الأربعاء، 6 مايو 2009

جرايد


جرايد .. جرايد
والدم قايد

والفجر مليان هموم
والمصرى اليوم
معدوم
اخباره قديمه زى الاهرام
وصباحو نايم فى مساءو
ينتظر الفجر مع الاحرار
وصباح الخير. من غير
حتى نهار
***
جمهورية خوف
ولا عمره ف يوم هيشوف
واهو وفد وماشى فى صفوف
وان قلنا كواكب وللا نجوم
والشمس معاد ينفعها كسوف
***
يا شروق
باين محروق
والدستور فى ميدان - النور
مشنوق
***
والشرق الاوسط
هيموت من الجوع
فى خلال
اسبوع
أو يمكن على اكتوبر الجاى
وبلاش منك تانى دموع..

***
والكلام ده ملوش دليل
غير حكايتى مع
البديل
والعالم اليوم
بقى هوه العميل


كفاية كده..
اللى عارف جرايد تانية يقولى

هناك 71 تعليقًا:

۩ Nour ۩ يقول...

السلام عليكم...
جولة خاطفة فى طابور الجرايد التى تدعى انها للقراءة وربما بحاجه الى محكمة عادلة .. فأصبحت الجرائد تكتب بعين واحده والاخرى لا نعلم لها محل نظراً لتناقض حرية التعبير المقيدة..
أشكرك على تلك الجرايد المعلوم منها والمجهول ..دمت بخير.

فشكووول يقول...

السلام عليكم مسدس صغير
يعنى انت عايز تقول ايه؟
انا معاك ان احنا فى طريقنا للباى باى
اى مرض فى العالم احنا ما نقدرش نسيبه يمشى بعيد عننا
لازم نعزم عليه عشان يشرف عندنا ويستوطن كمان
الجرايد كلها كوميديا سوداء
قريت النهارده الدستور
وقريت ابراهيم عيسى قال ايه
وان الانفلونزا حتبقى حبيبتنا قوى واحنا حنحبها قوى زى ما حبينا انفلونزا الطيور
تحياتى

د. ياسر عمر عبد الفتاح يقول...

أنا بجيب الجرايد دي علشان حاجتين
أطمن علي الأهلي والمتخب
وأدي صفحة إمتحانات ثانوي لأختي الصغيرة
ودمتم

إحنا معندناش ثقافة الصحف في مصر

saragebaly يقول...

مبقتش احب اقرا الجرايد

اما كلها اخبار واحدة وتعيد وتزيد فيه

اما خبر نازل بالف مليون طريقة وكلام عكس كلام

بس في كل الاحوال

صفحتى المفضلة صفحة الحوادث


تحياااتي لك

دمت بكل خير

سارة

my dream يقول...

مسدس صغير
السلام عليكم

الموضوع اصلا ان ما عدش في صحافه اصلا عندنا
نورت مدونتي بزيارتك ويارب على طول تفضل منورها

محبة الرحمن يقول...

هل هذة فقرة اعلانيه عن الجرايد المصريه

والله ما فى احلى من الدستور

كفايه

تامر علي يقول...

توليفة كلمات رائعة ... لمجموعة جرائد (رقيعة) :))))

صياغة جميلة جداً تعكس بالضبط حال وواقع إعلامي يطفح بالنفاق والنفعية

تحياتي :)

Unknown يقول...

السلام عليكم ورحمة
الله تعالى وبركاته
(اقوال الصحف دى؟)
من زمان ومن قبل النت حتى
بطلت اجيب الجرايد لمعرفة الاخبار
لكن للثقافة والمعلومات العامة
لان الاخبار كنت بأسمعها ومازلت
للان من ال بى بى سى بحترمها لحد الان
وبالرغم من تحيزهم بعض الاوقات لكن
اتعودت على طريقتهم وحتى اصواتهم.
بس فعلا يامسدس هل كل الاسماء المذكورة
هى جرايد فعلا موجودة ومتوافرة للعامة؟

MǿиY El-Shreef يقول...

انا بجيب الجرايد عشان اسلي وقتي الحمدلله

وتلت تربع الجرايد ماسمعتش عنها اصلا

انا كان اخري بتاع الاهلي والاخبار والاهرام بتاع الجمعه :D

الثقافه مقطعه بعضها يعني :D

عموما كتابتك بجد حلوه ومعبرة

سلااام يامتر

mimi يقول...

مسدس صغير ..
والله يابو صلاح جامدة جامدة فكرة البوست ده .. والكلمات منسقة وفي قالب متسلسل واحد
واكتر مقطع عجبني " يا شروق
باين محروق
والدستور فى ميدان - النور
مشنوق"

تحياتي ... وربنا يستر علي الصحافة في مصر

مسدس صغير يقول...

nour
العفو
لا شكر على واجب
فعلا الجرايد اليومين دول هى وسيلة للتعبير عن تقييد الحرية
اشكرك على التعليق

مسدس صغير يقول...

فشكوول
لازم نعزمه
احنا اهل الكرم
لا مقريتهاش بس هقراها حالا ان شاء الله
طبعا الانفلونزا بكل انواعها حبيبتنا
يلا ربنا يستر
سعيد جدا بتواجدك وتعليقك
استاذى العزيز شكرا

مسدس صغير يقول...

د/ياسر
معدش فيها حاجة تلذ بس للاسف انا عندى مرض شراء الجرايد.
مهما كان لازم اشترى
اشكرك على التعليق يا دكتور
نورتنى

مسدس صغير يقول...

سارة جبالى
صفحة الحوادث؟؟
انتى عارفه انا كنت بهتم بالصفحة دى وكنت متابعها بس بقالى فترة كبيرة معدتش بقراها ابدا.
بصراحة كرهتها.
ع العموم ربنا يحفظنا من شر الجرايد القومية والحزبية.
ههههههه
نورتى

مسدس صغير يقول...

my dream
انا اللى اتشرفت بزيارتك
اشكرك على التعليق
نورتينى

مسدس صغير يقول...

محبة الرحمن
هههههه
ايوة انا قابض من الجرايد دى.
ههههههه
يلا ربنا يزيد ويبارك
نورتينى

مسدس صغير يقول...

تامر على
اشكرك يا باشا على التعليق الذى اسعدنى
نورت البلوج

مسدس صغير يقول...

norahaty
كل واحد حر فى مصدره لتلقى المعلومة وانتى معاكى حق فى تنحية الجرايد جانبا بس مش كل الناس هتعمل كده
اما عن الجرايد دى ان كانت موجوده ومتوفره للعامة طبعا وكمان متوفرة للخالة
هههههه
سعيد بتعليقك
نورتينى

مسدس صغير يقول...

مونى الشريف
انت بالذات انا عارف ان انتى لو قريتى جرايد يبقى اهلى وبس وكورة وكلام من دهو.
هههههههه
على رأيك الثقافة مقطعة بعضها يعنى؟
بس الجرايد معادتش ثقافة ولا يحزنون.
اشكرك على الكلام الحلو ده
نورتينى

مسدس صغير يقول...

ميمى
اشكرك على الكلام الحلو ده
واشكرك على التعليق الجميل بجد
سعيد بتواجدك
نورتينى

قلم رصاص يقول...

ههههههههههههههه

كستور يا اسيادنا

ايه يابني الكلام الجميل اوي ده

انت هيجي منك ان شاء الله

لازم نعرف ياعم مسدس ان الجرايد زيها زي البشر .. يعني زي ما احنا كمواطنين بنتأثر بالفترات اللي عايشين فيها .. كمان الجرايد بتعبر عن الفترة الزمنية اللي بتتناول أخبارها واهرامها وجمهوريتها كمان ولاتزعل ههههههههه

موضوع تمام أوي

وربنا يزيدك من فضله

في حفظ الله ياصديقي

مسدس صغير يقول...

قلم رصاص
كلماتك حلوة حلوة اوى
اشكرك على الكلام الجميل اللى انتى بتقوله ده
فعلا الجرايد زى الناس
يلا ربنا يوفقك واحب ابشرك ان الدبلومة بقت عال وبقت حلوة حلوة وعملت البحث ولسه فيه لمسات بسيطة.
يلا ربنا يسهل
اهم حاجة تبقى اخبارك حلوة يا باشا.

mohamed ghalia يقول...

لا ياعمنا انت كده خلصت على الجرايد كلها

Empress appy يقول...

الله بجد حلو ه اوى
بس المصرى اليوم كويسه شويه ومن اكتر الجرايد اللى نوعا ما بحس فيها بصداقيه مش عارفه ليه

ساره يقول...

والله حببتني فى الجرايد مع ان علاقتي بيها مش كويسه

اسلوبك ممتع :)

وردة يقول...

وكمان هنا في جرايد
هههههههه
انا بصراحة متعودة من وانا صغيرة اتصفح الاهرام بحكم العادة
وخصوصا الاعداد الاسبوعية
بس ات جمعت هنا كل الجرايد
تسلم ايدك
الفكرة حلوة وجديدة
سلام

شاب كــ طخين ـــــا يقول...

السلام عليكم
والله انتا قولت كل حاجه
تقريبا الجرايد بقت كلها طحن فى بعض وناس بتحقد على ناس ومفيش جديد

مسدس صغير يقول...

محمد غالية
ههههه
اشكرك على التعليق
نورتنى يا محمد

مسدس صغير يقول...

appy
فعلا المصرى اليوم كويسة وجرايد تانية كتير
انا على فكرة مبشتمش الجرايد دى او بعيب فيها دى مجرد فكرة لتجميع اسماء الجرايد فى قصيدة وحدة.
اشكرك على التعليق الغالى
نورتينى

مسدس صغير يقول...

سارة
اشكرك على كلامك الحلو
بجد سعيد بتعليقك
نورتينى يا سارة

مسدس صغير يقول...

وردة
فيه كل حاجة جرايد ولو عايزة صميت وترمس وجبنة موجود بردة
هههههه
سعيد بتعليقك
نورتينى

مسدس صغير يقول...

امبارح كان عمرى عشرين
اهى فكرة كده
الحمد لله ان الفكرة عجبتكو
سعيد بتعليقك اخى العزيز
نورتنى

ريمان يقول...

هههههههههههههه

ههههههههههههههه

السلاااااااااام عليكم

لا لا انت جبت كل انواع الجرايد


طبعا معادش فيه جرايد تانيه خلاص

بوست جديد وغررريب اوى

فكره جديده

ههههههههههههههههه

محدش قبل كده كتب عن الجرايد

زيك كده

تحياتى ليك يا صلاح

مسدس صغير يقول...

ريمان
اشكرك على التعليق الرائع
اتمنى لكى السعادة
سعيد بتعليقك
نورتينى

maha zein يقول...

خلاص بقه تعالا نسميها
ورق سفرة
احنا بنشتري الجرايد عشان وظايف خالية مثلا
واصلا اساس بيكون الغرض منها اننا نفرشها علي السفرة ل جينا ناكل سمك ولا حاجة

لا صحافة ولا جرايد ولا قنوات (وطنية) اصبحت ذا قيمة
ربنا يخلي الفضائيات
بيتهيقلي والله ان مبقاش في حد بيتابع اصلا غير ناس اتعودت علي شراء الجرانين

د.آيه يقول...

بسم الله

بجد فكرة حلوة..
تقريبا معدش جرايد متكلمتش عنها ..
بس انت تنصح بإيه بقي ؟؟ تقريبا نقاطعهم كلهم؟ مفيش حل تانى

بس ما شاء الله .. ممكن تكتب عن أى حاجه بالشكل ده !!
ربنا يوفقك

قلم رصاص يقول...

بتتكلم جد عملت البحث ؟
هههههههههههههههه

طب ياريت والله ، انا اكون سعيد جدا عشانك .. شوفت الفرق يامسدس؟

عشان تعرف اني بحبك ياض
ههههههههههههههههههههه

عمرناااااااااااااااوي أصلي
هههههههههههههههههه

ربنا معاك ياسيدي

وادعيلي بالتوفيق في دور يونيه عشان ادعيلك في اكتوبر

وخف شوية من المدونة دي بقى وشوف شغلك
هههههههههههههههه

وانتظر بوستات نارية من اخوك قلم رصاص بعد الامتحانات هتعجبك ان شاء الله

في حفظ الله ياصديقي

أحمد سعيد بسيوني يقول...

امال اخبار الحوادث فييين

مسدس صغير يقول...

مها زين
فعلا الناس بقت تجيب الجرايد خاصة الموفورة الورق زى الاهرام لغير استخدام القراءة.
سفرة
هههههه
يلا هما اللى عملوها فى نفسهم
اشكرك على التعليق
نورتينى

مسدس صغير يقول...

د/اية
اشكرك على التعليق الجميل ده
الحل كل واحد عارف نفسه
اللى شايف انه بيستفيد من حاجة يجيبها.
سعيد بتعليقك
نورتينى

مسدس صغير يقول...

قلم رصاص
اة الحمد لله قطعت شوط كويس فيه.
ربنا يسهل
ربنا يوفقك فى يونيو ويوليو واغسطس وكل السنة
ههههههه
يلا ربنا المسهل
اشكرك
نورتنى

مسدس صغير يقول...

احمد سعيد بسيونى
اخبار الحوادث تبع مؤسسة الاخبار يعنى تبع جريدة الاخبار اعتبرها واحد يعنى

نورتنى

القلم السكندري يقول...

مسدس صغير

سدقت

وللأسف اليوم "كل" ما يسمح له بالصدور له إطار لا يستطيع أن يتخطاه

أي أن الناشر الحقيقي والذي يضع الخطوط الحمراء ايضاً يعتبر هو النظام "سواء بصورة مباشرة أو بصورة غير مباشرة"


ألا لعنة الله علي الظالمين ومن نافقهم




تقبل تحياتي

Soul.o0o.Whisper يقول...

السلام عليكم و رحمة الله و بركاته

أولا سعيدة جدا بزيارتك

و متأسفة على التأخير

بالنسبة للجرايد
فالمشكلة فعلا ان كل واحد بيكتب من وجهة نظره
و اللى هوا شايفه

اعتقد ان مفيش حد بيكتب بحيادية

الله المستعان


دمت بود
و اتمنى أن اراك دائما على صفحاتى

حياة بلا روح يقول...

السلام عليكم

مسدس صغير
كلمات أكثر من رائعة

المشكلة ان الجرايد وحتى المجلات كلها بتنشر اخبار واحدة وحتى الأعمد الي مكتوبة من صحفيين كبار احيانا بتكون منقولة من مواقع أو مدونات ومعاد صياغتها بإسلوب الكاتب ..


واحيانا بتكون من خيال الصحفي لو مقدرش يحصل لى معلومات ..
مرة رحت استفسر عن قضية منشور عنها معلومات كلها مالهاش اساس من الصحة فدخلت عند رئيس قسم الحوادث في الجريدة وقعدت وقبل مااتكلم جه صحفي وقال له انه معرفش يحصل على معلومات كفاية .. قال له دور على الحوادث الي شبهها وكمل موضوعك بس غير في الطريقة ..

وحتى المواضيع العلمية يعني لو منشور في جريدة موضوع طبي او عشبي ممكن تاني يوم في جريدة تانية موضوع بيكذب الي منشور لغرض نسف المصداقية للجريدة الآخرى .. مع ان الموضوع ممكن يكون بيمس مرض او فيرس خطير وده بيمثل خيانة أمانة في حق المجتمع ..




الله يوفقك

أطيب تحية

القدر و انا يقول...

مسدس صغير
لا دا مسدس كبير والى كمان
كل الطلقات دى فى مرة واحدة
تسلم طلقاتك .. جديدة وظريفة جدا
تحياتى واسفة على التاخير يا اجمل مسدس

مسدس صغير يقول...

القلم السكندرى
اشكرك اخى العزيز على تعليقك
الذى سعدت به جدا
نورتنى

مسدس صغير يقول...

دكتورة سول
اولا سعيد جدا بزيارتك
ولا تأخير ولا حاجة
المدونة تحت امرك
غير كده انا معاكى ان الجرايد بقت بستن وش.
بس فيه ناس محترمة بردة
سواء جريدة او صحفيين
ويبقى الامل
اشكرك على التعليق الجميل
والزيارة
نورتينى

مسدس صغير يقول...

حياة
فعلا الجرايد بقت حاجة ممله
تلاقى الموضوعات والمقالات متشابهة
والكتاب بيكتبو بنفس الطريقة ونفس الفكر
بس فيه صحفيين كبار وكتاب كبار لا ننكر دورهم
وموضوع المصداقية ده انتى معاكى حق جدا فيه
اشكرك على التعليق
نورتينى

مسدس صغير يقول...

القدر وانا
والله انا ببقى سعيد جدا بتعليقاتك
ربنا يديمها علينا نعمة
اشكرك على التعليق الجميل
نورتينى

Unknown يقول...

خلاص كده
خش في المجلات بقي !
بالمناسبة معدش حتي في مصدر كويس في القنوات الفضائية تاخد منه خبر بدون تحيز

كل قناة و كل جريدة ليها افكارها اللي بتخدم مموليها

مسدس صغير يقول...

طعمية سخنة
لا مش معاك بردة مهما كانت الصورة سودة الا ان فيه ناس كويسه وجرايد كويسة وصحفيين كويسين.
سعيد جدا بتعليقك
نورتنى

Kiara يقول...

والله بجد تحفه

عجبتني الفكره جدا

الوردة البيضا يقول...

السلام عليكم
أبيات شعرية جميلة جمعت كل أسماء المجلات والجرائد اليومية والأسبوعية التي تصدر في مصر، وتعبر عن حالة التضارب والارتباك الصحفي السائد في مصر

تسلم ايدك، وانا ضفت لينك مدونتك عندي عشان اقدر اتابعك على طول
تحياتي

منــار فايد يقول...

انا عموما مابقراش جرايد خالص
بعرف اي حاجه عايزه اعرفها من النت او التلفزيون او راديو
مش عارفه ليه انا ماليش مووود خالص اجيب جرنان واقعد اقلب صفحه فيه نص ساعه ويطبق على بعضه.....

موضوعك لمس جانب معين بطريقه معينه
اتمنى لك التوفيق

MaNoOoSh يقول...

فعلا حال الجرايد بقى يسد النفس اصلا
وعلشان كدة انا مقاطعاها هى والتلفزيون.. الا لو زهقت قوى يعنى بقوم اتفرج على اى حاجة تافهة فى التلفزيون.. بس الجرايد لا ممكن ابداااااااااااااااااا
هههههههههههههه
تحياتى يا باشا

قلب ارهقته الاحلام يقول...

جمييييلة اوي بجد يا طلقة :)

متناسقة مع بعضها ووزنها مظبوط جداً

بس انا شايفه آخرة الجرايد دي كلها

يا إما عند بتاع الطعمية :D أو بتاع الترمس

والعلم ف الراس مش ف الكراس ^^

ال عاوز ثقافه مش معقول يدور عليها ف جورنال مصري

تحياتي ليك ,,,

صيدلانيه طالعه نازله يقول...

اللى يعرف جرايد تانى يقولك ؟؟؟؟؟
هو انت سيبت جرنان مقولتش اسمه و لا قصدك يعنى اللى عايز اسمه يتكتب يدفع المعلوم
ههههههههههههههه
اعترف مين اللى قالك تعمل كده؟؟
لاحظ ان انت قولت اسامى جرايد معارضه
وده مش من مصلحتك
ههههههههههههه

محمد يقول...

السلام عليكم ورحمة الله وبركاته


مسدس معين أهي كلها أشكال هندسية

ازيك يا أفوكاتو

إن شاء الله تكون بخير

اه مهو انت مش فاهم النظام

مهو دليل علي حرية الصحافة


وعلو قيمتها

ما علينا

المهم انا سعيد بزيارتي لمدونتك

خالص مودتي وصادق دعائي

مسدس صغير يقول...

كيارا
شهادة اعتز بيها
اشكرك على التعليق
نورتينى

مسدس صغير يقول...

الوردة البيضا
اشكرك على التعليق الجميل
انا سعيد بزيارتك جدا
ويحصلى الشرف طبعا
نورتينى

مسدس صغير يقول...

شباك موارب
طبعا وجهة نظر محترمة
اشكرك على التعليق
بجد نورتينى

مسدس صغير يقول...

manooosh
بصراحة يعنى لا جرايد ولا تليفزيون
الا ما رحم ربى
اشكرك على التعليق
نورتينى يا منوش هانم

مسدس صغير يقول...

قلب ارهقته الاحلام
اللى عاوز ترمس او لب ياخد جرنانه وهو رايح.
ههههههه
اشكرك على التعليق الجميل
نورتينى
اتمنى زيارات متكررة

مسدس صغير يقول...

صيدلانية طالعة نازلة
خلاص خلاص
ضرب لأ
انا هقول كل حاجة
هما اللى قالولى اكتب اسم الجرايد دى عشان اصلح صورتها المكسورة
حاجة تانية يا باشا؟؟
بس انا عايز اعترف اعتراف كمان لصالح الوطن
انا اعرف وحدة صيدلانية طالعة نازلة تبيع برشام صراصير للواد حودة المكرمش.
هههههههههههههه
نورتينى
اشكرك على البرشام اقصد على التعليق

مسدس صغير يقول...

هذه حياتى
وعليكم السلام ورحمة الله وبركاته
يا باشا انت نورتنى طبعا
وشرفتنى اكيد بالزيارة
رايك يهمنى
لا تحرمنا طلتك البهية
منور .
اشكرك على التعليق

Maha Shahen يقول...

ما شاء الله كل الجرايد هم خلاص اعمل زيى وبطل تقرى جرايد
صحيح ان العلم نور لكن الجهل فى بعض الاحيان شيء مفيد جدا حتى للصحه
وخد بالك انى قولت فى بعض وليس كل
تحياتى ليك

مصطفى حسان يقول...

يا بني عاوزين نشوفك سيبك من المدونات والكلام ده.. مافيش أحسن من القعده ع القهوة ونفسين المعسل والشعر لايف

مسدس صغير يقول...

نور شاهين
اشكرك على التعليق
سعيد بمرورك
نورتينى

مسدس صغير يقول...

درش
هههههههههه
خلاص جهز الحشيش عما اجى.
هههههههه
نورتنا يا باشا
وان شاء الله يبقى لينا لقاء قريب.
سلامى
الى اللقاء

Unknown يقول...

حلوة على فكرة اللفة بين جرايد البلد دي كلها يارب مجلتنا بأه ميجيلهاش يوم والشمس تضربها والناس تقول عنها هبل وكلام فاضي قول يارب (أقد رؤية مصرية يعني)

خالص تحياتي