الثلاثاء، 24 مارس 2009

احنا وهمّا..




- همّا :


1- لغات كتيرة ومختلفة " انجليزى - اسبانى - فرنساوى - المانى - ايطالى - برتغالى - روسى " ولغات تانية كتييييييير


2- مساحة مترامية الاطراف


3- عمرهم مكانو واحد "همه دول مستقلة عن بعضها كده من زماااااان "


4- عملات مختلفة من زمااااان " فرنك ومارك وجنيه استرلينى " وعملات تانية كتييييير


5- اديان كتييير " مسيحية ويهودية واسلام وهندوس وكفرة خالص ملهمش دين اولاد كلب " وكده يعنى


6- عندهم جزر كتير"وده بيأدى فى كتير من الاحيان لعدم السيطرة عليها نظرا لحركات الاستقلال"


7-متطرفين كتييييير


8- انظمة تعليمية مختلفة عن بعضها كتيييييير


9- دول كتييير" وصلو لحد دالوقتى 27 دولة تقريبا ولسه فيه دول هتنضم قريب جدا "


10- عدد سكانها كتييير " 730 مليون نسمة






...........................




- احنا : ههههههههه


1- لغة واحدة.." اللغة العربية "


2- الدين الاسلامى هوه السائد وبعد كده الديانة المسيحية وسلامتك وتعيش


3- عدد السكان اقل منهم بكتيييييير احنا 300 مليون نسمة


4- اى نعم المساحة اكبر منهم بس مش مترامية الاطراف زيهم يعنى حتة وحدة.


5- كنا دولة وحدة منذ اقل من 100 سنة.


6- كانت العملة وحدة منذ اقل من 100 سنة.


7- معندناش جزر "بضم الجيم وضم الزاى يا ظريف."


8- نسبة التطرف عندنا بالمقارنة بيهم لا تذكر.


9- انظمة تعليمية متشابهة الى حد كبير " كلها متخلفة "


10- عدد الدول اقل منهم 22 دولة بس


............




حد فاهم حاجة؟؟؟


ولا انا.


..


انا بستغرب ازاى اوروبا قدرت تعمل اتحاد وسمته الاتحاد الاوروبى وتوحد العملة وتلغى تأشيرات الدخول برغم كل هذه الاختلافات وغيرها كتير اكيد انتو عارفين حاجات تانية اوروبا مخبياها عنى.




واحنا برغم كل المميزات اللى عندنا دى مش قادرين نعمل اتحاد ان شا الله يكون الاتحاد السكندرى وللا حتى اتحاد جده؟؟؟!!!!..




هناك 72 تعليقًا:

ستيتة يقول...

يعني لازمن تيجي ع الجرح وتتكى بكوعك

وكمان تحط كل الأعلام دي

هم اتحدوا لأنهم خدوا في المدرسة زمان قصة الراجل اللي جاب حزمة الحطب وخلى ولاده يكسروا الحطب المتفرق ومعرفوش يكسروا الحزمة على بعضها
احنا اتفرقنا علشان برضه خدنا القصة وحفظناها وامتحانا اخر السنة ونسيناها

هم وحدوا العملة مع انهم مش بيوحدوا الله
احنا خفنا نلغي القرش .. ليه؟ لأنه ابيض وما بينفع في يوم ابيض ولا اسود

هم اتفقوا على الشهور بدايتها ونهايتها واتفقوا يوحدوا حتى الأجازات علشان تعاملات البورصة والتجارة

احنا حتى رمضان مش عارفين نصومه مع بعض

ربنا لا تؤاخذنا بما فعله السفاء منا

ربنا لا تؤاخذنا بما فعل بنا السفهاء
اللهم استعملنا ولا تغضب علينا فتستبدلنا

احنا في خراب يا سيادة المتر ومش عارفين ها تعمر امتى

MǿиY El-Shreef يقول...

هو ايه الحكايه كلكوا ماشين ف السكه الي بتودي مابتجيبش :D

هنعمل ايه يا استاذنا بس هما ناس بتفكر صح وبينفذوا صح احنا لو عندنا ناس بتفكر صح هيحكموا عليها بالغباء مدى الحياه عشان مايبقاش في حد احسن منهم واللهم اجعل كلامنا خفيف عليهم :D

شوف الفرق بين حكامنا وحكامهم .. هناك باصين لماصلحهم كويس اوي وعارفين انها بالتوحد هتزيد وتكبراما احنا كل واحد الله اعلم ايه بيقول ع التاني ف خلوته حكامنا دول ماينفعوش يتفقوا الا ع حاجه واحده زي مابيقولوا الي هي ان لا يتفقوا

ربنا يهدي ..

mohamed ghalia يقول...

ياريت نرجع تانى
بوست هايل بجد

سفروتة يقول...

عارف ليه احنا مش عارفين نبقي زيهم
عشان احنا فوضويين
الحكومات والشعوب مش متفقين علي حاجة ابداااااااااااااا
كل واحد ماشي بدماغه
تهمنا اوي المنظرة والقنعرة ... هاممنا اللي برة ونسينا اللي جوا

الكويس مش لاقي وسيلة عشان يطفو بيها ع السطح
والوحش عايم وطفح ومش لاقي حد يلمه

ينقصنا
الضميــــــــــــــر والتخطيـــــط

دمت بكل ود
:)

حسام غانم يقول...

ما هي الفكرة إن أمريكا مدركة المفارقة دي

وبالتالي بتعمل على عدم حدوث الوحدة دي

زرع الخلافات والنزاعات


وزمانهم بيضحكوا على هبلنا

لحد ما وقعوا من عالكرسي

صمت المشاعر يقول...

بوست واقعي جداااااا

والسؤال مجاوب نفسه وهو احنا ليه مبقناش زيهم

لاننا مصريييييييييييييين دا باختصار

maha zein يقول...

اديان كتييير " مسيحية ويهودية واسلام وهندوس وكفرة خالص ملهمش دين اولاد كلب " وكده يعنى

ههههههههههههههه
يخرب بيت كده
ايه ده بقه

اتفق العرب الا يتفقوا
انت حدش قالك ولا ايه
احنا عندنا الحكام مش سياسيين وناس عاقلة كده
لا احنا اللى عندنا اطفال معجزين
دماغلتهم مفيش اهيف منها

ذي سوسو وتوتو ولولو كده

متشغلش بالك انت

أمل حمدي يقول...

سيبك من كل دا يا مسدس

الحمد لله على نعمة الاسلام وكفى

هاتوجع دماغك على الفاضي

تقديري

MaNoOoSh يقول...

أنا كمان مش فاهمة حاجة
أو يمكن فاهمة بس بستعبط
أصل هنقول ايه غير ان التخلف والجهل وعمايلنا السودة هى اللى جابتنا لورا
وعموما ؤبنا على الظالم والمفترى
كشفت شعرى ودعيت على كل حاكم فى بالى وكل حرامى

مسدس صغير يقول...

ستيتة حسبو
مالها الاعلام يعنى ؟
مش احسن من اعلامنا الجوفاء.
فعلا انتى ضربتى مثل من اعظم الامثلة ووظفتيه صح جدا .
هما خدو فى المدرسة قصة الراجل بتاع الحطب ونفذوها.
اما احنا عرفناها وذاكرناها وامتحنا فيها ونجحنا فى الامتحان وبس.
بجد يا دكتور مثل رائع.
القرش الابيض ينفع فى اليوم الاسود بس بصراحة القرش معادلوش وجود اذا كان الجنيه قرب ينقرض.
فعلا رمضان عامل لنا ازمة جامده بجد كلامك ينفع بوست لوحده .
اشكرك على التجاوب وعلى التعليق الرائع .
ميرسى خالص دكتورة
نورتينى كعادتك وشكرا على الرابط بتاعى اللى انتى حاطاه فى مدونتك.
بصراحة معدتش عارف اودى جمايلك فين.

مسدس صغير يقول...

mony elshereef
فعلا الناس دى بتفكر فى مصلحة بلادهم وبس محدش بيفكر يعمل لنفسه ولمصالحه الشخصية
مفيش مجاملات مفيش محسوبيه.
احنا ممكن نتوحد لما رئيس الدولة ينزل يركب فى المترو او الاتوبيس زيه زى الشعب ويدفع غرامة المترو لو دخن مثلا.
فى الحالة دى ممكن نتوحد.
بجد ارائك سديدة وجميلة بس عايزك متخافيش محدش اخد منها حاجة.
اوك؟؟
نورتينى يا مونى

رحلتنا في الحياة يقول...

لازم نستغرب احنا ليه كده وهما ليه كده وافتكر مش هنلاقى الاجابة دى
بس ياريت نتعلم منهم ازاى نكون زيهم فى الايجابيات ونبعد عن السلبيات مش العكس

مسدس صغير يقول...

محمد غالية
يا ريت نرجع.
اشكرك على المرور الكريم والتعليق
نورتنى

مسدس صغير يقول...

سفروتة
الضمير والتخطيط؟؟
ييجو منين دول؟؟
لو كل واحد بص لمصلحة بلده بس هنبقى اسياد العالم.
يعنى لو الوطن العربى كله هيبقى بلد وحدة كل رئيس هيقول وليه انا مبقاش رئيس الوطن العربى اللى هو الدولة الجديدة.
صح؟؟؟
المهم المصلحة العامة
نسأل الله ان يوحد صفنا.
اشكرك على التعليق المهم
نورتينى

مسدس صغير يقول...

حسام غانم
فعلا امريكا بتضغط على الوتر ده بس انا مش عايز نرمى همنا على الاخرين لان احنا بصراحة السبب الاول فى الفرقة دى واحنا السبب فى التأخر اللى مش هيسبنا ده
ربنا يستر
اشكرك على التعليق
نورتنى

مسدس صغير يقول...

صمت المشاعر
كلامك سليم
بس مش عشان احنا مصريين لان الموضوع اكبر من مصر الموضوع عايز تكات عربى واسلامى واسع.
اشكرك على المرور
ونورتينى

مسدس صغير يقول...

مها هانم زين
اولا انا ببقى سعيد بتعليقك
ثانيا
فعلا قالولى على الاتفاقية اللى اتفقوها من زمااان قبل ما اتولد انهم اتفقو اخيرا على الا يتفقو
ربنا يهديهم ويغيرو الاتفاقية برغم ان العرب مبيتأذموش من الاتفاقيات وعمرهم مبينقضو اتفاقية ابدا .
وخدة بالك؟
نورتينى

مسدس صغير يقول...

ماما امولة
يا مرحبا يا مرحبا نورك غطى ع الكهربا
ماما امولة؟؟
اهلا وسهلا
طبعا نعمة الاسلام دى والله نعمة لا يضاهيها نعمة
الحمد لله على نعمة الاسلام وكفى بها نعمة
اشكرك على التعليق
ونورتينى

مسدس صغير يقول...

manoooosh
كشفت راسى واتجهت
ودعيت عليكو يا اولاد العرب " المتبهدلين فى الارض "
يستاهلو
فعلا الناس دى هيه اللى بتستعبط
عارفين كل حاجة.
هههههههه
اشكرك على التعليق
نورتينى

مسدس صغير يقول...

manoooosh
كشفت راسى واتجهت
ودعيت عليكو يا اولاد العرب " المتبهدلين فى الارض "
يستاهلو
فعلا الناس دى هيه اللى بتستعبط
عارفين كل حاجة.
هههههههه
اشكرك على التعليق
نورتينى

مسدس صغير يقول...

ايوشة
فعلا احنا لازم نتعلم منهم لان تجربة الاتحاد الاوروبى دى بجد تجربة تستحق الدراسة.
لازم نعرف هما وصلو للى هما فيه ده ازاى؟
اشكرك على التعليق
نورتينى يا ايوشة

د. ياسر عمر عبد الفتاح يقول...

والله ما عارف أقول ايه
قصدى ايه ولا ايه ولا ايه
لو اتكلمت فى الموضوع ده هرغى كثير أوى
حالنا بقى زفت ..

مسدس صغير يقول...

د ياسر عمر عبد الفتاح
متقولش حاجة كلامك كله وصل
ربنا يستر ع الايام الجاية
نورتنى

Unknown يقول...

لسبب بسيط جدا
كله شايف نفسه هنا انه ملوش زي
و كله هنا عنده مرض الخطف و النتش
و كله هنا عاوز يحكم و مش عاوز يدي الراية للأفضل منه !

القدر و انا يقول...

مسدس صغير
ايه الكلام الموجع ده
يا راجل اوربا ايه
داحنا ردالة ولاد ردالة
كلام جميل فعل مفيش
يجى الاتحاد الاوربى يتعلم
واراهنك لو حد عرف يبقى زينا
لنا الله

مسدس صغير يقول...

طعمية سخنة
يا عم احنا مالنا ومال الناس دى الناس دى بتعمل عشان الشعب عندنا بيعملو عشان عيالهم.
ربنا يستر

مسدس صغير يقول...

القدر وانا
احنا فعلا مفيش حد زينا
وما بنقلدش حد ابداااااااااا
حتى لو كان الاتحاد الاوروبى ذات نفسيته.
اشكرك على التعليق
سلام

Beram ElMasry يقول...

اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة

حروف يقول...

عندك حق عندك حق مش قادرة اقول غير كدة احنا شايفين طب والروؤساء والملوك مش شايفين ولا ايه

د/عرفه يقول...

السلام عليكم
بجد مقارنه جميله
ولكنها تضفى للنفس مزيج غرين من الحسره والأسى

ضايع يقول...

معلش اول زيارة لمدونتك ومينفعش تعدي كده

ونظرا اني لسه واخد لقب تملي غتيت فاسمح لي اغتت واقول لك

هم اتحدوا ببساطه

لانهم


مش عرب

والله مش شاتومه

ولا شماته

ولا اي حاجه غير غيظ
بس لو بصيت للموضوع هتلاقي كلامي صح
مشكلتنا هي ثقافه عبيطه بتزداد عبط كل يوم.

ومعتقدش انه هيحصل ونتوحد تاني للاسف الموضوع ده مات بسكته دماغيه مع وفاه عبد الناصر.

تحياتي ........

وردشان smilyrose يقول...

مسدس صغير


بس اطلق طلقة فى صميم العجز الداخلى


نعم عجز عن تنفيذ احكام الله


وسنة حبيبة


نعم اخى الصغير فقد اجتمع غير الموحدين

بالله بما امرنا به الله


اجتمعو على ان يجتمعو على تفريقنا


ولاننا اناس هشة القلوب

نخضع لمن يبعدوننا عن دين الله


اجتمعو ضد من اجتمعو على الا يجتمعو

يوما على شئ سوى ما يضرهم ولا ينفعهم


ياريت يجى يوم ويجتمعو على شئ


اراده الله


smilyrose

وردشان


روح الحب الصادق

كراكيب يقول...

على فكرة انا قريت جـُزر.. جـَزر في الاول
انزل تحت شوية الاقيك بتقول بض الجيم يا ظريف؟
كدة؟؟ اول مرة ادخل عندك تقوم تقولي كدة ف وشي
كدة؟ كدة؟

** المهم ان بوستك ده فكرته فعلا جامدة
احنا مش ناقصنا حاجة غير ان احنا نفوق من الغيبوبة وننزع من قلوبنا الغيرة والحقد اللي بينا من غير داعي او فايدة وكل واحد يفتح ايده ويحطها في ايد اللي جنبه بجد من غير نفاق وكلام فاضي بتاع جرايد
وساعتها اللي هييجي على حد فينا ليلته هتبقى مزفته بزفت
بس تقول لمين
حكومات تفكير عايز الحرق

miro el niro kwaniro

مسدس صغير يقول...

بيرم المصرى
طبعا يحصل لنا الشرف ان احنا نزور مدونتك يا عم بيرم
نورتنى

مسدس صغير يقول...

حروووف
اشكرك على التعليق.
فينك من زمان
حمد الله ع السلامة
نورتينى

مسدس صغير يقول...

د/ عرفة
اشكرك على التعليق الموضوعى الجميل
اشكرك
نورتنى

مسدس صغير يقول...

ضايع
اولا برحب بيك فى مدونتى بصفتها اول زيارة ونورتنى
ثانيا فعلا الناس دى معندهمش ثقافة العمل الجماعى والعمل من اجل المصلحة العليا دا اللى هو احنا اما اوروبا عندها الثقافة دى وقدرت تكون اتحادها العظيم.

مسدس صغير يقول...

smily rose
اولا حمد الله ع السلامة ليكى وحشة
ثانيا فعلا اما ابتعدنا عن شرع الله بقينا ازل الامم لدرجة ان احنا بنطلب النصر من اليهود والامريكان
فعلا وضع مزرى
نسأل الله ان يوحد صفنا وان يرحمنا وان يجمع شملنا.

مسدس صغير يقول...

كراكيب ميرو
انا بقول يا ظريف مش يا ظريفه صح؟؟
ههههههههه
يبقى مش انتى
فعلا احنا مش هنبقى واحد الا ما كل واحد يحط ايده فى جيب اللى جنبه اقصد فى ايد اللى جنبه.
بكده هنبقى اتحاد لا يستهان به احسن من اتحاد اسكندرية.
ههههههههه
بجد انا سعيد بزيارتك وتعليقك اشكرك ونورتينى

ساره يقول...

ياليت نرجع زي ماكنا في الاول
لانه كل اللي هم فيه من حضارتنا ودينا

احنا في الخليج من يوم ما كنت في ابتدائي وهم ناوين يوحدوا العملة ويصير السفر بين دول الخليج من غير جوازات اللي يومنا هذا ماصار شئ

يعني استنى بعد كم مئه سنه نصير زي الفل :)

مسدس صغير يقول...

سارة
والله كلامك صح الناس دى اخدو بدأو من حيث انتهينا واحنا انتهينا فعلا.
بس على فكرة الخليج العربى اكثر واقعية من الوطن العربى كله لان مجلس التعاون الخليجى بيخطو خطوات واسعة نحو توحيد العملة ونحو عمليات الدخول بدون تأشيرات.
نتمنى انهم يكملو التجربة دى بسرعة عشان تبقى خطوة كويسة عشان نتعلم منها...
نورتينى
اشكر تعليقك يا سارة هانم

Unknown يقول...

يقال والعهدة على القائل يامسدس ان وحدتهم فى الاول او الاساس يعنى وحدة اقتصادية بدون النظر على النظام السياسى وخلافه اللى بيجيب وجع الدماغ والمشاكل لأ اجتماع فوائد وتكامل مصالح انت عندك كذا وانا
عندى كذا اتفضل خده وادينى بداله
اللى مش عندى لكن مين رئيسك
او ايه نظام الحكم فى دولتك
مش موضوعى وفى نفس الوقت
كمان الوحدة دى جت رغبة
من جوه الشعب نفسه على
اساس الاستفتاء على كذا
وكذا اللى يوافق عليه
شعبهم يعملوه مش للاسف
زينا رئيس يتخانق
مع رئيس يقطعوا
العلاقات بين
الدولتين!!
عليه ي

Unknown يقول...

وحدتهم وحدة مصالح شعوب
وليست اهواء ومشاعر شعوب

Unknown يقول...

بس ايه رأيك فى الكلام الكبير
اوى اوى اللى انا قلته ده؟:)

فشكووول يقول...

مسدس صغير
تحياتى

انت بتتكلم عن ايه
عن الغجر والناس المحترمين بالرغم من اديانهم الكتيره المتعدده

ولا بتتكلم عن الناس الجرب بتوعنا
هما عندهم ديمقراطيه .. يعنى تقدر تختار
واحنا عندنا مش تقدر تختار ابدا ولو عايز تختار نوديك السجن

دا الفرق بينا وبينهم
ولمانبقى زيهم ممكن نتوحد
اصل لو اتوحدنا مين اللى يقعد على الكرسى ويبقى على بابا

كل واحد فيهم عايز يبقى على بابا
وانا كمان ايه المانع ان اكون على بابا

ربنا يخرب بيوتهم

تحياتى

مسدس صغير يقول...

nora haty
يا ستى دا اللى احنا عاوزينه
عاوزين وحدة اقتصادية بس
ما بنطالبش بانصهار كل الكيانات السياسية لتصبح كيان واحد لا.
اللى احنا عاوزينه نبقى قوة اقتصادية وحدة.
والرؤساء والوزراء والامراء والملوك كل فى مكانه .
ربنا يهدينا ويهديهم

مسدس صغير يقول...

nora haty
يا ريت نتعلم منهم
احنا فعلا محتاجين الوحدة بتاعة المصالح دى كبداية.

مسدس صغير يقول...

nora haty
ههههههههههه
الكبير كبير يا معلم
الكبير ميقولش غير الكبير يا معلم
ايه الحلاوة دى؟؟
الظاهر حلاوة المولد.
هههههههه
احييكى واشكرك على التعليقات الجميلة

مسدس صغير يقول...

فشكول
اهلااااااااااااا عمنا فشكول
فينك من زمان؟
فعلا احنا غجر ومفيش تفكير فى مصلحتنا بجد.
يا سيدى لو مش لاقيين على بابا انا ممكن اتبرع وابقى على بابا.
ههههههههه
فعلا الناس دى مفيش عندهم مصالح شخصية او يمكن يكون عندهم بس المصلحة العامة اولا.
نتمنى الوحدة على الاقل اقتصادية وتكون متمثلة فيما يعرف بالسوق العربية المشتركة.

Lady E يقول...

انظمة تعليمية متشابهة الى حد كبير " كلها متخلفة "

هههههههههههه كلها متخلفة فعلا

ومين اللي قال ان معندنا جزر في جزر وبسلة كمان :)

لأ بجد في بلاد عربية في ليها جزر تابعة ليها على حد علمي الضئيل طبعا

ويظل السؤال قائما هما احسن مننا في ايه؟؟؟؟

تامر علي يقول...

أقولك ليه :)
بص لينا كده في شركة صغيرة أو حتى محل كشري ... هتلاقي كله بيضرب في بعضه علشان مصلحتهالشخصية وعلشان يتقرب لصاحب محل الكشري :) صاحب محل الكشري ده يبقى أمريكا يبقى أوروبا المهم إحنا هانفضل شغالين عنده ومش هانفتح محل كشري خاص بينا أبداً علشان هانفضل بنفس الفكر ده :)
تحياتي

مسدس صغير يقول...

lady E
فعلا كلها متخلفة.
اما بالنسبة للجزر انا اقصد الجزر اللى بيتاكل.
وبالنسبة للجزر التابعة للدول العربية حاجات بسيطة جدا لا تذكر ومفيهاش حركات تحررية ولا استقلالية.
بجد سعيد بتعليقك
نورتينى

مسدس صغير يقول...

تامر على
ههههههههههههه
حلوة حكاية محل الكشرى دى.
فعلا عمرنا ماهنبقا اصحاب محلات كشرى
هنفضل شغالين فى محلات الكشرى للابد.
احييك على التعليق الجميل.
نورتنى

صمت الحنين يقول...

ده كله لان كل واحد عايش بيقول يلا نفسى والكل بيقول يعنى انا اللى هعمل وكله معتمد على كله وكله مبيعملش ومحدش بياخد اى خطوه واى مسئول بيبقى فى منصب معين وفى استطاعته انه يعمل حاجه مش بيعمل وكل مصلحته انه يجمع على قد مايقدر وكل اللى يقدر عليه وحسبنا الله ونعم الوكيل

أبو العريف يقول...

ايه دا يا عم
بتقول مسدس وانت دبابه

عندك حق في ككل اللي قلته

بس نسيت تقول
انهم عندهم ديموقراطيه ( مش قوي يعني )
ولاحنا عندنا ديكتاتوريه
وحكامهم مش بيقعدوا في الحكم اكتر من 10 سنين
وحكامنا من يوم ما وعينا وهما هما ما اتغيروش
كمان مصالح بلادهم عندهم اهم من الكرسي
واحنا اهم حاجه الكرسي وياكشي تولع البلد باللي فيها

والكوسه
مش بتتزرع غير عندنا

مسدس صغير يقول...

صمت الحنين
فعلا لو كل واحد بص للمصلحة العامة كان حالنا اتغير كتير
بس كل واحد بيبقى فى منصب بيحط مصلحته اول اولوياته.
وده اللى يجيب الخراب لاى شعب ولاى وطن.
احييكى على رأيك وكلامك.
نورتينى

مسدس صغير يقول...

ابو العريف
اشكرك على الكلام الحلو ده.
فعلا الناس دى عندهم ديموقراطية بس الديموقراطية مش كل حاجة ياريت يلغو عندنا الديموقراطية ويعملو وحدة عربية.
ربنا يهديهم وتبقى مصلحة الوطن هى اولى الاولويات.
فعلا لو كان نهر النيل صلصة مكنتش هيكفى الكوسة اللى عندنا.
ههههههههههه
احييك
نورتنى

فتــافيت (رحاب الخضري) يقول...

هههههههههههههههههههههههههه
وربنا وجعت قلبي يا عم مدفع
ليه كده بس ياابني.. تقلب علينا المواجع
والله ما لاقيه كلامه اقوله خالص
ربنا يصلح الحال .. زمان كنا بندفعهم جزية
دلوقتي بيدونا معونة
يلا خير خير.. اكيد بكره احلى

مسدس صغير يقول...

فتافيت
طبعا بكرة احلى عشان انتى زرتى مدونتى النهاردة.
هههههههه
احييكى على التعليق الجميل
نورتينى يا فتافيت السكر هانم

*البت المشمشية *حلوة بس شقية * يقول...

ايه ياعم الحاج
مشقولتلك ميت مرة
تستغطا كويس
نعملك ايه بتنام بلسنين وتصحا تلاقى الدنيا اتغيرت واحنا مالنا بقه
روح كمل نوم

*البت المشمشية *حلوة بس شقية * يقول...

اة نسيت اعلق على الحلم اللى انتا حلمت بيه ده
بس ياعم الحاج
احنا اة متوحدين شكلا بس
مش مضمون
ممكن نبقا لغة ودين واحد
وبنقول احنا كلنا عرب
لاكن من جوة اساسا كارهين بعض
كل واحد بيقول يلا نفسى
لاكن فى اوربا والدول المتقدمة
عارفين هما عايزين ايه
وبيطبقو المنهج الصحيح للدين الاسلامى
وهو ده اساس تقدمهم

*البت المشمشية *حلوة بس شقية * يقول...

وبعدين ماهو اللى احنا فيه ده بسبب جهلنا وفرقتنا
امال امريكا بتدخلنا منين
ياعم الحج
انتا نايم فى البطيخ ولا ايه
وبلاش مواضيعك الىل تودى ابو زعبل دى

*البت المشمشية *حلوة بس شقية * يقول...

على فكرة
انا كمان مش فاهمة حاجة





مليتو البلد

مسدس صغير يقول...

البت المشمشية
ههههههههههههههههههه
اروح اكمل نوم؟؟
ماشى.
ان ما وريتك
انا نايم بقالى سنتين؟؟

مسدس صغير يقول...

البت المشمية
فى اوروبا والدول المتقدمة الناس دى بتفكر فى مصلحة بلدها بس.
انا قريت فى مجلة اسكندرانية اسمها علمنى العوم والنبى ا احمد ان العرب ممكن يتقدمو بعد 20 سنة ضوئية

مسدس صغير يقول...

البت المشمية
بالنسبى للنوم فى البطيخ فده اسم الفيلم الجديد بتاع عادل امام. زى فيلمه القديم اللى اسمه النوم فى المش.
وبالنسبة لابو زعبل فا انا اعرف واحد امين شرطة اد الدنيا على علاقة وطيدة بزعبل.
هههههههههه

مسدس صغير يقول...

البت المشمشية
مش مهم تفهمى.
مليتو البلد.


هههههههههههه
نورت المحكمة يا سرحان

*البت المشمشية *حلوة بس شقية * يقول...

سرحان عبد البصير
هو انا اسمى مكتوب













طايب

*البت المشمشية *حلوة بس شقية * يقول...

وبعدين ماحنا الحمد لله متحدين اهو
عندنا الاتحاد السكندرى زى ماقولت
فيه اكتر من كدة حاجة

مسدس صغير يقول...

البت المشمشية
هههههههههههههههه
ع العموم نورت المحكمة بردة يا سرحان يا خرنج..

.....

طبعا الاتحاد سيد البلد

عيد الراجحي يقول...

الاتحاد الاوروبي بدا بالاقتصاد كنواه للاتحاد ( تعاون اقتصادي جاد) ثم بالدفاع المشترك اتفقو ونفذو خلال فترات قصيره اما العرب فحدث ولا حرج اتفقو علي الاتحاد ف كل المجالات منذ البروتوكول الاول ( ميثاق ) جامعه الدول العربيه . عد معايا كده من كام سنه . كتير وحياتك . سبب نجاح الاتحاد الاوربي هو الصدق ف مبادء الدول اشتراكيه او رأس ماليه حتي لو اختلفنا معاهم ف المبادئ دي . عرفو ان راس المال ملوش دين او جنسيه بداؤها اقتصادي ثم عسكري لحمايه الفلوس دي وتناسووووووو تماما الاختلافات الدينيه والاخلاقيه ورغم اتحادهم فكل دوله تحاول الحفاظ علي الهويه الخاصه بشعوبها . اتفقو علي مبادئ عامه للحريات والديموقرطيه و حقوق الانسان . اما العرب فوضعو الدين عائق وليس محفز انقسمو لسنه وشيعه واخرون اخوان ووهابييين و و و و . وكل دوله تريد الزعامه الابديه كعاده الزعماء العرب وترعي المذهب الرسمي للدوله وتصديره للدول المجاوره ولو بالعافيه او بالفلوس فختلفو فيما اتفق عليها شعوب اوروبا وهي الحريات والديموقراطيه وحقوق الاخ الانسان وبالتالي فمن الصعب الاتحاد اقتصاديا ثم عسكريا ثم اي حاجه

مسدس صغير يقول...

عيد الراجحى
كلامك صح مية المية
رأى يحترم
احييك عليه
نورتنى