الى أمتنا

فلتبحثوا عن أمةٍ غير أمتنا تنتسبون اليها

فالخبر الذى لا يحتمل مجالا للجدال ولا للشك الذى يظهر لنا الوجه الحقيقى للشيعة هو ما اقوله لكم الآن :-

" القوات الإيرانية تشن هجوماً مسلحاً وعنيفاً على مساجد ومحلات وبيوت أهل السنة فى مدينة زهدان بإقليم بلوشستان فى حرب إبادة جماعية ويناشد أهل هذه المدينة المجتمع الدولى بالتدخل لإنقاذهم من براثن القوات الايرانية بعد تدمير بيوتهم ومساجدهم . جاء ذلك بعد أن اعلنت جماعة جند الله أنها صاحبة تفجير مسجد للسنة فى مدينة زهدان "

ايه التعليق اللى ممكن أقوله على خبر زى ده؟؟!!

هل ممكن واحد فينا يتعاطف مع حد شيعى ؟؟

والشيعى ده هوه أول واحد عاوز يتخلص من أهل السنة والجماعة اللى هما إحنا ..

بصراحة انا بستغرب من الناس دى جدا.

من زمان اوى وانا عاوز اتكلم عن الشيعة بس كنت بقول كفانا فتن ونسيب الحال على ما هو عليه " وجهة نظرى المتواضعة جدا حتى وإن كانت غلط "

بس دالوقتى بصراحة الحال معدش يتسكت عليه..




هناك 90 تعليقًا:

قلب ارهقته الاحلام يقول...

هاااااااااا

111111111111111

قلب ارهقته الاحلام يقول...

ونقول احتلاااال اجييييين

فينك ياميمايتي تيجي تشوفي :)

قلب ارهقته الاحلام يقول...

محدش يوترني بأة

سبوني اقرا براحتي من غير زن ^^

mimi يقول...

دودو ... سمعتك بتنادي عليا جيتلك جري ... ايه دا كوله .. ايه دا كوله ...

هذا هو الاحتلال المبين ... شطورة ... طبقتي الدرس كويس

برافووووووو

اوعي تتنازلي عن جايزتك من ابو صلاح

نياااااااااااااهااااااااا

أنا عينتك نائب رئيس منظمة الاحتلال المدونية ...

نياااااااااااااااهاااااااا

mimi يقول...

أنا معاك يا أبو صلاح ... في كلامك ... مين يآمن للناس دي ...
أشهد أن لا إله إلا الله
وأن محمد رسول الله

حسبنا الله ونعم الوكيل

قلب ارهقته الاحلام يقول...

اما عن حسن نصر الله عاش تمثيل دور الزعيم فهو نصاب كبير

وهم فرقة ضاله اضلهم الله وزادهم في الضلال والطغيان حتي بلغوا مبلغهم

اما عن الخبر المؤسف والمخزي فلهم الله هو خير ولي وخير نصير بعد تخلي المجتع الدولي وتخاذله

ولا يسعنا الا ان نحتسب الله في اخواننا وندعو لهم بالنصر

وندعو الله ان يشتت تلك الفرق الضاله ومن يدعمها ويؤازرها

بوست هايل ياصلاح كالعادة ^^

يامتابع انت :)

دمت بألف خيرر

تحياتي ,,,,

قلب ارهقته الاحلام يقول...

تعليمك ياقطتي :)

امال ايه انا بايته هنا لحد ما اخد الجايزة ^^

وبالنص يامعلمي

ستيتة يقول...

عارف اللي انت قلته في الآخر زعلني

من زمان اوى وانا عاوز اتكلم عن الشيعة بس كنت بقول كفانا فتن ونسيب الحال على ما هو عليه
-----------------------------------

لأن الفتن تسابق كل فكر شيعي في الطرقات

اللي يقرأ أحكامهم وأفكارهم اتحداااااااااااااااه يقول انهم النصر

انت عارف اني مسمية المتعوس ده من زمان "فتنة الله في الأرض"

وربنا سبحانه وتعالى قال " أم حسبتم أن تتركوا ولما يعلم الله الذين جاهدوا منكم ولم يتخذوا من دون الله ولا رسوله ولا المؤمنين وليجة والله خبير بما تعملون"

انتصارهم المحدود في لبنان ماهو الا فتنة يمحص الله بها القلوب

وقانا الله جميعا شر الفتن ما ظهر منها وما بطن

امال لما ينزل لهم الدجال ها يقولوا ايه بقى اللي بيقولوا ان جزمة فتنة الله فوق رؤوسهم؟

MaNoOoSh يقول...

بصراحة يا صاصا انا أصلا مبحبش تقطيع الأمة في مذاهب وجماعات
ونفضل نعيش طول عمرنا بقى فى جدال مع بعض لن ينتهي
بحس ان دة مقصود علشان منفوقش أبدا ومنقفش على رجلينا ولا نتحد أبدا

الغريبة ان العالم دلوقتى بقت لغته هى لغة المصالح.. لكن حتى دالمصالح المتفقة بين العرب والمسلمين بكل فرقهم وجماعاتهم بقينا نقطع بعض فيها.

يارب نفوق بقى.

الشعب لابد له من حكومه تشكمه يقول...

طايب انا متفقه معاك فى حجات بس اسمحلى انى اختلف برضه معاك فى حجات.
متفقه معاك ان الشيعه عندهم فرق بتخرج اصلا عن المله وبيؤمنوا بحجات اقل مايقال انها كفر ومعاك انهم فى العقيده لازم نختلف معاهم.
بس انا بحب حسن نصر الله:)
بحب حسن نصر الله المناضل ,الذى يفعل مايقوله وده بشهاده الاسرائيلين نفسهم هم نفسهم بيقولوا انه اذا تكلم فعل.
بحب حسن نصر الله اللى بيقف بكل قوه يتحدى اسرائيل,اللى بيعرف يلوى دراع اسرائيل وبيحرر الناس اللى عاوزهم غصب عن اسرائيل زى سمير القنطار اللى اسرائيل قالت انه مش هيخرج ابدا..
بحب حسن نصر الله اللى بيعرف ياخد حق رجالته وحتى فى اخر مره قال انه مش ناسى القائد اللى اسرائيل اغتالته بس هم بيشوفوا المكان والزمان المناسبين للرد.
فتقولى باه انه تمويل ايرانى مهم شيعه زى بعض شئ طبيعى يعنى ومستغربتوش لما شفت الصوره.تقول عليه زى ماتحب.
لكن انا بحب حسن نصر الله امناضل اللبنانى:)

الشعب لابد له من حكومه تشكمه يقول...

اه نسيت اقولك ان سبب حبى لحسن نصر الله هم الرؤساء العرب نفسهم لما بشوف موقفهم وبشوف موقفه بلاقينى مجبره انى اقف معاه فى موقفه وليس دينه ومايؤمن بيه...
يعنى مش عاوزه حد يفهم كلامى غلط انا عارفه كويس يعنى ايه شيعه بس انا وضحت لما قلت المناضل وبسسس:)
هاتلى زعيم عربى واحد اسرائيل بتعمل حسابه غير حسن نصر الله...

عبد من عباد الله يقول...

بعيداً بس عن الشتائم و السياسه لاني بصراحه انا مش بفهم فيها اوي لان من وجهة نظري السياسه كلها مجرد كلام في كلام يعني انتي بتحكم على اشخاص اياً كانوا فقط لمجرد الكلام اللي بيتقال لك او بتقراه من ناس كتباه و من خلاله بتتكلم عن الشخص ده و يا تشتمه يا تمدحه و انا في وجهة نظري لو حتمدحه خلاص مفيش مشكله لكن لو حتشتمه هنا تكون المشكله لان ممكن كل الكلام اللي انت سمعت عن الشخص ده ما يكنش صحيح و يكون مليان مغالطات ....

ده كلامي بصفه عامه عن السياسه يعني اما عن حسن نصر الله فانا ايضاً لست متبحر في علوم الدين و الفقه علشان اقولك الفرق بين الشيعه و السنه و ايه الاختلافات و هل هما مسلمين ولا لأ ؟؟ بس اللي اقدر اقولهولك بمنطق طبيعي جداً ان عدو عدو صديقي و ان اي حد ينصر المظلوم اياً كانت ملته فانا معه ...

فإذا تم الاعتداء علي من بعض المجرمين و جاء احد الاشخاص و دافع عني و اخرجني من بين ايديهم و فوجئت بعد ذلك انه يهودي هل اقول له ( يخربيتك انت مالك و مالي ؟؟ ايه يا عم انتوا بقيتوا في كل حته ؟؟ مليتو البلد الله يخربيتكوا ؟؟!! ) اكيد و بدون تفكير سأشكره و اقول له كتر الف خيرك ولك في رقبتي جميل .

رحلتنا في الحياة يقول...

مش هنقول غير ربنا يصلح احوالنا كلنا
ويهدينا اجمعين ويقينا شر الفتن امين يارب العالمين

د. ياسر عمر عبد الفتاح يقول...

يا عم قول براحتك
خلاص إنكشفوا واللي كان كان
واتفضحوا فضيحة بجلاجل


بس الغريبة إن فيه ناس لحد دلوقت بيدافعوا عنهم

AhMeD RaDy يقول...

بسم الله

امممممممممممممم .. الكلام الكبير دا ببيخوفنى .. مش عارف ليه ..!! بقلق قلق القطة من هدوء الفار .. المهم بقى

هو ممكن افكركم بحاجة حد فاكر لما البرجيين ادمروا .. ايوة 11 سبتمبر .. فى فرحة غريبة كدا ضربت فى نفوخ الناس وغصب عن الواحد حاس بانتعاش عشان امريكا انفها (( بلاش اقول مرخيرها عشان القرف )) انكسرت

نفس الفرحة دى تسببب فيها حسن نصر الله .. شايفين حكام عرب مدلدليين ..مذلولين ..راكعين خانعيين (( يا جدعان انا المفروض ما اتكلمش فى السياسة ))

فراح عمنا حسن جيه واديله بونية فى وش اسرائيل باعتراف اسرائيل

عشان كدا عايز اقول

الرجالة ماتت فى الحرب ....!!

الجملة الاخيرة هى اللى عايز اقوله

Empress appy يقول...

معلش يا اخويا الصغنن انت يا ريت شويه تقرا للشيعه كتير واعرف انهم كذا مله وكذا عقيده اقربهم الاثنى عشرية لينا احنا اللى منها حسن نصر الله
الفكره مش فى اختلاف حاجه الفكره فى انه على الاقل رجع رفات الجنود بتوعه
قولى عندنا كام سجين فى اسرائيل تعرف ولا لا
الفكره ان الدين لربنا انا سنه وبحب حسن نصر الله كقائد حرب مش هو ايه ولا مين

هندسة وصفية يقول...

ابو صلاح حبيب قلبي
طيب هو السؤال
ايه لازمة الكلام ده؟؟؟
يا سيدي احنا سنة و الحمد لله و يديم علينا نعمته
بس ليه الي هيزدوهلنا الكلام ده غير فتن
هو احنا ناقصين اعداء؟
ثانيا: اي ثانية بنضيعها في مهاجمة اي حد غير اسرائيل انا من رايي طبعا دون التسفيه برايك مضيعة للوقت
ثالثا: انا عموما اعرف ناس شيعة عاديين و الصراحة مشفتش منهم حوشة يا بو صلاح
و هما محترمين
هبقي شيعي يعني؟؟
لا ربنا يثبت الايمان في قلبي لاني مش ضعيف و مش سهل التاثر

هندسة وصفية يقول...

و قلب ارهقته الاحلام

انا مش ضدد ان حد يكون رايه عن انسان و خصوصا لو شخصية عامة

بس مش شايفة ان كلنا اضغف من اننا نعلن علي الملاء ان حد نصاب؟؟

وردة يقول...

الغريب ان الراجل ده اول ما سمعنا اسمه الكريم كنا بنهتف بأسمه ايام حرب لبنان
وكلنا حسن نصر الله
والي الامام ياهازم اسرائيل
والكلام السكر ده
وفي الاخر يطلع حسن نصر الله من عباءة الخميني
ده احنا شربنا حته مقلب
تمام والله
يمكن علشان كان نفسنا حد يقف ادام اسرائيل
او يمكن توسمنا في حسن باشا نصر الله الطية والسماحة
مش عارفة
اللي انا اعرفه اننا مسلمين سنة والحمد لله
لانقبل ان يهدر دم اي مسلم حتي لو كان شيعي
هما بقي يقتلوا السنة يبقبو مش مسلمين اساسا
انا مش بكفر حد اعوذ بالله
ولكن دينا المتسامح علمنا اننا منقتلش حتي اصحاب الديانات التانية لو كانو عايشيين معانا في سلام او في بنا وبينهم عهد
فما بالك بقي بناس مسلمين بس مختلفين معانا في المذهب
نبيد قرية بأكمالها علشان سنة
لاحول ولا قوة الا بالله العلي العظيم
ربنا يرحمنا ويخلصنا من امثالهم
ربنا يباركلك علي طرحك للموضوع
سلام

محمد يقول...

فعلا الموضوع زاد عن حده والمخدوعين في هؤلاء أصبحوا كثيرون


ووجب التنويه

بوركت وبورك قلمك

تحياتي

hasona يقول...

السلام عليكم

مش عارف أبدأ منين بالضبط
لكن الشيعة فرق ومذاهب

هو الحال عندما نقارن بين الشيعة واليهود - أيهما ستختار

لكن من الناحية الدينية هم كما قولت ووصفتهم

لكن الان وكما أوضحت في وجهة نظرك المتواضعة
نقول مش محتاجين فتن ولا نصب الزيت علي النيران الملتهبة هفتزداد اشتعالا

الان اسرائيل تستغل هذا الموضوع
ومنذ بضعة أيام سمعت من ساستهم يطالبون باتحاد بين اسرائيل ومصر والسعودية لمحاربة ايران

،،،،
اذا علينا أن نفرق بين النهج الديني والنهج السياسي

ساره يقول...

تصدق ياصلاح انا استغربت كثير لما عرفت انك لسه مكتشف ان نصرالله تابع للخميني ... كل الشيعه يا عزيزي تبع الخميني ... ومعروف منذو الازل انهم اعداء ل السنه وان حاولوا يبينوا العكس .... والفتنه الطائفيه بين السنه والشيعيه صايره زي القنبله الموقوته اللي ممكن تنفجر فى اي وقت

الله يحفظنا واياكم من الفتن

تامر علي يقول...

أنا متفق نعك تماماً في المبدأ ولكن ...

* إدارة العملية السياسية على مستوى العرب السنة في الحضيض إن لم يكن أسفل

* الشيعة أصبحوا قوة لايستهان بها على مستوى العالم

* إبرام إتفاقيات دولية ومعاهدات ومصالحات (إن كانت في الصالح العام ) جائزة مع غير المسلمين

* لايوجد ما يسمى تقريب بين المذاهب ولكن يوجد اتقاقيات مع من لهم مصالح مشتركة (إن كان هناك عدو مشترك)

* التعامل مع الشيعة لابد وأن يكون له سياسة وحتى مخالفتهم لا تعني متابعة (البعض) على أكاذيبهم وحمقهم السياسي

أرجو تكون الصورة وضحت :)

أبو العريف يقول...

معاك حق يا صلاح في كل كلمه قلتها
طبعا في ناس كتير تعاطفوا مع حزب الله وخاصه
اثناء حربهم ضد اسرائيل
اي نعم كل واحد لازم يتمني هزيمه اسرائيل حتي لو كانت بتحارب عدو بس ده ما يخليناش نتعاطف مع افكاره
وانا اذكر ان الدنيا قامت ولم تقعد عندما قام احد الخطباء في قريتنا ( اعزه الله ) بعمل خطبه عن الشيعه يبين فيها حقيقتهم وسبهم وتطاولهم علي الصحابه
وبل وبعض المتشددين منهم يتطاولون علي الرسول صلي الله عليه وسلم

واعتقد ان الخطيب يومها قرر القاء خطبته في ذلك التوقيت لما رأي من الكثيرين الاعجاب بحزب الله وبالتالي بالشيعه

تحياتي ليك

Unknown يقول...

عزيزي كما قال رئيسنا المبارك حسني مبارك اللى كل يوم بشعر انه عندة بعد نظر وشايف حاجات احنا مش شيفنها
قال ان الشيعة لا ولاء لهم الا ايران وانهم ينفذون اجندة ايرانية في المنطقة
سلمت مصر من كل سؤ ولا نامت اعين الجبناء
تحياتي والى الامام

Unknown يقول...

ليه الكلام فى
المواضيع دى
ياأستاذ صلاح!
انا مع الناس
اللى قالوا انهم
يحبون حسن نصر الله
المنـــــــــــــــاضل
ولو كلامـــــــاً!شفت
انت ايه من المكتومين
كلاماً وفعلاً وحرفاً كمان

nody يقول...

انا طول عمرى بقول ان حسن نصر الله ده الشوكه الى حطاها ايران فى جنب العرب
وده الى اثبته السيد حسن مرارا وتكرارا
بس مش كل الشيعه كده
هما فعلا طوائف
فيهم طوائف كويسه جدا ومحترمه
وفيهم طوائف بتكفر السنه وبتسب الصحابه فعلا
واحنا ما ينفعش ناخد الحلو مع الوحش

Ramy Wasel يقول...

صحيح نحن نختلف مع الشيغه
دينيا وسياسيا

ومن يناصرون حسن نصره فى مصر اما احد شخصيت
اما مدفوع بحسن نيه للمقاومه

او نكايه فى الحكومه
لانها ايضا لم تحسن اظهار نوايا حسن نصر الله
وفشلت فى تقليل شعبيته
ولم يجد الناس اى احد كرمز للمفاومه غيره
وهذا للاسف الشديد

ولكن فى تعاملنا مع حسن نصر الله او الشيعه بشكل عام
من الاحسن ان نطبق المثل العامى

انا واخويا على ابن عمى
وانا وابن عمى على الغريب

فليس من المعقول ان نجعل العدو الاول هو ايران وحسن نصر الله
قونترك اسرائيل

صحيح انا اكره النظاه الايرانى
لاعتبارات سياسيه وتاريخيه
ويكفى انهم اطلقوا اسم قاتل الرئيس السادات رحمه الله على اسم شارع فى ايران

مدونتك ممتازه

وبأذن الله اتابعها دائما

تحياتى

رامى واصل

مسدس صغير يقول...

قلب ارهقته الاحلام
ماشى يا ستى
اى خدمة

مسدس صغير يقول...

قلب ارهقته الاحلام
احتلال؟؟
وكمان بتسأل عن ميمايا؟؟
روحى اسألى عليها فى بيتهم

مسدس صغير يقول...

قلب ارهقته الاحلام
اقرى ومتوجعيش دماغنا

مسدس صغير يقول...

ميمايا
دا انتو متفقين عليه بقى
وايه الاحتلال ده؟؟
ههههههههه

مسدس صغير يقول...

ميمايا
فعلا محدش يآمن للناس دى
اشكرك على الاحتلال اقصد على التعليق
نورتينى

مسدس صغير يقول...

قلب ارهقته الاحلام
فعلا الراجل ده عاش دور مش دوره
ولبس عباية مش بتاعته
انا بقولها بعلو صوتى برغم كل اللى علقو الناس دى فرق ضالة
اشكرك على التعليق نورتينى

مسدس صغير يقول...

قلب ارهقته الاحلام
جايزة ايه انتى وهيه
انا متفقتش على جوايز
هههههههه
اشكركما على التعليقاااات

مسدس صغير يقول...

ستيته
والله معاكى حق
الناس دى مينفعش حد يتعاطف معاهم نهائى
الناس دى ينتهزون اى فرصة للصعود على رقابنا وللأسف لسه بردة ناس كتير متعاطفه معاهم والدليل التعليقات اللى تحت دى
بصراحة انا حزين
اشكرك على التعليق

مسدس صغير يقول...

منووش
والله معظم الناس مغيبة وبتتكلم من منطق الامة الواحدة
يا جماعة الخمينى وحسن نصر الله على حد قول علماء السنة والجماعة قولا واحدا لا ينتمون الى هذه الامة
يا جماعة افهمو الناس دى سبت عائشة مثلا والكلام ده مش من خيالى انما مسجل بالصوت والصورة
ومن سب عائشة او اتهمها فى عرضها كفر كفر كفر
ده مش كلامى
ازاى؟؟؟ احنا لازم نكشف الناس دى عشان الامة لا تفتتن بيهم
والله كارثة
انتبهو ايها الناس احنا فى كارثة وفى نوم عميق جدا جدا لازم نفوق منه

اشكرك على التعليق

مسدس صغير يقول...

الشعب لابد له من حكومة
من حقك تتفقى معايا وكمان من حقك تختلفى معايا
بس والله يا جماعة كون واحد يقول انا بحب حسن نصر الله تبقى كارثة نحن لا نحب الا فى الله ولا نكره الا لله
اذا كان يسب الصحابة
اذا كان يدعو مصر للحرب الاهلية
يدعو الامن المصرى للخروج على الحاكم وحكم الخروج على الحاكم بهذا الشكل فى ديننا هو الكفر..
الموضوع اكبر من ان نتعاطف مع حسن نصر الله
حسن نصر الله يوم أن ينتصر على اسرائيل انما يكون فرحنا كما فرح الصحابة بنصر الروم على الفرس." الكفار "
يا جماعة الناس دى لا يحركها الا عقيدتها
احنا فى خطر كبير ولازم الامة تنتبه
بصراحة انا مش عارف ازاى انتو مغيبيين كده
اشكرك على التعليق

مسدس صغير يقول...

الشعب لابد له من حكومه
الموضوع والله اكبر من ان نحب حسن نصر عنداً فى الحكام العرب
الناس دى اشد خطرا علينا من اى عدو
فالعدو واضح وضوح الشمس فى كبد السماء انه عدو
اما اشكال هؤلاء فهم يصطادون فى الماء
العكر

اشكرك على التعليق
مرة تانية

just dream يقول...

والله انا سمعت فعلا الخبر ده بس هنقول ايه غير حسبنا ونعم الوكيل وبعدين هو كان فيه اكتر من الاساءات اللى توجهت لنبى الامه
دول عالم فاضيه واعتقد انهم عاوزين يظهروا نفسهم بانهم افضل من السنه مش اكتر
انا والله كان عندى كتاب عن الشيعه والله العظيم خفت اقراه لمجرد ان شفت بعض الصور يلا حسبنا الله ونعم الوكيل فى كل ظالم يارب
بوست حلو اوى

فتاه حالمه يقول...

مساؤ الخير بليل
انا مش بحبهم اصلا الناس دي
حتي من قبل ما اعرف كلامك ده
هما والبهائين وكل مله طلعلنا في المقدر جديد

الا ازيك انت بقي واذاي بدريه
ههههههههههههههه
محدش بيشوفكم ليش

مسدس صغير يقول...

عبد من عباد الله
اولا لقد اعطانا الله عقولا لنفهم لا لنرى بها ونسكت
عقولا تميز ما بين الحق والباطل
فان كنا برغم عقولنا لا نستطيع ان نفهم فى السياسة ولا فى واقع الامة فليس لنا ان نعيش فى عالم كل من فيه يفهم الا نحن..
الامر واضح وضوح الشمس
اقول لكم الشيعة يدمرون مساجد السنة ويقتحمون بيوتهم فى مدينة زهدان وتقول لى اننا لا نفهم فى السياسة . وتقول انه ما يجب ان نكون فكرنا عبر كلمة نراها او نسمعها او نقرأها..
فمن اين اذا يكون تفكيرنا؟؟؟
اشكرك على التعليق

مسدس صغير يقول...

ايوشة
لنا الله
اشكرك على التعليق
نورتينى

مسدس صغير يقول...

د/ياسر
والله يا دكتور هو ده اللى مجننى.
ازاى لسه فيه ناس بتدافع عنهم
علىى الاقل مقروش البوست بتاعى للأخر؟؟؟؟؟؟؟؟؟؟؟؟؟؟؟؟
ربنا يهدى
اممممممممممممممم
اشكرك على التعليق

مسدس صغير يقول...

احمد راضى
كلامك صح
نفرح اما هوه ينتصر على اليهود
بس مش بقى نقعد ندعى له ف المساجد ونعجب بيه اكتر من عمر بن الخطاب بقى
ونهلل
ونحلف بحياته؟؟
الكلام ده طبعا مينفعش خالص
اشكرك على التعليق

مسدس صغير يقول...

ابى
يا ابى هانم انتى بتكلمى واحد خريج حقوق يعنى دارس كل الفرق بتاعتهم بالتفصيل وغير كده لو عايزة فيديوهات عن عقيدة الفرق دى من بقهم هما انا مستعد
انتى اللى عاوزة تقرى
فرقة واحد بس اللى ممكن نقول عليها معتدلة شوية اللى بتقول اننا بنحترم ابو بكر وعمر ولكن على اولى بالخلافه منهم
وحدة بس
والباقى حدث ولا حرج
لو عايزنى اعمل سلسلة عن فرق الشيعة مستعد طبعا وكله بالادلة
اشكرك على التعليق

مسدس صغير يقول...

هندسة وصفية
لا الكلام ده مهم جدا
الامة بدأت تفتتن بالشيعة ودى اكبر كارثة
الشيعة دول هما اكبر خطر بيهدد الاسلام فى منطقة الشرق الاوسط والدليل الخبر اللى انا قلته فى البوست لو قريته
اما بالنسبة لعوام الشيعة فدول مسيرين ونعذرهم لان معظمهم لا يعرف عن الواقع شئ
اشكرك على التعليق
نورت

مسدس صغير يقول...

وردة
اللى حاصل دالوقتى فى مدينة زهدان من القوات الايرانية حرب ابادة جماعية لاهل السنة والناس بردة لسه متعاطفه مع الشيعة
يا عاااالم فوقو بقى
كفانا تغييب
اشكرك على التعليق المثمر
نورتى

مسدس صغير يقول...

هذه حياتى
الموضوع كبير
بس مش عارف ايه سر التعاطف المتناهى مع الشيعة ده
ده اللى الشيعة خططوا ليه من سنين وللاسف نجحو فيه الان
اشكرك على التعليق
نورتنى

مسدس صغير يقول...

حسونة
الموضوع اكبر من ان نتكلم عنه من جهة واحدة
العدو الصهيونى مثلا
واضح وضوح الشمس فى كبد سماء نهار صيف حار.
اما الشيعة فهم العدو الذى يتعاطف معه كثير منا.
اشكرك على التعليق

مسدس صغير يقول...

سارة
طبعا اعرف ان الشيعة يعتبرون الخمينى هو امامهم الاكبر فى العصر الحديث بشتى طوائفهم وفرقهم
هم فعلا قنبلة موقوته وستنفجر فى وجوهنا قريبا جدا اذا استمر تغييب العقول
اشكرك على التعليق
نورتينى

مسدس صغير يقول...

تامر على
اتفق معك تماما

* إدارة العملية السياسية على مستوى العرب السنة في الحضيض إن لم يكن أسفل

* الشيعة أصبحوا قوة لايستهان بها على مستوى العالم

* إبرام إتفاقيات دولية ومعاهدات ومصالحات (إن كانت في الصالح العام ) جائزة مع غير المسلمين

* لايوجد ما يسمى تقريب بين المذاهب ولكن يوجد اتقاقيات مع من لهم مصالح مشتركة (إن كان هناك عدو مشترك)

* التعامل مع الشيعة لابد وأن يكون له سياسة وحتى مخالفتهم لا تعني متابعة (البعض) على أكاذيبهم وحمقهم السياسي


ولكن ارجع لقولى انه ليس معنى ذلك ان نفرح بهؤلاء وهم يقتلون اخواننا السنة فى حرب ابادة جماعية فى مجزرة مدينة زهدان
اشكرك على التعليق

مسدس صغير يقول...

ابو العريف
كلامك صح مليون فى المية
فعلا احنا نفرح بانتصار اى عدو على الكيان الصهيونى
انما لا نعتنق ولا نعتقد فى افكاره
كما ان الكيان الصهيونى عدو فايران والشيعة هم الاخرين العدو القادم
اشكرك على التعليق
نورتنى

مسدس صغير يقول...

ميدوز
فعلا دى اجندة ايرانية شيعية للوصول الى زعامة منطقة الشرق الاوسط با يطئوا رؤسنا من اجل الوصول
احييك على رأيك
نورتنى

مسدس صغير يقول...

نوراهاتى
على رغم من سكوت الساكتين الا ان سكوتهم لا يبرر لنا ان نحب حسن نصر الله
مهما كانت الظروف
اشكرك على التعليق

مسدس صغير يقول...

نودى
اكيد كلنا يعرف انهم طوائف
ولكن حسن نصر الله والخمينى ومن على شاكلتهم من حزب الشيطان المدمر ليسوا من الطوائف المحترمة كما يقول البعض
ومن اراد ادلة فأنا مستعد.
اشكرك على التعليق

مسدس صغير يقول...

رامى واصل
معاك حق طبعا يا باشا
بس الناس فاهمة ده غلط
كون الشخص مننا يحب حسن نصر الله ويقول عليه صلاح الدين الايوبى العصر الحديث فدى كارثة
ده شخص بيسب الصحابة
ده شخص دعا لحرب اهلية فى مصر
ده شخص دعا بالانقلاب على الحاكم فى مصر
كفاية انه تلميذ نجيب للخمينى قبحه الله
اشكرك على التعليق
واشكر تواجدك
نورتنى

مسدس صغير يقول...

فتاة حالمة
فعلا الناس دى شبة بعض
ان كان شيعة بهائيين او غيرهم
ربنا يستر
اما بقى بدرية فهيه بعافيه شوية وانا قاعد جنبها
ههههههههه
اشكرك على التعليق

ستيتة يقول...

عاوزة اقترح عليك اقتراح
بما اني قرأت التعليقات
ولقيت الليلة آخر فل
وخد بالك دول المثقفين فما بالك برجل الشارع البسيط

وعليه يا عزيزي صاصا اجد انه فرض كفاية على حد فينا يوضح فكر الشيعة عن دراسة جادة

طبعا انا مش دارسة وانا صاحبة التعليق
يبقى هو فرض على حد دارس
مين؟
مين؟
مين اللي ها يتدبس يا سوتيتة في سلسلة تكون سلسة ومبسطة ومش حلقات طويلة علشان الناس كلها تقرأها

مين؟
مين يابشر

وش بيستفهم وبيطلع لسانه في ذات الوقت

غير معرف يقول...

السلام عليكم و رحمة الله و بركاته

حقيقى مش لاقية حاجة أقولها، خاصة كمان لما قرأت تعليقات الناس
شفت كل الآراء و كل التصورات
و بصراحة إن حالنا كله على بعضه محتاج .......تصدق مش قادرة أقول محتاج إيه و اللا إيه

و كون إن حد -أى حد- يفجر أى دار عبادة سواءا مسجد أو كنيسة أو أى مكان الناس فيه سالمين فده إجرم محدش يرضاه أو يوافق عليه

و للإجابة على تساؤل حضرتك، إن ليه بعض الناس بتحب حسن نصر الله ، فأنا حقول لحضرتك تفسيرى المتواضع ( و مش معنى التفسير ده إنى متفقة أو مختلفة، هو مجرد تحليل للأسباب)
التحليل ده هو ، إن الناس فكرت من منطلق

"إن لم تجد ما تحب ، فحب ماتجد"

ربنا يرحمنا برحمته

دمت سالما

على عبدالله يقول...

السلام عليكم

حياك الله يا اخى
يكفى ان اصل الشيعة هم اليهود واسأل عن ذلك " بن السوداء "
حسن زعبولا التلميذ الروحى للخمينى ومن اراد ان يعرف من هو الخمينى الهالك فليقرأ عن لخمينى وعن ثورته الملعونة !!
ومن اراد ان يعرف من هو حسن زعبولا فليقرأ عن تاريخه قبل وبعد قيادة حزب اللات .. والتاريخ لا يحابى ولا يجامل

اسمحلى ارد على الاستاذة ابى
الشيعة الاثني عشرية ليست هى الاقرب الينا كمسلمين بل العكس هو الصحيح
هم الاشد عداءا لاهل السنة !!
اقدر حبك لحسن زعبولا " مع العلم ان لفظة بحب !!! لا تصح البتة "
ومع ذلك اود ان اسالك سؤال
ايهم احب اليك , حسن افندى ام اصحاب النبى صلى الله عليه وسلم وام المؤمنين عائشة رضى الله عنها ؟؟؟!!
ارجو ان تتريسى قليلا قبل ان تجيبى
انا اعلم انك مسلمة سنية محبة للنبى واصحابه وامهات المؤمنين نعم اعلم ذلك جيدا ولكن اختى العزيز ،، رجاء منك كما قرات عن حسن زعبولا فاقرأى عن عقيدة الولاء والبراء .... واعلمى ان حب من احب النبى وبغض من ابغض النبى واصحابه ديييييييييييييييين

أأسف للاطالة
وشكرا

اللى موش عارف يتغير يقول...

حبيب قلبى والله كلامك ايه ده يابنى لايمكن اللى بيحصل ده والله ابوك عرف يربى ويكبر ويعلم واحشنى يامتر عقبال ماتبقى باشا أد الدنيا..
نسالكم الدعاء

مسدس صغير يقول...

وكيلة نيابة مع ايقاف التنفيذ
والله الموضوع اكبر من اى كتاب ممكن نقراه عنهم
فضايح الشيعة تتحط فى موسوعة من مئات الكتب
انا حزين لكل هذا التعاطف مع الشيعة
اشكرك على التعليق
نورتينى

مسدس صغير يقول...

ستيته
والله يا دكتورة انا حزين جدا للى بقراه ده
فعلا اذا كان ده حال المثقفين يبقى العوام ورجل الشارع المفروض يروح يبوس ايد حسن نصر الله على كده
بقول حرب ابادة للسنة فى ايران على ايدى الشيعة .. يقولو حسن نصر الله حبيبنا وابن حبيبنا وايران هيه مجد الامة؟!!!!!!!!!!!!!!!!
حاجة غريبة
والله يا دكتورة سلسلة زى دى عاوزة مجهود جامد وعاوزة حرب اجمد لأنك هتلاقى التعليقات المضادة دى كتير
بس انا ان شاء الله هعد ليها بكل قوة
ومش هرجع ان شاء الله
بس ادعيلى
ولو عرفتى تساعدينى فيها يبقى خير.
اشكرك على التعليق
منورانى

مسدس صغير يقول...

غير معرف
وعليكم السلام ورحمة الله وبركاته
بجد انا سعيد جدا بتعليقك المثمر جدا
وده ان دل فانما يدل على دراية بالواقع
فعلا الواحد حزين
ما سر هذا الحب الرهيب للخمينى ورفاقة
اقول لكم حرب ابادة جماعية للسنة فى ايران على ايدى الشيعة يقولون ولكننا نحبهم
انا اسف انى بسمع الكلام ده
فعلا يمكن يكون اللى انتى قلتيه ده هو سبب الحب والتعاطف للشيعة ""إن لم تجد ما تحب ، فحب ماتجد""
فعلا هوه ده اللى موجود ولكن ليس معنى ذلك ان نحب امثال هؤلاء حتى ولو قضوا على اسرائيل من الوجود
اشكرك على التعليق الجميل
نورتى

مسدس صغير يقول...

على عبد الله
حياك الله اخى العزيز على تعليقك المثمر خير
هكذا يكون التفكير
فعلا فيه حالة من التغييب
لانه لابد للناس ان تدرك عمن تتكلم
من هو الخمينى
ومن هو حسن نصر الله
بصراحة الموضوع اكبر من ان يشمله تعليق او بوست كامل اوحتى كتاب
ولك حرية الرد على "ابى"
فعلا الاثنى عشرية من اشد المذاهب الشيعية عداء للسنة
اما الطائفة الاقرب على حد قول بعض العلماء هى الزيدية
اشكرك على التعليق
نورتنى

مسدس صغير يقول...

اللى موش عارف يتغير
بجد انا سعيد اوى بتعليقك
نورتنى بعد غياب يا بيبو
اشكرك على الكلام الحلو اللى انت قلته ده
انت اوحش طبعا يا باشا
اشكرك على التعليق
نورتنى على غير عادتك
هههههههه

يوميات شاب منوفى يقول...

بص ياباشا حسن نصرالله شيعى دة احنا عارفينة وعارفين انه بينفذ الاحندة الايرانية وان فية اطضهاد للسنة فى ايران بس لاازم نعرف ان فية مخطط امريكى واسرائيلى لزرع فتنة بين السنة والشيعة فى الشرق الاوسط وان حصلت الفتنة مش هتكون فى صالح حد
احنا كسنة بنختلف مع السنة فى حجات كتير بس مينفعش اننا نتفرق لاحزاب ونحارب بعض لان دة هيقضى علينا فى الاخر لصالح اسرائيل وبصراحة بقى انا نفسى اشوف حاكم عربى يكون شجاع زى نصرالله

هندسة وصفية يقول...

والله يا ابو صلاح انا لعرف ناس سنة قفلوا علي ناس سنة زيهم و منعوا عنهم العلاج و الاكل و حتي حق انهم يدافعوا عن نفسه
في الزمن الي احنا فيه ده
مينفعشي نستشهد بحاجة من السياسة في الدين و لا نستشهد بحاجة من الدين في السياسة
دمت بالف ود

موناليزا يقول...

الاسلام دين واحد ولا يوجد فيه اقسام او احزاب
وكما قال الرسول صلى الله عليه وسلم فى حديث فيما معناه ستنقسم امتى الى 73 شعبة كلهم فى النار الا من سار على كتاب الله وسنتى

GiGi world يقول...

حضرتك عارف ان العباءه مكشوفه من زمممممممممممممممممممممممممااااااااان بس احنا فعلا اللى مش عايزين نعمل فتنه
لكن المشكله اننا سيبناهم لحد مافعلا اتمكنوا الا من رحم ربي وثبت على دينه
ربنا يقينا شر فتنه المحيا والممات يارب

maha zein يقول...

علي فكرة كلامك كله صح الصح
انا كنت بقول لا ومعرفش ايه وايه عملوه غلط وكده
بس كنت بقول كلامي عن جهل
لكن انا اتفرجت علي برنامج اسمه حتي لا تكون فتنة كان بيجي علي قناة الخليجية للشيخ الزوغبي

بجد عرفت يعني ايه شيعة
يعني ايه بيحللوا قتل السني ومش بيحللوا قتل اليهودي ولا الامريكي الا في حدود

عرفت انهن بيكرهونا
وانهم بيشتموا صحابتنا
وبيألهوا علي
وحجات كتير

لا طبعا
انا الان ادركت انهم اخطر علينا من اليهود والنصاري


معاك يا مسدس
معاك طبعا

مسدس صغير يقول...

يوميات شاب منوفى
يا سيدى الفاضل انا معاك ولكن هناك عقيدة لابد ان نعتقدها لانها اصولية وهى عقيدة الولاء والبراء
الولاء لله ورسولة ولاهل السنة والجماعة
اما البراء فهو ان تبرأ من كل من يخالف شرع الله وكلنا يتفق على مخالفتهم
اشكرك على التعليق
نورتنى

مسدس صغير يقول...

هندسة وصفية
يا اخى الفاضل لا فصل بين الدين والسياسة فديننا كله سياسة
فالنبى صلى الله عليه وسلم كان اعظم سياسى فى التاريخ
خاض حروب
ومعاهدات
ومفاوضات
وفتوحات
كل هذه سياسة
لابد ان نسقط السياسة على الدين والعكس لنعلم اين نحن من العالم
ويجب الا نكون مغيبيين عن هذا العالم بما فيهم هؤلاء الشيعة
اشكرك على التعليق

مسدس صغير يقول...

موناليزا
يقول الله " انما امتكم امة واحدة وانا ربكم فاعبدون "
فعلا الامة لازم تكون واحد عشان كده احنا لازم نكشف الناس دى عشان تتوحد الامة من جديد لانهم سبب رئيس فى فرقة الامة.
اشكرك على التعليق

مسدس صغير يقول...

جيجى وورلد
فعلا الفتنة موجودة من زمان بس كان الناس بتسكت وخلاص
انما دالوقتى الوضع معدش يتسكت عليه
اشكرك على التعليق
وعلى الدعاء
نورتى

مسدس صغير يقول...

مها زين
والله دول اخطر مما نتخيل
بصراحة الشيخ الزغبى عامل سلسة ولا اروع عن فضح الشيعة بنصح كل اللى عاوز يعرف الشيعة على حقيقتهم ينزلها من ع النت ويشوفها او يتابعها فى قناة الخليجية
اشكرك على التعليق المثمر
نتورتينى

الشعب لابد له من حكومه تشكمه يقول...

مع تحفظى على بعض كلامك وردودك اللى مش عاوزه اعلق عليها من نوعية انتو مغيبين وانتو ازاى بتفكروا كده وانتو المثقفين اومال الناس العاديه...!!!!
فى المناقشه يا صاصا مينفعش نستخدم الكلام ده واللى من نوعيه فيما معناها انتو كده اصلا مش بتفهموا.

المهم ماعلينا من ده كله:
ارجع تانى واقولك انا عارفه كويس يعنى ايه شيعه وعارفه كويس جداااااااااا هم ايه.وعارفه خوضهم فى عرض السيده عائشه ورميهم لها بالباطل على الرغم من ان برائتها نزلت فى القران.
وعارفه اد ايه بيسبوا الصحابه ابو بكر وعمر وعثمان(رضى الله عنهم)
وعارفه حديث الرسول المصطفى (من سب اصحابى فهو ليس منى)وصيامهم وصلاته ومعتقداتهم الخاصه بالحسين.
عارفه ده كويس جدااااااااااا يا صاصا.
لكن انت مفهمتش كل اللى قلته فى الكومنت اللى فات.اللى قلته انى مش مؤمنه بيهم ولا متعاطفه معاهم ولا قلت انهم كعقيده صح ولا قلت انهم اخوات لينا فى الدين ,ارجع تانى لتعليقى هتلاقينى قلتلك عندهم حجات تخرج من المله وتعتبر كفر...
انا كنت واضحه جدااااا وانا بقولك انا بحترم حسن نصر الله فى مواجهته لاسرائيل...وتحديه ليها بقوه وبجراه.واعتقد ده مش عيب.زى مبحترم شافيز بالظبط ياصاصا.
معنى كده انى مغيبه وهؤمن بعقيدة شافيز وانه ممكن يأثر عليا.؟؟؟
انا كنت واضحه بمعنى نستفيد منه لكن نكون صاحيين .
اذا كان فى واحد بيقف لاسرائيل ويقف معاك وفى صف واحد ضد عدوك ايه المانع انى استفيد مع طبعا توضيح هم ايه واهدافهم ايه(الشيعه) ونكون اذكى من كده نستفيد ولكن لينا دينا المتين الذى لا نفرط فيه. وطالما هو بيكون فى مواجه الصهاينه ليه مقفش معاه.لو بيبعت سلاح لحماس علشان تحارب اسرائيل.فين المشكله؟؟؟ مهو العرب السنه محدش فيهم تجرأ وبعتلهم حتى سكينه مش سلاح ,حماس تاخد السلاح ومتشكرين وباااااس كده لا اكتر ولا اقل. طالما عدونا واااااااااااااااحد ولكن لكم دينكم وليا دين...
وبعدين انا عندى استفسار لو اسرائيل ضربت جنوب لبنان وبالتحديد حزب الله...
انا المفروض اكون فين؟ اقول يلا ياصاهينه يلا يا اسرئيل بيدوا الشيعه واقتلوا حسن نصر الله رأس الحيه..!!!!اصل الشيعه دول بيكرهوا السنه...!!!!اقضوا عليهم؟
وقت حزب الله محرر الجنوب وشفت الجنود الصهاينه وهم ماشين وبيخرجوا منسحبين..بالله عليك حسيت بايه ولا فكرت وقتها هم شيعه وكفره وياريت اسرائيل مكانت خرجت وسابتهم ياريتها كانت بادتهم....
ياصاصا عدو عدوى صديقى(ولكن بحسااااااااب)

اتمنى انك تكون فهمت انا اقصد ايه..ويمكن انا بعترف انى اسأت استخدام كلمة بحبه..كنت اقدر استخدم بدائل تانيه للكمله دى.
اسفه على الاطاله وتحياتى.

الشعب لابد له من حكومه تشكمه يقول...

انا طبعا اصفه بد على الاطاله.بس انت بتقول بالحرف:
ولكن هناك عقيدة لابد ان نعتقدها لانها اصولية وهى عقيدة الولاء والبراء
الولاء لله ورسولة ولاهل السنة والجماعة
اما البراء فهو ان تبرأ من كل من يخالف شرع الله وكلنا يتفق على مخالفتهم..

سؤال لو تسمح ياصاصا هو فى شخص واحد بسسسسسسسسسس من اللى قالك انه بيحترم حسن نصرالله قالك غير كده...فى واحد بس مش متبرء من افعالهم واقوالهم...ارجع اقرا التعليقات تانى هتلاقى كله بيقولك اننا مختلفين معاهم فى العقيده.
وكله بيقولك كلمه واحده بس انهم بيحاربوا الصهاينه وبسسسسسسسسسسس.وبعدين هو فى حد قال انه متعاطف مع اللى حرقوا مساجد السنه؟؟؟فى حد قال ايوه انا معاهم كله قالك كلمه واحده وبس وكلمه شرطيه كمان مربوطه بسبب معين وهى مواجهتهم مع الصهااااااااااينه وعلى فكره انا مش بحب كلمة اليهود.لان فى فرق بين اليهود والصهاينه.
انت بتقول كمان ان فى عدو واضح وظاهر وفى عدو خفى ومين قالك ان الناس مش عارفه ان الاتنين اعداء وان الاتنين خطر,بس اعتقد مش عيب لو ايدت حزب الله فى مواجهتهم مع الصهاينه.
انا قريت التعليقات كلها وملقتش حد بيقولك انا بحب حسن نصر لله فى لله كله بيقولك بعديها طالما بيحارب اسرائيل,يعنى المحبه هتزول بزوال السبب.
وعلى فكره كمان معتقدش ان فى حد كان محتاج انه يشوف صورة اللى انت حطتها وقلت انكشفت العباءه لانها ببساطه مكشوفه وكله عارفه والصوره مش صادمه اوى,
وبالمناسبه كمان انا بيعجبنى نجاد فى تحديه لاسرائيل وامريكا ولما قال بكل هدوء لازم اسرائيل تتمحى من على الارض,,يباه كده انا بقيت ايرانيه شيعيه طحن:)نيجاد وحسن نصر الله.كده انا عليه العوض مغيبه تمااااااااااما وياعينى على شبابك يامصر..:)

انا كده قلت كل اللى عنده وحاسه انى طولت جدااااااااااااا.وشكرا لسعه صدرك فى الاخر:)

Soul.o0o.Whisper يقول...

السلام عليكم و رحمة الله و بركاته

فعلا عندك حق
مازال المخدوعين كتير
و مازال الحق يجاهد لعله يجد من ينصفه

اللهم أرنا الحق حقا و ارزقنا اتباعه
و أرنا الباطل باطلا و ارزقنا اجتنابه


فى انتظار السلسلة

هندسة وصفية يقول...

ا استاذ صلاح كلامك طبعا صح
بس اللي اقصده مش ايام الرسول عليه الصلاة و السلام
انا اقصد دلوقتي
لو اتشهدنا بالدين في السياسة او السياسة في الدين
انا بتكلم علي وضع قائم
مش وضح مأمول

مسدس صغير يقول...

الشعب لابد له من حكومه تشكمه
اولا انتى اللى فاهمه غلط انا اما اقول الناس مغيبة مقصدش طبعا الاسقاط اللى انتى بتقوليه
ومينفعش تقولينى كلام انا مقولتوش
انا بحترم كل الاراء وبحترم كل وجهات النظر
ثانيا
اما اقول يا جماعة فيه حرب ابادة للسنة فى ايران الاقى واحد يقولى بس انا بحب حسن نصر الله . واحمدى نجاد ده راجل محترم
المفروض بقى ان انا اعطيهم تصفيق حاد على هذا الحب لشخصيات غاية فى الروعة والاحترام.
لو حد بيقول انه مينفعش نتكلم عليهم درأً للفتنه كان اولى ان ربنا سبحانه وتعالى مكنش يكشف للنبى صلى الله عليه وسلم حال المنافقين وينزل فيهم سورة كاملة تتلى الى يوم ان يرث الله الارض ومن عليها
يا ستى احنا لازم نستخدم الفاظ جامدة شوية عشان الامر خطير بس مش معنى الفاظ جامدة انها مهينة او انى بقول ان فيه حد مبفهمش كما تدعى..
غير كده اللى انتى بتقوليه ده هوه المشكلة الحقيقية .
ومشكلة محيرة بصراحة وهوه ان كل الناس عارفه مين هما الشيعة وكل الناس عارفه معتقداتهم وكل الناس عارفه سبهم للصحابة وتأليه ائمتهم وغيره
ازاى بقى تكونى حضرتك عارفه كل ده والاقيكى تقولى انا بحب حسن نصر الله
دا انا لو سألتك عن عمرو بن العاص انا عارف انك بتحبيه كصحابى جليل بس يمكن متقوليش انك بتحبيه كده زى حبك لحسن نصر الله
حتى وان اخطأتى التعبير فى كلمة حب فده مش مبرر لانك اتكلمتى عليه وكأنه خالد بن الوليد
ماذا فعل حسن نصر الله حتى يقال عنه ما لم يقل عن خالد بن الوليد
احتلال راح لبنان ورايح عشان يقضى على حزب الله انتو عايزين حسن نصر الله او غيره كان يقف يتفرج؟؟؟
لو الاحتلال ده مش راح لحسن نصر الله وان اسرائيل راحت تضرب فى بلاد شرق الهولولو هنلاقى نفس الجهاد والمقاومة ويمكن اشرس معملش المستحيل يعنى
معملش مثلا شئ يذكر الى جوار حرب العاشر من رمضان ..

اما بقى عن لفظة عدو عدوى صديقى فلا يمكن اسقاطها من وجهة نظرى على موضوعنا ليه بقى ؟؟
لأن كلاهما عدو
الكلام ده اذا كان واحد منهم عدو والاخر على الحياد
يعنى مثلا اذا اصبحت ايران قوة عظمى فى العالم ومسحت اسرائيل من على الخريطة كما يزعمون فسنكون نحن الممسوح القادم.. ولا عزاء للعرب
عشان كده بقول ان الناس مغيبة
شافيز ليس عدو للعرب والمسلمين فإذا كان شافيز ضد اسرائيل فنحن نؤيده فى فكره هذا لانه مش عدو لينا
انما ايران واسرائيل كلاهما عدو وكلاهما اخطر من الاخر.
اما بالنسبة للتعليق بتاعك التانى
ياستى الناس سابت الموضوع الاصلى وهو ابادة السنة من ايران وقعدت تمدح وتشعر فى حسن نصر الله وفى ايران
عرفتى ليه التعليقات بتاعتى كانت شديدة اللهجة شوية
يا اختى الفاضلة والله والله انا عارف ان الناس كلها عارفه الحقائق دى وان الشيعة عدو وهيه دى المشكلة الحقيقة والله
اما بالنسبة للصورة اللى انا حاططها
انا مش حاططها عشان اكشف لكم الشيعة بيها ولا حاجة لانها صورة قديمة جدا عندى
انما هى مجرد صورة رمزية فقط لا غير
ولو عايزنى اشيلها واحط صورتى موافق.
ارجو انك تتقبلى كلامى ومتسقطيش كلامى على حاجة انا مقصدهاش
لانك كده هتزعلى منى المدونين اللى علقو عندى ولكهم ناس محترمين والله زى حضرتك بجد
اشكرك على التعليق المثمر
واختلاف وجهات النظر فى مصلحة موضوعى طبعا
اشكرك مرة تانية
اسف لو اسأت استخدام اى لفظ يزعلك منى او يزعل اى حد منى
نورتى المدونة

مسدس صغير يقول...

دكتورة سول
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
اللهم امين
اشكرك على التعليق
نورتى

مسدس صغير يقول...

هندسة وصفية
اشكرك على التعليق
اتفهم وجهة نظرك واحترمها
بجد سعيد بتعليقاتك التى اثرت الموضوع
اشكرك
نورتنى

قلم رصاص يقول...

يادي حسن سبانخ الإيراني

ههههههههههههههه

انت جيت على نقطة الوضوع

فعلا ياصاصا الموضوع ده مهم جدا جدا جدا

وكويس جدا جدا جد انك اتكلمت عنه

ومش هقولك انا كنت ناوي اكتب في الموضوع

لأنه باختصار انا مكنتش هعرف اكتبه بالشكل الرائع بتاعك ده

وانت طبعا عارف اني مشغول في الامتحانات فمفيش دماغ ارد في البوست ردا يشفي مايجول بصدري تجاه هذا اللغط السياسي الذي يعتصر المنطقة بكل مافيها وعلى رأسها الثالوث المرح اسرائيل - ايران - حزب الله

ان شاء الله لنا عوده بعد ما افرغ من الامتحانات

تقبل مروري ياباشا

في حفظ الله

عبد من عباد الله يقول...

ربما التبس عليك الامر يا عزيزي ، اولاً انا لا انتقدك في وجهة نظرك فهذا ما تؤمن به ، لأ بأس ، و لكن ما رأيك إن قال لي احد ان "صاحب مدونة مسدس صغير" هذا رجل مرتشي و انه شاهدك مره تأخذ رشوه و ليس فقط بل وجدك تشتم النبي و تقول بأن الله لا يستطيع فعل شئ و النبي ايضاً هو كذا و كذا ...

اترى ما مدى قذاره هذه الافعال يكفي واحده منها ان افتح مدونتي و بكل حريه ان اشتم و اسب فيك و انال منك كما اريد و إن قال لي احد لماذا يا اخي ربما تكون مخطئ و ربما لا تكون هذه هى الحقيقه ، " فتصبحوا على ما فعلتم نادمين " .... ما رأيك بماذا ارد عليه ؟؟

حسناً فهمت ... سأقول له :

انت بتقول ايه بقولك راجل بيشتم النبي و بعدين ما تقولي بقى يشتم النبي و اسكت لأ بقى انا فيا لسان و لو حيقول كلمه حقوله عشره و بعدين بقولك مرتشي و بيسرق يعني لا دين و لا اخلاق ، و بعدين ايه الخطأ الفهم اللي انت بتقول عليه خطأ ده فاهم الشتيمه خطأ مثلاً و لا المفروض اني اشوف الغلط و اسكت ؟؟ و بعدين انا شفته في مره ماشي و واحد بيديله فلوس و هو حطها في جيبه ... و لاموأخذه بقى انا عندي عقل ...


عفواً يا عزيزي هذا ما تعلمته منك لا اكثر ، و لكني ارى انه من الافضل اني كنت اتريث قليلاً قبل ان اقول عليك هذا الكلام ربما من قاله لي مخطئ في شئ فهم الامر خطأ ، و ربما الفلوس التي رأيك تأخدها هى اموالك او ربما تجمعها لفعل عمل خيري تأجر به ، و كان علي ان اسألك حتى اتأكد ، او اصمت ، او إن تأكد من انك هكذا فعلاً ربما اتحدث عن السلبيات التي تقع فيها و انتقدها و لكن لا اذكرك انت و انتقدك حتى لا اجعلك عدو لي فانا في الاول و في الاخر اتمنى ان تكون في حال افضل ..

ارجو فقط ان تكون وضحت وجهة نظري ... و انا قد قلت وجهة نظري في موضوع السيد حسن نصر الله و لا داعي لتكراره .

مسدس صغير يقول...

قلم رصاص
اشكرك اخى العزيز على التعليق
مقدرين وقتك الثمين
اتمنى لك التوفيق
واشكرك على التعليق
نورت الموضوع

مسدس صغير يقول...

عبد من عباد الله
اتفهم وجهة نظرك اخى الكريم
ولكن افعالهم لا تخفى على ذى عينين
اشكرك على التعليق المثمر
وجزاكم الله خيرا
نورتنى

غير معرف يقول...

اول مرور على مدونتك
وليس الاخير باذن الله فهى من المدونات المميزة حقا
اما موضوع الشيعة فالكلام فيه يطول ويطول ورغم سقوط الاقنعة عن كثير من المستترين منهم وده راجع للقوة والجراة
اللى اصبحوا فيها الا ان التعامل معهم لابد وان يشبوه الحذر
اى تفاصيل او معلومات عن الشيعة ياريت تكتبها ومش فتن ولاحاجة
على الاقل الناس تتضح لها الرؤية
ويعرفوا حاجات يجهلها الكثيرين
ارجو تقبل مرورى مع تحياتى

مسدس صغير يقول...

ام مالك
والله انا سعيد جدا بكلامك عن مدونتى اشكرك على الزيارة
رأيك فعلا غاية فى الدقة
اشكرك عليه
ان شاء الله نجهز للسلسة بس ربنا يستر
اشكرك على التعليق
نورتينى