قبل منقول الحكاية اللى مقراش الجزء الاول يقراه اللى هوه البوست اللى فات يعنى عشان يقدر يتواصل معانا..
فرحات ..
قطع لسانى إن كت أقولهاله
هو أنا بردة أقدر؟!!
أقول لحميدة أبوك مات؟!!!
صدقنى أنا قلبى بيتقطع يا زوجى
دا أنت الضل .. وانت الشمس
دانى عمرى مشفت ف وسط
الرجالة مثيلك .
لو عارفه مكانك؟!
أنا كنت أجيلك
ولو صممت مترجعشى؟؟
أنا هربط قلبى ف قلبك
وأشيلك
أنا خوفى
لتكون زعلان منى
علشان عمرى مقلتيلك
زى بتوع السيما
حبيتك ..
هوه الفلافزيون أنا عارفه
الله يلعن شورته
قبليه من بيتك على غيطك
ولا تعرف هيفا ونانسى
ولا تعرف فيلم المنسى
*****
الله يخرب بيتك يا هنيه
خرفتى؟؟!!
فرحات؟؟
اللى العقل مزين راسه!
هيسيب الكفر
لجل الفلافزيون؟!!
ويسيب أهله وناسه!!
مترد عليه يا فرحات وتريح قلبى
وان كان ع الحب بحبك
يعنى انت يا زوجى
تايه عن قلبى واحساسه ؟!!
*****
كنت مخبيّة على حميدة
بس عيال الكفر ولاد الشوم
جم صحوه م النوم
وقالوله ابوك هج
وسابك يابن هنيه
دمعى ف ثانية شق عنيّه
خدته ف حضنى وقلت يا كبدى
ابوك شغال وهييجى
بكفاية يا ولدى عذاب
راح حلفانلى معاد رايح كتّاب
أما أشوف فروحه بعينى!!
وقلبت الموضوع ..
قلتله فروحة؟؟؟
عيب يا حميده دا ابوك
فرحات ..
ارحمنى
كل السؤالات مطروحة
مش عارفه اى اجابه؟؟
هترم قلوبنا المجروحة
*****
الحقنى يا فرحات
وارحمنى يا واد العم من السؤالات
مش عايزة اقول لحميده ف يوم
أبوك هج
أنا ارحم ليّه أقولّه أبوك مات
*****
هناك 40 تعليقًا:
انا اول تعليق
هييييييييييييييييييييييييييييه
دخلت التاريخ
حلوة اوي اوي بجد
والله جدعه هنيه
هي دي الست المصريه
جدعه قويه
ام شديده وارض عفيه بتتحمل ياما
جدعه يا هنيه
ورجعيه والهم ارضي بيه وابنك علميه ميشوفش الفلافزيون
عشان يفضل مزروع في ارضه
ولا يسيبها يوم
حلوة يا سدس
بجد تحفه
ازيك يا متر
يااااه انا حاسه انى اتاخرت كتير وفاتنى كتير بس معلش بقه انا لسه والله مش خلصت امتحانات
ادعيلي لسه ليه ترجمه
بس حلو الكلام ده مش عارفه اسميه ايه يعنى بس ينفع مونولوج؟؟؟؟؟؟؟
بس لطيف اوى
موقف كمان جميل من الست
تسلم ايدك
ايه ده عاااااااا
مش ليه دعوة هو انا كل شوية بتأخر ؟؟
البوست ده نزل امتي ياصاصا:(
عندي ف الريدر بيقول 4 ايام والتاريخ عندك 16
ازاي دي (:
المدونة دي شكلها مسكونه ولا ايه
محمد علي هههههههههه
شكله رجع تااااااني يادي الخيبة (:
لا انا بخااااااااف :D
يقطع الحب وسنينه ياست هنية :D
بعدين فرحات يشوف الكلام ده ويتمرع عليها بأة
انت كده بتساهم في مرع فرحات :)
ارحم نفسك يابو الصلاحات هههه
بتعمن بأة المرة دي مش تزعقلي :$
ولو صممت مترجعشى؟؟
أنا هربط قلبى ف قلبك
وأشيلك
جميييلة اوي الحتة دي :)
بس ياتري فرحات هيقدر حبها ده ..؟؟ ولا مبقاش فيه حاجه اسمها ....:D
انا شايفه ان فرحات علبال مايرد هتكون هنيه اتجننت
وقبل مايجاوب ع السؤلات هيكون العمر عدي وفات ....
وهتكون قالت لحميدة ابوووك مااات :D
بجد جميييلة اوي تسلم ايديك
عقبال الباقي ...
بجد جميلة اوى اوى اوى
فينك يافرحااااااااااااات
ربنا يصبر هنية (:
طب فرحات فين فى الموضوع ؟؟
كل الكلام ده مش حركه ولا ايه ؟؟
بس هنقول ايه ما اكتر فرحات دلوقتى فى البلد ^_^
بس بجد عجبانى هنيه هى دى فعلا المصرية
^^^^
بما ان الكلام بالعامية اعتقد ان "جوزى " هتكون اخف من "زوجى"
^_^
فرحات راح كاس القارات
.
.
ياصلاح
بارك الله لك
ادعوك لكتابة شعر اسلامى
حاسس انك هتبدع فى النوع ده من الشعر
.
تعرف ياصلاح عشان الصوره ماتغيرت عندي في الريدر انا فكرته نفس البوست اللي فات بس لما دخلت لقيت انه الجزء الثاني
هنيه تجنن مره الفلفون ومره الفلافزيون :)
المهم حميده ماشي يعني ماشي مافي شي بيوقفه :)
بجدبجد رااااااااائعه
اسلوبك فوق فوق الرائع
حكايات فرحات دي عجباني جدااا
المفروض تتنشر في جرنال كبير
بالتوفيق دايما
وخلاص بقي ياهنيه انتي هتتحايلي عليه
قلتلك سبيه هيجي لوحده
فتاة حالمة
مبروك
دخلتى التاريخ
فتاة حالمة
فرحانة اوى؟؟
طب خرجها يا تاريخ
ههههههه
فتاة حالمة
ومين قال ان الفلافزيون السبب؟
دى هنيه وهيه بتكلم نفسها
يمكن
هههههههه
اشكرك على التعليقات
نورتينى
غروب
الله يسلمك
ربنا يوفقك ان شاء الله
اشكرك على التعليق
نورتينى
قلب ارهقته الاحلام
وانا اعمل ايه بقى
العيب فى الريدر بتاعك
هههههههه
التاريخ بصراحة معتش قادر
ههههههه
قلب ارهقته الاحلام
اة والله محمد على مسكها
هههههههه
ربنا يستر
قلب ارهقته الاحلام
اطمنى
فرحات هيشوف الكلامده فين يعنى
ههههههه
قلب ارهقته الاحلام
مش عايزكو تستعجلونى على فرحات
علشان الحبكة الدرامية بس
ههههههه
فرحات بيحب هنيه بس الايام
ههههههه
اشكرك على التعليقات
بجد نورتينى
ايمى
ههههههه
هيروح فين؟
مسير الحى يتلاقى
اشكرك على التعليق
نورتينى
سويت فيولت
هيروح فين فرحات يعنى
هيبان يعنى هيبان
ههههههه
اشكرك على التعليق الجميل
بالنسبة لموضوع زوجى
لغة الفلاحين اقرب الى العربية منها الى العامية
والفلاحين بتوع زمان بيستخدمو الكلمة دى
حتى الابنودى كان بيستخدمها فى مناسبات كتير
اشكرك على الطرح
سعيد جدا شبكلامك
نورتينى
اللى موش عارف يتغير
هههههههه
كفاية متقلبش علينا المواجع دا الجرح لسه واجع
اللى موش عارف يتغير
بكتب طبعا شعر اسلامى
هبقى اوريك بس لوحدك
هههههه
اشكرك على التعليق
نورتنى
سارة
انا بردة فكرت فى كده
المهم
حميدة عايش
وبخير
ربنا يسهل
اشكرك على التعليق
نورتينى
صمت المشاعر
اشكرك على الكلام الحلو اوى ده
مش اوى يعنى
ربنا يخليكى ويبارك فيكى
اشكرك على التعليق
نورتينى
والله الشعب كله عاوز يهج
مش من الكفر بس
من البلد بحالها
ابيات جميله
منتظرين باقى الحلقات
كنت مخبيّة على حميدة
بس عيال الكفر ولاد الشوم
جم صحوه م النوم
وقالوله ابوك هج
وسابك يابن هنيه
دمعى ف ثانية شق عنيّه
خدته ف حضنى وقلت يا كبدى
ابوك شغال وهييجى
بكفاية يا ولدى عذاب
راح حلفانلى معاد رايح كتّاب
أما أشوف فروحه بعينى!!
المقطع ده تعبنى نفسيا وصعب عليا جدا حميده
تحياتى
رامى واصل
معاك حق
انا نفسى عايز اهج
ههههههههه
اشكرك على التعليق
نورتنى
لاسع افندى
ولا لاسع ولا حاجة
كلامك زى العسل
اشكرك على التعليق
اضحك بقى
نورتنى
جميلة قوي لغوة هنية
فرحات جاب استبحس لها
والشوق ضرب نفوخها
وصعبان عليها حميده
بالمناسبة دي احلى من الجزء الأول يا صولاح
وفعلا فعلا باين جدا تأثرك بالأبنودي وحراجي الجط
بس برضه الكتابة ليها ميزة خاصة بيك
زوجي؟
كلمة غريبة على الأرياف
تقول جوزي
تقول سي فرحات
تقول هباب الحلل
تقول وحل البرك
لكن زوجي دي فلتت منك
ههههههههههههههههههههههههه
تحياتي
ستيته
اولا شكرا على الكلام الحلو ده
بصراحة هنيه دى اصيلة
بس اما نشوف اخرتها
طبعا ليه الشرف ان حد يقول انها فيها شبه من الابنودى
ده عمى وعم عيالى
اما بقى بالنسبة لزوجى
صدقينى الكلمة دى مش غريبة على الفلاحين
وبيقولوها بس الفلاحين القدامى
دا حتى الابنودى استعملها كتير فى جوابات حراجى وفاطنة
اشكرك على التعليق الجميل
واشكر وجهة نظرك
واحاول اخد بيها
ههههه
ربنا يبارك يك
نورتينى
لو عارفه مكانك؟!
أنا كنت أجيلك
ولو صممت مترجعشى؟؟
أنا هربط قلبى ف قلبك
وأشيلك
----------
كم انت رائع ياوووواد ياأستاذ صاصا
ههههههههه
حلوة حلوة حلوة بجد
واخد بالك انت طبعا
والجميل في الامر هو كمية المشاعر الدفينة وبعفوية غير عادية اللي بتكنها هنيه لفرحات
حاجة بجد متميزة منك ياباشا
والاجمل كمان تعبيرها في نهاية لومها ليه من كتر سؤلالالالالالالالاااااااات الواد عن ابوه انها قالت له : انا ارحم لي اقوله مات
بجد ياصاصا انت مبدع
وربنا يزيدك
في حفظ الله
والله ياعم ممكن الضمير يصحى وينزل لك القصة دي كلهاوالضمير يدخل التاريخ من اتخن ابوابه طبعا
هههههههههههههههههههه
وممكن ننزلهالك على يافطة ادام بيتكم زي لافتات الأفراح اللي ماليية المنطقة اليومين دول
وكل الناس هتتجوز ومش فاضل الا انا وانت بس ياباشا واحناقاعدين واحمد ابو اسماعيل جاب التوكتوك
ههههههههههههههههه
فرصه هنيه قصدي سعيدة اني شوفتك النهاردة بجد والله .. وحقيقي انت اوحش
حاول نتكلم عما قريب
في حفظ الله
ايييييه ده ؟ ماشاء الله بجد ايه الابداع ده
عموما انا من رايى ان هنيه تلم الخلجات وتاخد العيال وطيران على بلد الاحباب تركب جمل ولا تركب نمله المهم متسبش ابو العيال ههههههه
بجد ماشاء الله عليك ننتظر المزيد من طلقاتك اللى شكلها هتيجى فينا فى الاخر هههههه وده فيها اعدام على طول
قلم رصاص
ههههههههههه
حمد الله ع السلامة
اخيرا يا راجل ولو انك تزعل
ههههههههههه
بجدواحشنى جدا
وواحشنى تليقاتك يا باشا
تمام اوى انى شفتك
تمام جدا
واخد بالك انت
ههههههه
اشكرك على الكلام الحلو اوى ده اللى انا مش اده
يارب اكون اده
قلم رصاص
ضمير مين يا عم؟
دول ناقص كانو يشتمونا فى الجرنان
هههههههههه
يونس ياخد نص الجرنان وانا اخد نص سنتيمتر مربع؟؟؟
ههههههههههه
ماشى ماشى
انا هتصرف
انا لازم بعد كده اقبض بالدولار
هههههههههه
بس انا مقدر ان فيه اعداء للنجاح
واخد بالك من الاعداء دول؟؟
ههههههههه
تتعدل
هنيه بتستنى فرحات يديها مساحة اكبر من كده
اما نشوف؟
هههههههههه
اشكرك على ضميرك
نورتنى يا قلم باشا
هههههههههه
وكيلة نيابة مع ايقاف التنفيذ
متخافيش طلقاتنا على كل الناس انما انتى نوو
اخاف منك
وكيلة نيابة بقى
هههههههه
ربنا يوفقك
اما هنيه مينفعش تكرر غلطة فرحات وتسيب ارضها وبهايمها
هههههههههه
اشكرك على التعليق
نورتينى
إرسال تعليق