الثلاثاء، 20 يناير 2009

قرار وقف اطلاق المبادرات والمؤتمرات


اولا انتو واحشنى اوى بقالى اسبوعين مقطوع النت ادعو ربنا يصلحه ... ثانيا اول حاجه مخليانى مبسوط من قرار وقف اطلاق النار ده. هيه انه فى نفس ذات الوقت قرار لوقف اطلاق التصريحات والمبادرات وعمل اجتماعات ومؤتمرات ومباحثات ومشاورات وكاميرات وتليفزيونات وخلافه ... يعنى مثلا مؤتمر وزراء الخارجية العرب وقمة المؤتمر الاسلامى ومؤتمر الامم المتحدة وجلسة مجلس الامن ومباحثات مصر فرنسا ومصر تركيا وتركيا دمشق ومؤتمر غزة فى الدوحة ومؤتمر القمة الاقتصادية العربية فى الكويت اقول كمان؟؟؟؟!!! بيتهيألى كفاية كده بس لسه فيه كتير بس انا ناسى يعنى .. المهم اللى انا عايز اقوله ان قرار اسرائيل بوقف اطلاق النار ليس له اى علاقة بقرارات هذه الجلسات والمؤتمرات والمبادرات وانما جاء هذه القرار برغبة كاملة من المسئولين الاسرائيلين دون الالتفات لقرارات هذه المؤتمرات والجلسات اما بسبب ارهاق القوات الاسرائيلية فى غزة او بسبب اكتمال الاغراض التى ارادتها اسرائيل من هذه الحرب أو بسبب ضغط الشعب الاسرائيلى على الحكومة للانسحاب من هذه الحرب بسبب الخوف الرهيب الذى كان ينتاب الشعب الاسرائيلى من صواريخ المقاومة... وجهة نظر....
وعايز اقول معلومة بسيطة للناس اللى كانو بيهاجمو مصر بسبب معبر رفح. يا جماعة هو ده المعبر الوحيد اللى كان مفتوح امام الفلسطينين فى غزة وعن طريقه الجرحى بيتعالجو فى مصر وعن طريقة راحت الادوية لمستشفيات غزة وعن طريقة راح الاكل والشرب لشعب غزة المحاصر وده كلام ناس غزيين...... وطبعا مش هنسى اقول لأوباما مبروك عليك عرش امريكا رغم ان انا مش متفائل .......

هناك 14 تعليقًا:

البت المشمشية حلوة بس شقية يقول...

اول تعليق تيرارارر

البت المشمشية حلوة بس شقية يقول...

تانى تعليق مع انى مفهمتش حاجة

البت المشمشية حلوة بس شقية يقول...

نعم

البت المشمشية حلوة بس شقية يقول...

فين الموضوع وقف اطلاق النار ايوة وبعدين

البت المشمشية حلوة بس شقية يقول...

قصدى المبادرات والمؤتمرات
فيه حفرة عندك وقعت فيها ولا ايه
طمنا عليك يبنى
ههههههههههههه

وايه اخبار النت عندك لسه الفار واكل السلك

مسدس صغير يقول...

دا انا ملحقتش اكتب اسمى يا استاذ انت واقف لى ع الوحده هو مفيش حد بيدون فى الفصل غيرى .هههههههههههه دا انتى كارثة .ههههههههه اشكرك على اول تعليق وتانى تعليق وتالت تعليق ورابع تعليق وخامس تعليق ههههههههههه اما بالنسبة للنت فالفار لسه واكل السلك ولقيته عازم اصحابة على الكومبيوتر امبارح لولا لحقت الهارد من ايديهم كانو اكلوه.ههههههههههه

البت المشمشية حلوة بس شقية يقول...

ايه ده الموضوع نزل اهو
هو المشكلة من عندى ولا انتا نسيت تكتب الموضوع اساسا
قولى انتا بتكلم من البيت ولا منين
هروح اكل واجى اقرا البوست بس بوست هايل مية مية مع انى لسه مقرتش

حروف يقول...

يادي القطة اللي حاجزة الفصل لحسابها اعترض ثم اعترض يا مسدس انت صاحب المدونة اتصرف
اول مكررومليش دعوة اروح بئا
اقرا الموضوع
وانت فين؟؟؟؟؟؟؟؟

قلم رصاص يقول...

هههههههههههههههههه

صديقي العزيز اللي مش سائل في ولا معبرني هههههههه

بقى النت قاطع عنك ياراجل من اسبوعين ولسه عايش .. دا انا قاطع عني بقاله 5 ايام وكنت هدخل العناية المركزة هههههههههههههههههههه

عموما حمدلله على سلامة نتك ونت اللي يتشدد لك كمان هههههههههه

وطبعا نتي كمان .. هو انا هنسى نفسي ولا ايه ههههههه

وبخصوص بقى البوست

وجهة نظرك في السبب الحقيقي في وقف اطلاق النار كويسه جدا وانا باتفق معاها

بس خلينا منصفين يامسدس شوية ونذكر الجهد المصري الكبير في الموضوع خصوصا في الفترة اللي سبقت قرار الوقف مباشرة

وبعدين اتضح ياعم الحاج ان مسألة العدوان على غزة كان الهدف منها حاجة واحدة بس مش ضرب حماس ولا يحزنون .. لأنه بالعقل لو هما عاوزين حماس كانوا استطادوهم واحد واحد .. يابني كفاية المخابرات بتاعتهم.. والله كانوا هيصطادوهم من الجو واحد واحد بطريقة اغتيال الشيخ احمد ياسين الله يرحمه

انما الهدف أكبر واعمق من كده بكتير ويستهدف في المقام الاول مصرنا الحبيبه عن طريق ما يعرف بالفوضى الخلاقة التي قامت على اتفاق امريكي_اسرائيلي وبتواطؤ بعض القوى العربية المعروفه ورأس الحربه بالطبع الدولة الحقيرة وللاسف طلعت حقيره وهي ايران

وادلتي على ذلك ..هجوم سوريا وتطاولها على مصر ، والسكوت الغير مبرر لايران التي صدعتنا صباح مساء عن امكانياتهاالجبارة في سحق اسرائيل من الوجود .. فلم نسمع لها صوتا اثناء وطول فترة العدوان على غزة

ونذكر ايضا الضرب من تحت الحزام التي مارسته قطر ، ههههههههه ، قال قطر قال .. واستضافتهم لقمة عربية مفضوحه سياسيا مثل فيها اكثر من فصيل فلسطيني بما يعزز فكرة الفرقة بين الاشقاء.. زائد وجود ايران في هذه القمة

مليون علامة استفهام على وجود ايران في القمة هذه وكذلك تمثيل الفلسطينين بأكثر من ممثل .. !

دي الادلة

اما الهدف هو كان ايه

كان الهدف المباشر من الحرب العدوان الاسرائيلي على غزة وفي ظل ووجود فراغ سياسي في امريكا ، هو تمرير الاتفاق السري والمفضوح بين تسيبي لفني وكونداليزا رايس حول امكانية زرع مراقبين دوليين على الحدود المصرية الاسرائييلية

وهنا تنبه الرئيس مبارك للفخ.. وواجهه بكل حزم بكلمة قوية قال فيها : ان هذا خط أحمر لم ولن يسمح بتجاوزه ابدا

طبعا ياعم مسدس مراقبين دوليين على حدود مصر معناها انهم غالبا هيكونوا امريكان .. وتبدأ سلسلة التوترات العسكرية ومحاولة جر مصر لحروب مستقبليه نحن في غنى عنها بدعاوى ما اكثرها جاهزه

عموما انا شكلي كده خرجت عن السياق ولا ايه

ههههههههههههههه

كويس اني صحيت تاني

وشكرا ياصديقي على سعة صدرك

في حفظ الله

البت المشمشية حلوة بس شقية يقول...

اة مفهمتش حاجة بردو

البت المشمشية حلوة بس شقية يقول...

بص يا ابنى العزيز
اللعبة مش هيا حماس
ولا غزة
ولا الهجس ده كلو
هدفهم هو مصر
بيقتلو فى ناس ويعملو كل ده
عشان يوصلولك يا مصر يا حبيبتى
يا حبيبتى يا مصر يامصر
يا حبيبتى يا مصر
يامصــــــــــــــر

مسدس صغير يقول...

البت المشمشية
كيده العزال انتى من يومك كل اللى يدخل عندى يشتكيلى منك بس ولا يهمك انا عايزك تكرهينى فى نفسى عادى انا مرتاح كده انا مبسوط كده هههههههههههههه اى خدمة يا شوشو مصيتك فى المدونات اهوه

مسدس صغير يقول...

حروف
هعمل فيها ايه بس اولع فى نفسى وفيها وفى المدونة عشان النت يرتاح؟ هههههههه اشكرك على الزيارة ونورتينى

مسدس صغير يقول...

قلم رصاص
طبعا انا وانت مشتركين فى رصاص واحد فالقلم بتاعك رصاص والمسدس بتاعى رصاص فربنا يكرمنا انا وانت ونروح نضرب بالرصاص سوا فى طرا وربنا يسهل..ههههههههههههههه اشكرك على وجهة النظر الاكثر من رائعة ونورت المحكمة يا سرحان