الخميس، 9 أبريل 2009

الذات الالهية


- موضوع البوست ده مهم جدا وخطير جدا يا جماعة والله..

دالوقتى احنا ليه بنزعل لما ييجى رسام دنماركى يرسم النبى بصور مهينة وينشرها فى الجرايد؟؟

طب ليه بنزعل لما القناة العشرمية الاسرائيلية مثلا تشتم النبى او تشتم سيدنا عيسى عليه السلام؟؟؟

طب ليه بنزعل لما يمنعو الحجاب من الجامعات فى فرنسا او اى بلد فى العالم غير مسلم؟؟؟؟

وحاجات تانية كتير..

ليه بنزعل من الحاجات دى واحنا اساسا بنعمل اكتر منهم..

احنا المسلمين بنسئ للنبى صلى الله عليه وسلم

احنا المسلمين بنسئ للدين بتاعنا

احنا المسلمين بنسئ لأئمة المسلمين

احنا المسلمين بنسئ لربنا ..

ايوة محدش يستغرب والادهى من ذلك ان الاساءة دى بتوصل الى حد التطاول على الذات الالهية..

اقرب مثال المجلة اللى اتنشر فيها قصيدة بتسب الذات الالهية والدولة مشكورة سحبت ترخيصها واحيلو للتحقيق.

* الاساءة للنبى صلى الله عليه وسلم : بسب دين النبى صلى الله عليه وسلم وسب الصحابة والطعن فى ازواجه امهات المسلمين بل وسب النبى نفسه سواء بطريق مباشر او غير مباشر وده بيحصل من المسلمين انفسهم... مبيحصلش؟؟!!!!

**الاساءة للدين الاسلامى : نلاقى ناس كل يوم وكل ساعة فى الشوارع ماشية تسب بالدين فى الشارع ولو واحد قاله يا أخى حرام عليك تسب الدين يقول انت هتسكت وللا اسبلك بالدين انت كمان؟؟ مبيحصلش؟؟

***الاساءة لأئمة المسلمين : كم مرة سمعنا الامام البخارى ومسلم بيتشتمو ؟؟ كام مرة سمعنا حد بيسب ابن تيمية واحمد بن حنبل وغيرهم وغيرهم كتير؟؟ " اللى بيشتمو دول بردة مسلمين يا جماعة."

****الاساءة للذات الالهية : واحد عايز يتشهر يقوم يعمل قصيدة وينشرها فى احى المجلات او صحيفة من الصحف ويشتم فيها ربنا. " ده مسلم يا جماعة " واحد ينفى القدرة عن ربنا واحد يستهزأ بربنا وكل ده بإسم حرية الرأى والتعبير. حرية رأى وتعبير ايه اللى تدى لواحد الحق انه يشتم ربنا والعياذ بالله يقول الله " مالكم لا ترجون لله وقارا " هل ربنا مش قادر يخسف باللى شتمه ده الارض؟؟ بلى قادر ولكنه يترك هذا الحقير لحِكمَه يعلمها هو. يا جماعة ربنا اتشتم فى روايات وفى قصص وفى مقالات قبل كده كتير وكل ده تحت مسمى حرية الرأى والتعبير. وطبعا اللى بيشتم ده بيبقى محط الانظار فى حصد الجوائز المتتالية من دول العالم الغربى ..

يا جماعة همه ما بيسيئوش لربنا والنبى والدين الاسلامى اكتر مننا .. احنا بنسيئ اكتر وحجم الكارثة بيبقى اكبر والله..

********* طب انا هضرب لكو مثال مهم جدا للإساءة لربنا حتى ولو كان صاحبه لا يدرى بهذه الاساءة " شركة فرجللو؟؟ عارفينها؟؟؟ بتاعة المواد الغذائية؟؟ ايوة دى . الشركة دى فى الاساس كان اسمها ايه؟؟؟ كان اسمها فرج الله صح؟؟ طب اما يتحول الاسم الى فرجللو يبقى اسم ربنا بقى ايه؟؟؟!!!!! مش بقولكم كارثة ان الاهانة والاساءة بتطلع مننا الاول..

يا جماعة قبل ما نلوم على الدنمارك والسويد واسرائيل وامريكا والدول الغربية كلها لازم نكون احنا الاول عارفين يعنى ايه ديننا وعارفين يعنى ايه رسولنا وعارفين يعنى ايه ربنا .. صح وللا انا غلطان؟؟

بصراحة الموضوع عايز مساحة اكبر من كده بكتير بس انا بختزله عشان متزهقوش منى ولا من قراءة البوست..

"حاسبو انفسكم قبل ان تحاسبو وزنوا اعمالكم قبل أن توزن عليكم"

يقول الله " ويمكرون ويمكر الله والله خير الماكرين"

ويقول " ولا يحيق المكر السيئ إلا بأهله "

ويقول " مالكم لا ترجون لله وقارا "

ويقول " ومن يهن الله فما له من مكرم"

ويقول "يريدون ليطفئوا نور الله بأفواههم والله متم نوره ولو كره الكافرون"

..............

اللهم لا تؤاخذنا بما فعل السفهاء منا....


هناك 64 تعليقًا:

صمت المشاعر يقول...

فعلا عندك حق في كل كلامك

المسلمين نفسهم بيسيئوا للرسول عليه افضل الصلاة والسلام وبيسيئوا للاسلام

المفروض نعرف دينا ونقرا في كتب السيره
ونعرف ازاي الرسول كان عايش ومبادئه كانت ايه في حياته علشان علي الاقل نعيش حياتنا صح

ربنا يكرمك ويجزيك عنا خير علي التذكره

mohamed ghalia يقول...

عندك حق إحنا أكتر المسيئين للدين
ربنا يرحمنا

شاب كــ طخين ـــــا يقول...

عندك حق فى كلامك
فعلا احنا بنعمل حاجات وبنشوف حاجات عندنا ابعد ما تكون عن الأسلام ده لو مش كفر يعنى
زى سب الدين ده لو ركبت ميكروباص نص ساعه بس فى القاهرة بتسمع سب الدين بعدد الأمتار الابتمشيها

_________

فيه حاجه بسيطه بس بخصوص
المثال الاحضرتك ذكرته بتاع شكره فرجلو
انا فاكر لما كان فيه حوار عليها وعلى تغير الأسم
صاحبها قال انه غيرة علشان أسم الله كان موجود على العبوات وبا التالى العبوات بتترمى فى الزباله والكلام ده وطبعا معها اسم الله
علشان كده هو غير الأسم

حبيت بس اوضح النقطه دى
وربنا أعلم بنيه كل واحد

تقبل تحياتى
سلام

غروب يقول...

عندك حق والله يا متر او يا صاصا

اصلي لسه قارئه التاج بتاعك دلوقتى

اجاباته جميله وفيها اللى يضحك

وقريت كمان موضوع تجاره الاعضاء بس لسه مش كملته

اما بقه الذات الالهيه

والله يا اخى الناس معادت عارفه هى بتعمل ايه

الناس ولا كانها هتتحاسب على كل لفظ

تخيل بقه لو اللفظ ده مسئ للدين او لربنا او رسله ؟؟؟؟؟

يااااااه

ربنا يتوب علينا ويهدي الامه

اللهم امين

الموضوع بجد حلو اوى وعاوز وقت ووقفه

تسلم ايدك

د. ياسر عمر عبد الفتاح يقول...

كلام مظبوط جداً
وواقعى الى حد بعيد
إحنا شعوب عندها شيزوفرينيا
وكلنا محتاين للعلاج بجد

ربنا يشفينا

MǿиY El-Shreef يقول...

والله عندك حق يا استاذ صلاح

ربنا لا تؤاخذنا بما فعل السفهاء منا

بجد احنا كده مش بندور غير ع فرصه عشان نصرخ ونثور وننفس عن غضبنا

يمكن عشان مش عارفين نثور ع كل حاجه حوالينا

مابنصدق نلاقي فرصه نطلعها ف حاجه المفروض اننا نثور عليها ونبين موقفنا

ربنا يهدي الكل

وربنا قادر يخسف بيهم الارض زي ماقلت

بس اهو خليهم يمكن يتوبوا ويرجعوا

تسلم ايدك يا استاذ صلاح

ستيتة يقول...

والله كلامك حقيقي جدا
وهو محض شيزوفرينيا
نعيب الغرب والعيب مالينا
وما للإسلام عار سوانا

سلمت ايدك

تامر علي يقول...

إحنا بنتعامل مع الموضوع من منطلق (الذاتية) يعني لما (إحنا) نشتم مصر مش مهم ...لما نشتم الوزراء كويس ... لما ننتقد مجتمعنا حلو ...لكن لو حد تاني انتقد حد فيهم تقوم الدنيا ... نفس المنطلق بنسقطه على الدين وده قمة الجهل .

فعلاً محتاجين وقفة مع الذات وإعادة تقييم لمفاهيمنا كلها

تحياتي للطرح المثمر

مسدس صغير يقول...

صمت المشاعر
فعلا احنا محتاجين جرعات تثقيفيه عالية عن ديننا.
اشكرك على الدعاء الجميل وربنا يتقبل
نورتينى كالعادة

مسدس صغير يقول...

محمد غالية
اشكرك على التعليق
ربنا يهدينا جميعا.
نورت يا باشا

مسدس صغير يقول...

امبارح كان عمرى عشرين
فعلا احنا اكتر مسيئين للاسلام بجهلنا عن احكامه. ربنا يهدينا ويعلمنا ويرحمنا.
وبخصوص موضوع فرجللو حتى لو زى مانت بتقول يبقى عذر اقبح من ذنب.
على اى حال ربنا يهدى الجميع
اشكرك على التعليق
نورتنى

مسدس صغير يقول...

غروب
فعلا موضوع مهم جدا والله
ربنا بيقول " ما يلفظ من قول الا لديه رقيب عتيد "
كل لفظ الواحد متحاسب عليه فلازم نختار موضوعاتنا وكلامنا عشان ربنا يرحمنا.
نسأل اللع العفو والعافية فى الدنيا والاخرة

اسيبك تقرى بقى
نورتينى بجد يا غروب

مسدس صغير يقول...

د/ياسر عمر عبد الفتاح
فعلا احنا شعوب عندها شيزوفرانيا
ربنا يشفينا
بجد تعليق بسيط ولكن معبر
اشكرك عليه
نورت البلوج يا دكتور

مسدس صغير يقول...

مونى الشريف
اهلا بعروسة المستقبل وبأملنا فى السعودية
هههههه
فعلا احنا جوانا حاجات كتير بنستنى الفرصة عشان نخرجها وانا عارف ان الكلام اللى انا بقوله ده كلنا قلناه وعايزين نقوله بس مستنيين فرصة نخرجه فيها.
اشكرك على التعليق
نورتى البلوج

مسدس صغير يقول...

ستوتة
بجد احنا شعوب عندها شيزوفرانيا
ربنا يشفى
كلامك صح الصح
اشكرك على التعليق
نورتينى كعادتك وربنا ميقطعلك عادة ولا يحرقلك كنافة..

ستيتة يقول...

نسيت اقول لك
بما اننا بنتكلم على الذات الألهية

لما مخرف زي جمال البنا طالع على فضائيات يحكيلنا حكاوي الزهايمر
ويجي معاه دكتور محترم "لا محترم ولا بيفهم" ويقول لبتاع حلال التدخين في رمضان وحلال القبلات بين الشباب والفتيات
يقول له لقد اسعدني زماني بمعرفتك
زمانه سعد وزغرت واتحزم ورقص بسماع هذا الرجل
انت بتتكلم في ايه
ده زمان القابض فيه على صحيح الدين كالقابض على الجمر

اللهم احسن لنا الخواتيم
الحقيقة موضوع زي الانت كاتبه بيستفزني اقرأه اكثر من مرة واسفة على الأطالة

مسدس صغير يقول...

تامر على
فعلا لو كان احد الرؤساء او الامراء او الوزراء اللى لو كان فى الموقف ده كانت بقت كارثة .
ويقولو تدخل سافر فى شئون الدولة الداخلية وقطع العلاقات الدبلوماسية وقطع فى الرباط الصليبى.
وربنا يشفى
بجد سعيد بتعليقك
نورتنى يا تامر

مسدس صغير يقول...

ستيته حسبو
والله ارائك نيرة
فعلا واحد متخلف زى جمال البنا مش عارف ازاى برنامج يفرد له مساحه من الوقت ويستضيفه عشان يفسد عقول الشباب وهيه مش ناقصة
ويقولو عليه مفكر اسلامى؟؟
هوه كل اللى ييجى يهيس فى الاسلام نقول عليه مفكر اسلامى؟؟
والله موضوع غريب جدا..
فعلا زى مانتى بتقولى نقلا عن حديث النبى صلى الله عليه وسلم"ده زمان القابض فيه على صحيح الدين كالقابض على الجمر" أو كما قال
احييكى على التعليق الرائع
اشكرك
نورتينى

وردة يقول...

مش عارفة ارد اقول غير
حسبي الله ونعم الوكيل
ازاي حد من المسلمين يعمل الاعمال ديه
اعوذ بالله
ربنا يرحمنا برحمته
ربنا يكرمك
ويجعل البوست في ميزان حسناتك
سلام

مسدس صغير يقول...

وردة
اشكرك على التعليق المتميز
اشكر تواجدك
جزاكى الله خيرا
نورتى البلوج

MaNoOoSh يقول...

احنا مبنشوفش نفسنا المليانة عيوب ودايما بنشوف عيوب الاخرين
ياريت على رايك نشوف عيوبنا ونبطلها بدل ماحنا مش فالحين غير فى لوم الاخرين على اخطاء احنا اول ناس بنعملها
تحياتى

من أجل التمكين يقول...

السلام عليكم

تقريبا دة اول تعليق ليا عندك

و المشكلة ان المسلمين لما يسيئوا للإسلام بتكون الكارثة أكبر لكن احنا مش واخدين بالنا

و دة سببه الجهل بالدين
و بالمناسبة
ادعوك للمشاركة معانا في الحملة دي اللي تعتبر متعلقة بموضوعك

http://fortamkeen.blogspot.com/search/label/%D8%A5%D9%84%D9%89%20%D8%A7%D9%84%D8%A5%D9%84%D8%AA%D8%B2%D8%A7%D9%85%20%D9%8A%D8%A7%20%D8%B9%D8%A8%D8%A7%D8%AF%20%D8%A7%D9%84%D9%84%D9%87

دي سلسلة كاملة ياريت تشوفها و تديني رأيك

و لو عاوز تلغي التعليق بعد كدة فبراحتك

جزاكم الله خيرا

من أجل التمكين يقول...

سلام عليكم

معلهش الرابط اهو لأن التاني رابط كبير

http://fortamkeen.blogspot.com/2009/04/blog-post_09.html
و دة آخر موضوع في السلسلة

و ممكن تشوف باقي السلسلة هناك
-

د/عرفه يقول...

معاك حق طبعا
فعلا انا معجب
بآرائك كتير
لازم نعد نفكر شوية للى بيحصل حوالينا
وقبل ما نلوم الدنمارك نلوم نفسنا
والعجيب ان فى ناس
بتسب بالدين على انه هزار زى صباح الخير كده
وناس تانبة الشتيمة فى بوقها زى اللبانة
تحليل جميل ورؤية واضحة جدا
تسلم

ساره يقول...
أزال المؤلف هذا التعليق.
ساره يقول...

الله يعطيك العافيه يا صلاح على هذا الموضوع ... وبجد هو يحتاج مساحه اكبر للنقاش ...

اي والله احنا اساس الاساءه لدينا الاسلامي .. مع الاسف صايرين مسلمين بالوراثه مش بفهم واقتناع .. من شدة تخلفنا بس نبغي نكون نسخه من الغرب .. مع ان الغرب يحتقر العرب والمسلمين شفت سخريه القدر ... ما عاد عندنا هويه اسلاميه

حتى لما الدنمارك اساءة لرسول الله عليه افضل الصلاة والسلام بالصور فى صحفهم .. كانت ردة فعلنا قويه صحيح بس مش بالقوه الكافيه اللي تخلي لنا حساب و وزن عندهم والدليل اعادة رسم الصور ونشرها ... لانه لسه في ضعاف نفوس عندنا تشتري منتجاتهم وتستوردها ...

هذا الزمان مخيف الله يثبتنا قلوبنا على دينه امين

قلم رصاص يقول...

أصبت كبد الحقيقة يافتى
بالفعل يا اخي والله شيئ مفجع جدا ان نرى مثل هذه السقطات المتعمدة من اهل الاسلام انفسهم ، وعلى رأيك ، نلوم الاخرين ..أقصد الغير مسلمين بما فعلوا وقالوا في حقنا كمسلمين

يستحضرني قول الشاعر :

يامن تنهي عن خلق وتأتِ مثله .. عارُ عليك إن فعلت عظيم

هذا ماينطبق على ماحدث بالتمااااااام
ووالله يامسدس انا ساعة ماعرفت بموضوع هذه الجريدة وانا صدمت .. واللي زاد من صدمتي ان رئيس تحريرها للأسف محسوب على المثقفين المصريين ، وانا كنت أحسبه شاعرا محترما ولكنه سقط السقطة الكبرى حينما سمعته على الفضائيات يبرر ماحدث في جريدته ، وحينما انتقد ما أسماه الحجر على حرية الفكر.. ألا وهو المدعو(الشاعر/عبد المعطي حجازي)

وفي نفس السياق ، اسمح لي ان أسوق لكم كلمة للشيخ الجليل الملقب بـ أعلم أهل الأرض بالحديث ، العلامة المحدث / أبي إسحاق الحويني

حينما كان يتحدث في برنامجه المسمى حرس الحدود بقناة الحكمة الفضائية عن هجوم البعض وللأسف من المسلمين على كتاب صحيح البخاري ، وبما معناه طبعا التشكيك في كل ماورد عن الرسول عليه الصلاة والسلام من سنة قولية وفعليه..أي مامعناه أيضا هزة أرضية أو زلزال للدين الاسلامي برمته . فقال الرجل :

فيه طبيب مصري عالمي علامة في تخصصه وحاصل على اعلى المراتب اوالشهادات العلمية والجوائز من جميع انحاء العالم ، وهو الراحل الدكتور / أحمد شفيق ،أستاذ الجهاز الهضمي على ما اتذكر.. فقال : اخترع الرجل دواءا جديدا لعلاج السكر ، فقام بتجريب الدواء .. فحاربته الحكومة بكل أجهزتها، ابتداءا بغلق عيادته الى سحب ترخيص مزاولة المهنة منه .. خدوا بالكم .. كل ده بدعوى ان الدكتور شفيق كان يجرب الدواء الجديد على المرضى بدون الحصول على ترخيص بذلك ، وان ما اخذته الحكومة من اجراء فوري وسريع كان لحماية ارواح الناس.

فاستطرد الشيخ الجليل كلامه قائلا :

ولما يهاجم مجموعة من السفلة دين الله
ويشككون في صحيح البخاري ، ويسيئوا للرسول ، ويشككوا في القرآن .. تغض الحكومات الطرف عن هذا وذاك .. وكل ما يفعلونه أن يقولوا لنا : ردوا على الادعاءات بادعاءات

هل هذا منطق ، يقول الشيخ :

أرواح الناس ليست لعبة .. لكن الدين اللي أصبح لعبة ؟!

انا ارى ان الخطورة متماثلة

معلهش طولت عليك جدا

اعذرني.. أصل خطي حلووووووو وفرحان بنفسي شوية
هههههههههههههه

وفقت يامسدسي العزيز في طرح الموضوع كعادتك دائما

بارك الله فيك وعلى رفعك لروحي المعنوية

في حفظ الله

مسدس صغير يقول...

anooosh
فعلا احنا عايزين نبص لنفسنا شوية ونعرف غلطنا الاول بعدين ندور على اخطاء الاخرين
مبدأ ابدأ بنفسك
احييكى على التعليق يا منووش واشكرك على الزيارة
نورتى

مسدس صغير يقول...

من اجل التمكين
وعليكم السلام ورحمة الله وبركاته
فعلا الجهل بالدين هو اول اسباب الاساءة
نسأل الله ان يعلمنا ديننا وان يرزقنا الاخلاص فى القول والعمل.
لينا الشرف بزيارة حضرتك
وان شاء الله نزور الرابط ده ونشارك

مسدس صغير يقول...

من اجل التمكين
ماشى يا باشا تحت امرك
ان شاء الله ندخل ونشارك

مسدس صغير يقول...

د/عرفة
فعلا الغلط عندنا
قبل ما نلوم الغرب نلوم نفسنا
وفعلا سب الدين ده فى الشوارع بقى حاجة عادية جدا
ربنا يهدينا.
اشكرك على التعليق والكلام ده.
نورتنى يا دكتور

مسدس صغير يقول...

تم حذف التعليق
الله الله
تعليق جمييييل
ههههههه
نورت يا حذف

مسدس صغير يقول...

سارة
الله يعطينى العافية واياك
ويبارك فيكى
وفعلا الموضوع يحتاج مساحة اكبر للنقاش لاهميته وخطورته.

فعلا احنا اول اسباب الاساءة للدين الاسلامى وللأسف بقينا مسلمين بالبطاقة او بمعنى اصح بالوراثة
فعلا كل واحد مننا محتاج وقفه مع نفسه

حتى صحيح اما الدنمارك نشرت الصور بتاعة النبى صلى الله عليه وسلم وعملنا ردة فعل كانت الى حد ما قوية
بردة محدش عبرنا ونشروها تانى
هانت علينا انفسنا فهنّافى نظر اعدائنا

نسأل الله ان يعيد لهذا الدين هيبته
وان يثبتنا عليه حتى الممات
وان يرحمنا وابائنا وامهاتنا وجميع المسلمين
اشكرك على التعليق الرائع كعادتك.
نورتى البلوج

مسدس صغير يقول...

قلم رصاص
اخيرا يا راجل بنستمتع بتعليقاتك تانى.
يا عم بلاش كبد الحقيقة لان انا مليش تقل ع الكبده منخليها موزة الحقيقة او حتى كلاوى الحقيقة.. ممكن؟؟ ههههههههه
انا فرحان اوى والله بتعليقك.
احنا فعلا اول المسيئين للدين بتصرفات خاطئه لازم نصلحها ونعدلها قبل ما نلوم الغرب.
يستحضرنى قول الشاعر
"انا لا الوم الغرب فى تخطيطه..
لكنى الوم المسلم المفتون"
وفعلا قول الشاعر بتاعك برده:
"يامن تنهي عن خلق وتأتِ مثله .. عارُ عليك إن فعلت عظيم"
فعلا مينفعش انهى عن خلق وانا اول واحد بيعمله.
وبالنسبة للجريدة دى انا بستغرب حرية رأى او تعبير ايه اللى بيتشدقو بيها. طب حد منهم يقدر بإسم حرية الراى او التعبير دى يشتم رئيس دولة او وزير او امير او ملك؟؟
والله محد يقدر.
عبد المعطى حجازى مين والناس نايمين؟؟
طالما انت راجل مش محترم لا تنتظر من الناس تحترمك.ولا تتشدق بحرية الرأى والتعبير.
اما بالنسبة للشيخ ابو اسحاق
فده راجل على العين والرأس عالم جليل.
كلامه صح ميه الميه.
اشكرك على التعليق الرائع والموضوعى واحييك عليه
سلامى

منــار فايد يقول...

جزاك الله كل خير على الموضوع
وادعو ربنا انه يكون في موازين حسناتك...
وان يجعلك سبب لنصره الاسلام والمسلمين
ولو عايز امثله فهتلاقي كتير
حياتنا اصلا كلها عباره عن تقليد اعمى

تقبل مروري ياعزيزي
واشكر مرورك بشده
ودمت بخير
شباك موارب

فتــافيت (رحاب الخضري) يقول...

الله ينور عليك
انت كده جبت المفيد
احنا كل يوم بنسيء لدينا .. ابسط حاجة الحجاب الاسبانش .. ده اسائة لدينا وبنمارسها عادي جدا وكأنها حاجة عادي وحق مكتسب

ولا مثلا معاك الرب وسبعة سفن اب!!!!!!
قمة الوقاحة والتعدي على ربنا .. استغفر الله العظيم

ربنا يرحمنا ويغفر لنا ويهدي امه محمد عاااااااامة

بوست بجد في الجوووول

ارفع لك القبعة عليه

موناليزا يقول...

ينصر دينك وتسلم ايدك
اللهم لا تؤاخذنا بما فعل السفهاء منا

maha zein يقول...

علي فكرة
موضوع حلو اوي
وكلامك كله صح
انا مفكرتش كه قبل كده
ونزعل اوي فعلا لما واحد غير مسلم وبيكره الاسلام ويقول كده
اومال فعلا احنا
لما منسبش رسول الله ونسب دين الله
يبقه ايه
فتحت فكري للموضوع المهم ده
عندك حق والله

ربنا يبارك فيك
دماغك حلوة وشغاله

ربنا يعزك ويحفظك

مسدس صغير يقول...

شباك موارب
اشكرك على التعليق الجميل وعلى الدعاء الاجمل
ربنا يتقبل
بجد سعيد بزيارتك وياريت متحرميناش منها تانى.
نورتى

مسدس صغير يقول...

اشكرك على التعليق الجميل
فعلا احنا اللى بنسئ للدين من الاساس نتمنى ان تزول هذه الظاهرة
وحكاية الحجاب الاسبانيش دى
حتى الحجاب بقى اسبانى؟؟
ربنا يسترنا
وكمان معاك الرب وسبعة سفن اب؟؟
فعلا فمة الاستهزاء بربنا
ربنا يهدينا ويهديهم ويرحمنا.
بجد فرحان جدا بتعليقك
احييكى عليه
نورتى البلوج كعادتك يا فتفوتة

مسدس صغير يقول...

موناليزا
اشكرك على الدعء الجميل ده
اللهم انصر الاسلام واعز المسلمين
ولا تؤاخذنا بما فعل السفهاء منا
امين امين
اشكرك على التعليق
ونورتينى

مسدس صغير يقول...

مها زين
رأيك فى كل موضوع بيهمنى جدا
اشكرك على التعليق
فعلا احنا بنسيئ للدين الاسلامى سواء بقصد او من غير قصد. بس كلها اساءة تحسب على الشخص.
ازاى بقى نقدر نلوم واحد مش مسلم انه بيسب النبى مثلا او بيشتم الدين الاسلامى؟؟
حاجة غريبة
اشكرك على التعليق اللى زاد من رونق موضوعى
نورتينى يا مها هانم

Unknown يقول...

اولا احوالك ايه؟
ثانيا اختلاف الرأي لايفسد للود قضية انا مؤمن بكدة ولو مش مؤمن بالمقولة دي مكنتش علقت على البوست دا
وبعدين موضوع ربنا والانبياء دا خطير جدا ولازم نحط حد للابداع الفكري!!! عزيزي الفنان ايا كان فنة لا حدود لفكرة فهو يسبح في خيالاتة ليخرج لنا ابداعاتة ولا يوجد وجهة مقارنة بين ما فعلة الاوروبين ومايفعلة فنانو الشرق الاوسط وذلك لاننى متأكد ان ما من واحد منه يفعل ذلك وهو يقصد الاهانة والتعدي على النبي او الله
عزيزي لك تحياتي وانتظر زيارتك وتعليقك على بوستاتى
الى الامام

ghorBty يقول...

اللهم لا تؤاخذنا بما فعل السفهاء منا....

اللهم اامين

عندك حق واكتر من كدا كمان

لما نفقد هوايتنا ونعيش مسلمين بالاسم بس ولما نلاقي في كل مكان الاغاني وقليل ما بنسمع صوت التسبيح والقرآن ولما نقعد نتفرج علي افلام كل الي فيها محاربه لشرع الله وسنته رسوله ونصقف ونقول ياسلام برافوا قليم جميل ولما ولما حاجات كتير اوي مش شرط يكون سب ممككن يكون محاربه للدين بطرق غير مباشره ممكن نكون واخدين بالنا وومكن نكون متجاهلينها

وكمان ياما بنسمع سب الدهر والزمن والايام وفي الحديث القدسي (سبني أبن أدم وما ينبغي له ذلك ويشتمني أبن ادم وما ينبغي له ذلك فإما سبه إياي فإنه يسب الدهر وأنا الدهر أقلب الليل النهار وإما شتمه إياي فإنه يقول أنني أتخذت صاحبة وولدا وأنا الواحد الأحد..

نسأل الله السلامه
جزاكم الله خيرا ..

مسدس صغير يقول...

medus
احترم وجهة نظرك ولكن لا يعذر احد بالجهل فى بلاد الاسلام
احييك على التعليق
نورتنى
لى الشرف للتواجد فى مدونتك ان شاء الله

مسدس صغير يقول...

غربتى
فعلا عندك حق والله
الافلام والاغانى والمسلسلات الهابطة هيه فى السبب فى نشر هذا الفساد فى المجتمع
لانها تدعو الى الرزائل اكثر مما تدعو الى الفضائل
نسأل الله العفو والعافيه
وفعلا سب الزمن والدهر دى حاجة منتشرة جدا جدا وده سب لربنا سبحانة وتعالى بنص الحديث القدسى اللى انتى ذكرتيه
اشكرك عليه
جزاكم الله خيرا
نورتينى

فشكووول يقول...

السلام عليكم مسدس صغير
تحياتى
الاساءه للنبى فى الحقيقه وكما قلت نحن نفعلها اكثر من الدانماركيين والغرب
هم ليسوا مسلمين ولا يؤمنون بمحمد عليه السلام ولا بالقرأن
وهم يسيئون للنبى عيسى والنبى موسى باسم حرية الرأى
وهذه حياتهم فلماذا نعيب عليهم
نحن نسيئ اكثر لرسولنا وديننا وكماتفضلتم وذكرتم الامثله
واحنا كمان اللى بنعمل لهم شهره وصيت ولو الرسام الدينماركى ما كناش عملنا الثوره دى كلها ولا حد كان سمع عنه حاجه ولا كمان حد كان عاد للموضوع ولا كانت بقت لبانه فى بقهم يهاجمونا بيها
احنا اللى بناخد المواضيع بعصبيه وعنجهيه
وعندك كل الحق فى كلامك
وتحياتى

محاولة لكسر الصمت يقول...

المشكلة أننا نتشدق بقشور الدين ونترك جوهره, ندعي أننا متدينون ونحن ابعد ما نكون عن ذلك...
نحتاج فقط أن نعيد النظر لكي نعرف معنى الدين بحق..
.زيارتي الأولى تقبل مروري....
تحياتي.....

مسدس صغير يقول...

فشكول
فعلا احنا اول المسيئين للدين الاسلامى
سلوكنا الخاطئ والفهم الخاطئ للدين والجهل بالدين همه اول اسباب الاساءة
عندك حق فى كل اللى قلته
احييك على التعليق يا استاذى العزيز
عود احمد
نورتنى

مسدس صغير يقول...

محاولة لكسر الصمت
فعلا نحن نتمسك بقشور هذا الدين ونترك جوهره
اشكرك على الزيارة
نورتنى
وربنا ميقطعلك زيارة ابدا..

*البت المشمشية *حلوة بس شقية * يقول...

صولاح
ازيك يااااااااض
عامل ايه من غير تعليقاتى
انا جيت اهو عشان متحسش انك كوخة
ههههههههههههه

*البت المشمشية *حلوة بس شقية * يقول...

بلنسبة للبوست
انتا فعلا عندك حق
احنا بنعمل حاجات كتير فى حياتنا مخالفة للدين
وانا كمان زيك
بمشى فى الشارع بسمع لاللى بيسب بلدين
ببقا نفسى اقولو يا حيوان انتا بتشتم دينك
بس مصيرى انا كمان بتشتم
واللى كتب قصيدة شرفة ليلى مراد
لمجرد انو يشتهر
احنا فعلا بنسئ للدين اكتر من الكفرة نفسهم
موضوعك بجد فى الجون
تستاهل شلوط

أبو العريف يقول...

طلقة من مسدس صغير
ولكنها كبيره
وتستحق التقدير
دمت لنا بكل خير

غروب يقول...

تفاصي لقاء المنصوره عندى

لو مجتش هخاصمك بس

مسدس صغير يقول...

البت المشمشية
انتى لسه جايه؟؟
يللا هرد على تعليقك وامرى لله.
ههههههه

مسدس صغير يقول...

البت المشمشية
فعلا احنا اول المخطئييين
بنسب الدين بمناسبة ومن غير مناسبة.
حاجة غريبة جدا والله
حتى بتاع القصيده ده انسان زبالة عشان عيون الشهرة يشتم ربنا؟؟
ربنا يرحمنا.
سعيد بتعليقك
نورتينى يا شوشو.

مسدس صغير يقول...

ابو العريف
ربنا يعزك
اشكرك على الكلام الحلو ده
بجد انا سعيد بتعليقك
نورتنى

مسدس صغير يقول...

غروب
لا متخاصمنيش
ان شاء الله جاى.

الشموع البيضاء يقول...

انا اول مرة ازورك بس جيت على بوست جااااامد
انت قلت الكلام الى عندك حق فيه وفنفس الوقت موجع جدا لان الحقيقه دى موجعه
وبالاضافه لكل ده احنا سمحنا ان ده يحصل بره وفى الداخل لما مالتزمناش بدينا صح ولا بسنة رسولنا وبقينا مسلمين اسم فى البطاقه وبقوا اعداء الاسلام يقولوا ادى المحجبات ادى المسلمين شوفوا تصرفاتهم
وبعدين الغرب ده احنا علينا رساله مش بنعملها وسايبينهم همه يقولوا ويوصلوا صورة الاسلام زى مايحبوا
رسالتنا اننا نوصل لهم ايه اسلامنا وايه الى جه بيه ومين هو رسولنا وايه تعاليمنا واخلاقنا الصح
وارجع واقولك سبحان الله هذا الدين لاينصره المسلمين ولكن ينصره الله رغم كل ده الاجانب فى كل مكان بيدخلوا الاسلام فى ازدياد وللاسف بيطبقوه ويفهموه احسن مننا

تحياتى واعتذر للاطالة

Unknown يقول...

كلامك صحيح
وركز على حاجات لم نكن لنلقى لها بال في حياتنا
وبإسائتنا لرموزنا ولنفسنا من البداية فتحنا الباب لهم

الله ينور بوست هائل ومدونة رائعة

ويبقى التواصل

ريمان يقول...

منتظريتك بكره ان شاء الله

:)

مسدس صغير يقول...

الشموع البيضاء
طبعا انا سعيد جدا جدا بزيارتك والله
نورتينى وشرفتينى بأول زيارة
فعلا احنا اللى بنسئى للاسلام بافعالنا واعمالنا.
فعلا الدين ربنا اللى بينصره مش احنا.
وفعلا الناس اللى بيدخلو الدين ده هم اللى بيرسمو صورة رائعة عن الاسلام.
اللهم انصر الاسلام واعز المسلمين
اشكرك على الزيارة
نورتينى

مسدس صغير يقول...

معتز شاهين
اشكرك على التعليق الجميل
بجد سعيد بزيارتك
نورتنى

مسدس صغير يقول...

ريمان
ان شاء هنيجى
ربنا يسهل