الاثنين، 15 يونيو 2009

حكايات فرحات بعد ما ساب الكفر ..(1)


ارجع لأرضك وبهايمك

ارجع أوام يلا بسرعة

وواحشنا فاسك ومداسك

وواحشنا والله حُماك ف الترعة

وغنمنا سائل حتى عليك

واحشُه غناك هنا فى المرعى

*****

وهنية فى الدار حزنانه

من يوم مسيبتها عيانه

وعنيها حمرا ودمعانه

واهى سايقه فى العند معانا

*****

سابت بهايمك هتموت

وحميدة م الجوع قطع الصوت

" بنت المُعِز " هتضحكلك؟!!

دا هنية عاينالك أكلك

دا الضغط هيفجر راسها

حلفانه متشوفك تاكلك

*****

وحميدة يصرخ يا أبويه

ياللى مليش غيرك ابويه

عايزك يا بوى ومليش غيرك

لقمة زيادة متلزمنيش

ولا كفر ابويه عايز بويه !

*****

ارجع يا زوجى ونام فى البيت

متشيلش هم حميدة وبقرة وغيط

والكفر نسوانه تغيظنى

وفضحتى فرقت " ووتر جيت "

*****

طب بس قولى هواك ده ازاى؟

نفسك تكون زى الخواجات؟!!

فلفون فى جيبك . وبنات تجيلك

واصحاب بنات؟؟!!

لو كنت هتغيب عنى يا فرحات ؟

إياك ف يوم تبعت جوابات

وحميدة راح اقوله أبوك مات ..

*****


وللسلسلة بقية ان شاء الله

هناك 95 تعليقًا:

ستيتة يقول...

وسعووووووووووووووووا اول تعليق

Unknown يقول...

تسلم ايدك ياأستاذ صلاح

Unknown يقول...

والشرف لينا انى ابقى بعد ستيتتتتته

Unknown يقول...

والشرف لينا انى ابقى بعد ستيتتتتته

قلب ارهقته الاحلام يقول...

معاكووووو

Unknown يقول...

والله ياأستاذ صلاح
لو تشوف او تسمع
الحكيمة المصرية
اللى كانت معايا
بتتكلم ازاى عن
(جارتها)اللى أتجوزت
السعودى اللى اكبر منها
ب.........سنة!!
وبنت البيت
من المسلح
وعملت القيشانى والسيراميك
لما تسمعها تصعب عليك
من (جهلها المطبق)بما
يمكن ان تكون جارتها دى تعانى منه!

Unknown يقول...

وكمـــــــان ولا كفاية كده
الليلة دى يااستاذ صلاح
يادوبك اروح المدونة
بتاعتى وخصوصا انى
مامعيش بطاقة:)
ابقى اضمنى لو حصل حاجة
ماشى؟ مش انت محامى برضه ولا ايه؟

قلب ارهقته الاحلام يقول...

فرحات هو ال غلطان :)

بس اروح واجي تاني يمكن حد يكون غلط كمان ههههههه

اكيد انا

قلب ارهقته الاحلام يقول...

عجبتي اوي ياصلاح

ابتدت بشوق هنيه لفرحات

وألمها ف بعده عنها ,,, ده لو فرحات حاسس اصلا

وهنية فى الدار حزنانه
من يوم مسيبتها عيانه
وعنيها حمرا ودمعانه
واهى سايقه فى العند معانا

جمييله اوي

حتي نهايتها وقوتها ف ألمها ف إنه لو هيغيب عنها

ويستغني عنها ببنات الخواجات

يبقي خلاص ... مات

تسلم ايديك بجد جميله منتظرين الباقي

دمت بألف خيررر

منــار فايد يقول...

جميله اوي اوي
موتتني من الضحك
وقريتها للبيت كله عندنا
بحب اللهجه دي اوي
وبحب اصلا العيشه هناك
انت فظيييييييييييع

ستيتة يقول...

والله حلوة بس مش مشتاقين خالص مالص لحماه في الترعة ده احنا ارتحنا منه بقى

اجمل شيء انها لما تشوفه ها تاكله
هي دي الستات المصرية الصح
أقرميه علشان يحرم يسيبك يا هنيه
هههههههههههههههههههه

جميلة جميلة جميلة
يالا كمل
الشعر العامي بلهجتنا المصرية جميل وكله مشاعر حلوة وحقيقية

صبرني يارب يقول...

ما بلاش يا اخويا حمى الترعه بالذات ده كفايانا


بس جميل تسلم اديك


على فكره انا جدي كان اسمه فرحات
ههههههههههههههه

Kiara يقول...

اللللللللللللللللللللللله

بجد تحفه اووووووووووووووووووووووووي

صمت الحنين يقول...

هههههه حلوه ومنتظرين البقيه

Sweet Violet يقول...

بجد الله عليك

عجبنى قوى رد فعل هنية ^_^

تامر علي يقول...

جميلة جداً :) لكن فرحات عنده بهايم وأرض وبرضه هاجر ...ده يبقى مش وش نعمة :) ... حد يسافر عشان فلفون 6610 :)

تحياتي وتقديري :)

MaNoOoSh يقول...

بجد قصيدة بسيطة ودمها خفيف قوي

وفيها معاني جامدة ومهمة

سواء الانسان اتغرب جوه بلده او برا بلده فى الاخر النتيجه واحده
ضياع وفقدان اهم ركن فى البيت.. الزوج
السقف اللي بيغطي البيت ويحميه ويضلله

ميرام يقول...

(:
(:
سابت بهايمك هتموت
وحميدة م الجوع قطع الصوت
" بنت المُعِز " هتضحكلك؟!!
دا هنية عاينالك أكلك
دا الضغط هيفجر راسها
حلفانه متشوفك تاكلك
*****



ههههههههه
بجد حلوة قوي (:
منتظرة الجزء التاني (:
تحيــــاتي

صيدلانيه طالعه نازله يقول...

جميله قوى و لذيذه و مشاعرها قويه وواضحه و حسيت فيها وجع البعاد و الفراق
افتكرت فاطمه و جواباتها لحراجى القط بتاع عبد الرحمن الابنودى
نفس الروح الفلاحه الحلوه
تسلم افكارك يا فندم

القدر و انا يقول...

صاصا
ايه الابداع ده
وهنية فى الدار حزنانه
من يوم مسيبتها عيانه
وعنيها حمرا ودمعانه
ارجع يا زوجى ونام فى البيت
وجميدة يصرخ يا ابويا
الله يلعن الزمن الضعب اللى يفرق الاسرة
جمييله ... وتسلم ايديك

وردة يقول...

الله الله الله
والله العظيم جميل جدااا
تسلم ايدك
هو ده السهل الممتنع
كلام جميل واسلوب اجمل في التناول
ربنا يوفقك
سلام

حلم بيعافر يقول...

مستنينك يافرحات

مسدس صغير يقول...

ستيته حسبو
وسعنا اما نشوف ايه اخرتها
هههههه

مسدس صغير يقول...

نوراهاتى
تسلمى يا غالية

مسدس صغير يقول...

نوراهاتى
هترحبو ببعض كده كتير؟؟
انتو فى مدونتى
ها؟؟
ههههههه

مسدس صغير يقول...

قلب ارهقته الاحلام
معانا؟؟
ماشى معانا
ههههههه

مسدس صغير يقول...

نوراهاتى
انا اى نعم مش فاهم تقصدى ايه؟
بس انا معاكى
ههههههه
انتى مبتقوليش حاجة غلط اطلاقا

ساره يقول...

طب بس قولى هواك ده ازاى؟
نفسك تكون زى الخواجات؟!!
فلفون فى جيبك . وبنات تجيلك
واصحاب بنات؟؟!!
لو كنت هتغيب عنى يا فرحات ؟
إياك ف يوم تبعت جوابات
وحميدة راح اقوله أبوك مات ..

هنيه تجنن وهي تهدد :)

بس الفلفون هذا حكايه هههههههه

جميله يا صاصا

انتظر باقي السلسله :)

مسدس صغير يقول...

نوراهاتى
اه انا تحت امرك
بس الاتعاب على مييييييين؟؟
هههههههههه
سعيد بتعليقاتك
نورتينى

غير معرف يقول...

وهنية فى الدار حزنانه


من يوم مسيبتها عيانه


وعنيها حمرا ودمعانه


واهى سايقه فى العند معانا


هههههههههههه

بجد بجد تحفه
عايزه اقولك انني عماله اقراها وميته من الضحك :))

مستنيه الجزء التاني يلا نزله بسرعه

مسدس صغير يقول...

قلب ارهقته الاحلام
فرحات؟؟
يمكن
شوفى وتعالى
يمكن

مسدس صغير يقول...

قلب ارهقته الاحلام
اولا انا سعيد انها عجبتك
ثانيا
ده كلام هنيه
لسه بقى اما فرحات يشرح وجهة نظره هتتضح الرؤية
يمكن يكون فرحات هوه اللى مظلوم او عنده سر ومش عاوز يشغل هنيه بيه
هقولكو ان شاء الله
ههههههههه
اشكرك على التعليق الجميل
نورتينى كعادتك

مسدس صغير يقول...

شباك موارب
والله انا سعيد انها عجبتك
وسمعتيها كمان للبيت؟؟
ايه الفضايح دى؟؟
هههههههههه
سعيد بتواجدك
نورتينى

saragebaly يقول...

ههههههههه

جميلة اوي اوي اوي

تسلم ايدك وقلمك

في انتظار البقية

تحياتي لك

سارة

مسدس صغير يقول...

ستيته حسبو
متزعليش نفسك يا ستى
بلاش حماه فى الترعة
نخليها فى اى حاجة
بس الترعة اللى فى الكفر نضيفة صدقينى
هههههههه
لو شفته هتتغدى بيه وتحلى بحميدة
ههههههه
مصرية بقى
اشكرك على التعليق الجميل
تحت امرك يا ستى
اى خدمة
نورتينى يا دكتورة

مسدس صغير يقول...

صبرها يارب
ماشى يا ستى بلاش الترعة
نخليها اى حاجة مش مشكلة
اما بقى مسأله جدك؟؟
ههههههههه
انا معرفش
بس كده بقى انا عرفت اسمك بالكامل

اسمك
صبرنى فرحات صح؟؟
هههههههههه
نورتينى

مسدس صغير يقول...

كيارا
اشكرك على الكلام الحلو ده
بعض مما عندكم
اشكرك على التعليق
بجد نورتينى

مسدس صغير يقول...

صمت الحنين
اشكرك على التعليق
ان شاء الله
نورتينى

مسدس صغير يقول...

سويت فيوليت
اشكرك على التعليق
وان شاء الله للحديث بقية
نورتينى

مسدس صغير يقول...

تامر على
متتسرعوش فى الحكم على فرحات اما نشوف حكايته الاول
اشكرك على التعليق يا باشا
نورتنى

مسدس صغير يقول...

منووش
فعلا معاكى حق
ربنا يستر ع الباقى
ههههههه
نورتينى

مسدس صغير يقول...

ميرام
سعيد جدا بتعليقك
ان شاء الله نكمل بس ادعولنا
نورتينى

مسدس صغير يقول...

صيدلانية طالعة نازلة
اشكرك يا دكتورة على التعليق الجميل
جميل اوى انك تشبهينى بالشاعر الكبير عبد الرحمن الابنودى
لى الفخر طبعا
اشكرك على التعليق
نورتينى

مسدس صغير يقول...

القدر وانا
حمد الله ع السلامة
منورانى طبعا والله
اشكرك على التعليق الجميل
سعيد بوجودك
نورتينى

مسدس صغير يقول...

وردة
الله عليكى انتى
اشكرك على التعليق الجميل
بجد سعيد بمرورك وعربياتك
نورتينى

مسدس صغير يقول...

حلم بيعافر
ماشى يا فرحات
هههههههههه
اى خدمة
نورتنى يا باشا

مسدس صغير يقول...

سارة
هههههههههههه
منتظر منك فلفون
ههههههه
سعيد انها عجبتك
بجد نورتينى
سلميلى عليها بقى

مسدس صغير يقول...

هاجر زعبل
فرحان اوى انها عجبتك
ان شاء الله للسلسلة بقية
عن قريب ان شاء الله
سعيد بتعليقك
نورتينى

مسدس صغير يقول...

سارة جبالى
اشكرك على التعليق الجميل
ان شاء الله للحديث بقية
نورتينى

فتاه حالمه يقول...

ههههههههههههههههههههههههههه
اما فرحات ده عينه فارغه صحيح
الي عنده غيط وولاد وزوجه وبقر وجماميس
يتغرب ليه يا خويا
هي الناس دي خلاص مخها اتلحس
وكل ده عشان 6610 كمان
طيب خليها 3310 كنت اقولك ماشي
لكن المتشال ده بالاخص بديهولك ببلاش وعليه واحد هديه
نيهاهاهاهاهاهاها

وانا مع هنيه قلبا وقالبا
انا مو كنت هاكله بس انا كنت هفرمه
كدا يسيب العيال ويسبني الناقص
عااااااااااااااااااا
ومتعال ده اعمل فيه ايه
ارميه في كريزي واتر

الااستفسار يا خويا
ايه الواتر جييت ده

حلوة جوي جوي جوي
ومتنساش تاخدني معاك الغيط
سلامو عليكم

فتاه حالمه يقول...

نسيت اجول حاجه
المدونه دي متلغمه
وجاري تفجيرها في اي لواحظ
عشان انا موش دخلت التاريخ
انا هفجرها تفجيرا كبيرا قد تشير نوبل
محدش ياخد اول تعليق بعد كدا
مش قصدي حاجه طبعا علي ستيته
بس انا عايزة ادخل التاريخ
عااااااااااااااااااااااااااا
بس بكل روح رياضيه بقول لستيته
موش هتتكرر تاني وانا هبقي الاولي بقي
هههههههههههههههههههه
اوعي يا ستيته تزعلي مني
انا بهرج
سلامو عليكو

مسدس صغير يقول...

فتاة حالمة
ههههههههههه
ماسى يا ستى
هو انتى ليه اخدتى كلام هنيه كله مسلمات ؟؟
ميمكن يطلع فرحات مظلوم؟
هما يعنى الستات دول ملايكة والرجالة كبار الملايكة يعنى؟؟
ههههههههه

يلا كله عشان خاطر الفلفون
هههههههههه
اما ووتر جيت دى اكبر فضيحة تجسس فى تاريخ امريكا واجبر رئيس امريكا حينها على الاستقالة

فهنيه بقى اتفضحت اكتر من امريكا
هههههههههه

مسدس صغير يقول...

فتاة حالمة

مبرووووووووووووووووووووووووووووووك

دخلتى التاريخ

اول تعليق

مبرووووووووووووووووك

كده كويس؟؟

ههههههههههههههههه

مبروووووووووووووووك

فتاه حالمه يقول...

ههههههههههههههههههههههه
بتضحك عليا يا سدس
ماسي ماسي
وانا قبلت الضوحك
بس بمزاجي علي فكره
هههههههههههههههههههههههههههههه
الله يباركلك يا بركات
نيههاهاهاهاهاهاهاا

صمت المشاعر يقول...

ليه بس يافرحات دا الكفر مظلم من غيرك

ارجع ياراجل البهيمه هتموت وكمان

هنيه مابدوق النوم وبعدين ياهنيه مش لازم تتقلي شويه وهو يجيلك لوحده بقي دا كلام ياشيخه

ههههههههههههه

الاسلوب عجبني اووووووي

شكرا مسدس في انتظار البقيه

e_emy يقول...

فرحات هو الخسران بجد

فى حد يلاقى زى هنية وحميدة ويسيب الكفر

بجد جميلة جدااا

ف انتظار الباقى ...

موناليزا يقول...

جميلة وواقعية

*البت المشمشية *حلوة بس شقية * يقول...

هههههههههههههههههههه
انا جيت اهو والله

*البت المشمشية *حلوة بس شقية * يقول...

وبعدين مش عاملين احتفال انى رجعت ليه بقه

*البت المشمشية *حلوة بس شقية * يقول...

المدونة دى شكلها كدة هتولع قريب

*البت المشمشية *حلوة بس شقية * يقول...

بجد بجد عايزة اقولك بامانة يعنى
الكلام ده جامد جدااا
بس بلدى اوى
ههههههههههههههههههههههههه
مفيش حاجة فافى شوية
اوووه سوفاج

أبو العريف يقول...

حلوه قوي يا ابو صلاح
بجد والله تسلم ايدك

كمل يا باشا ومتعنا

مستنيين البقيه

تحياتي

مسدس صغير يقول...

فتاة حالمة
وعهد الثورة مبضحك عليكى
ههههههههه
لا بجد انتى دخلتى التاريخ
مبروووك
ههههههههه
نورتى التاريخ

مسدس صغير يقول...

صمت المشاعر
اشكرك على التعليق
اما نشوف اخرة فرحات ايه
ههههههه
نورتى المدونة

مسدس صغير يقول...

ايمى
بكرة نشوف مين الغلطان فرحات وللا هنية
هههههه
اشكرك على التعليق نورتينى

مسدس صغير يقول...

موناليزا

اشكرك على التعليق

نورتى البلوج

مسدس صغير يقول...

البت المشمشية
حمد الله ع السلامة

مسدس صغير يقول...

البت المشمشية
هنوزع مسدسات اهوه احتفالا برجوعك
هههههههه

مسدس صغير يقول...

البت المشمشية
مين اللى يقدر يولعها؟؟
دا انا اضربه بالرصاص
ههههههه

مسدس صغير يقول...

البت المشمشية
بلدى؟؟
بلدى بحبها وكل حتة فى بلدى
اما مسألة سوهاج دى؟؟
انا مش متأكد ان كانو من سوهاج وللا من قنا؟؟
ههههههههه
نورتى المدونة

مسدس صغير يقول...

ابو العريف

اشكرك يا باشا على كلامك الحلو ده

نورتنى

maha zein يقول...

الله
ده بجد انت اللى كاتبها
دي مؤثرة اوي
يا عيني
اصلا يا عيني حسيت ان فرحات يا عيني زمانه متبهدل في مصر اصلا وده كله يا عيني عشان لقمة العيش
واكتشف لما جه مصر ان الحياه صعبة
وانه كان فضل في ارضه اكرمله

ربنا يرجعه بالسلامة بقه
من خرج من داره انقل مقداره

تسلم ايدك

مسدس صغير يقول...

مها زين
فعلا من خرج من داره اتقل مقداره
ربنا يرجعك يا فرحات بالسلامة قولى امين
هههههههههههه
سعيد بتعليقك
نورتينى

Maryama Qandil يقول...

ايه الجمال ده,,,
:d

مش تريقة ابدا بالعكس تمكن في التعبيرات ووصف الحال من كافة النواحي وخاصة هنية

بجد طريقة مبدعة
كييب اون

nody يقول...

عارف فكرتنى بفيلم النداهه

وبعدين ما الراجل يمكن معزور
يعنى بالليل يشوف نانسى وهيفا
والصبح يشوف
هنينه
قال ما انزل مصر يمكن الاقى حاجه حلوه

مسدس صغير يقول...

روما قنديل
اشكرك على التعليق الجميل
سعيد بوجودك
نورتينى

مسدس صغير يقول...

نودى
اوعاك يابنى من النداهة
كل ما اسيبها
ف وشى القاها


ما علينا
هههههههه

اشكرك على التعليق
نورتى البلوج

اللى موش عارف يتغير يقول...

يارب تقدر تقنع فرحات بالعودة

انا هتابع الاحداث

خبرى يوما يافنان
كيف تسطر هذه الكلمات

mohamed ghalia يقول...

الله عليك هايل
انا لسه مخلص إمتحانات حالا اعذرنى على عدم متابعتك

غير معرف يقول...

بجد بجد ضحكتنى من قلبى
اصل انا بحب الاسلوب العامى ده فى الكتابة
صدق اللى قال ان المصريين اخف دم
تحياتى على هذه الروعة

سفروتة يقول...

جميلة جدا جداجداااااااااااااااااا
يا مسدس بيه
عدوي الهجرة دي تحولت الي وباء
منتظرين باقي السلسلة
شكلها كده هتبقي زي جوابات حراجي االقط الي زوجته فاطنة احمد عبد الغفار
مع فرق ان حراجي كان مهاجر عشان خدمة بلده وبناء السد العالي
وفرحات مهاجر عشان هوس البندر والاغتناء ولما يرجع هو وكتير زيه يغيروا معالم القرية الجميلة وتبقي لا حصلت قرية ولا مدينة

مسدس صغير يقول...

اللى موش عارف يتغير
يارب تتغير
هههههههههه
مش اوى كده يا باشا
بعض من جل الشعر بتاعكو
ههههههه
نورتنى

مسدس صغير يقول...

محمد غالية
حمد الله ع السلامة
بالتوفيق ان شاء الله
سعيد بتعليقك
نورتنى

مسدس صغير يقول...

ام مالك
والله سعيد جدا بتعليقك
وسعيد لكلامك الحلو ده
نورتينى

مسدس صغير يقول...

سفروتة
ياريت نبقى جزء من الف من جوابات حراجى القط
الابنودى ده نجمة فى السما بصراحة
استاذنا كلنا
اشكرك على التعليق الجميل
سعيد جدا بمرورك
نورتينى

GiGi world يقول...

تحفه تحفه تحفه
ربنا يعزك ويكرمك جميله بجد جدا جدا جدا
خالص تحياتى

بنجاواتى يقول...

يا سلام

جميلة جدا

بس هنية عايناله اكله ازاى يعنى؟؟
اكيد عندها تلاجة ههههه

جميلة جدا بجد يا حضرة القاضى

تحياتى

mimi يقول...

أبو صلاح الأبندودي

.... جامدة يا بو الصلح تحفةةةةةةةة

mahasen saber يقول...

برضه متجيش على فرحات قوى يا صلاح
مهو اتغرب عشان مراته وولاده برضه

ولاا يعنى احنا نقيم الامور على مزاجنا الخاص

مسدس صغير يقول...

جيجى وورلد
اشكرك على التعليق
نورتينى

مسدس صغير يقول...

بنجاواتى
طبعا عندها تلاجة
هههههههههه
اشكرك على التعليق
نورتنى

مسدس صغير يقول...

ميمايا
اشكرك على الكلام الحلو ده يا نجم
ههههههه
بجد نورتينى

مسدس صغير يقول...

محاسن صابر
ماشى عشان خاطرك مش هاجى على فرحات
هههههههههه
اشكرك على التعليق
منورانى

Ramy Wasel يقول...

معلش جييت متأخر

بس موضوع حلو

زى عواد باع ارضه
دى السلسله اللى وراها

وراح الكفر

حتابع باقى الحلقات بأذن الله

تحياتى
رامى واصل

قلم رصاص يقول...

ههههههههههههههههههههههههههههه

فرحات صعبان علي اوي

وهنيه صعبانه علي برضه

ان شاء الله يتلم الشمل

ايه الجمال ده كله ياصاصا

تحفه والله

انت كل يوم أسلوبك بيزيد جمال وروعة

اتمنى لك التوفيق

ومستني باقي السلسلة او العقد
ههههههههههههه


في حفظ الله