يا جدعان حرام عليكم كده. هو يعنى عشان الشعب طيب وجتتو نحست يبقى تسوقو فيها؟
اكلنا قمح مسرطن مش مشكله وكمان اكلنا البط اللى واخد انفلونزا مش مشكله وكمان اكلنا العيش ابو رمل
واكلنا حمير وكلاب وخلافه ومبيدات مسرطنه... وبرده لسه عايشين .
بس انا بقول كفايه كده يعنى اما المستوردين الله " يعمر " بيوتهم يروحو يجيبو لنا قمح
مكتوب على الشكارة " للاستخدام الحيوانى فقط " ويقولو اصل احنا حللناه ولقيناه ينفع للبنى آدمين
ومطابق للمواصفات .يعنى ينفع يتاكل يعنى ..طب انا عايز افهم نقطه من الاهمية بمكان .
اوكرانيا اللى هيه بلد المنشأ للقمح ده لقت انه مينفعش للبنى آدمين اللى عندها وصدرته
على هذا الاساس وكتبت عليه انه للبهايم احنا بقى نستورده ونقول انه ينفع للبنى آدمين بتوعنا؟؟
هما البنى آدمين اللى فى اوكرانيا غير البنى آدمين اللى فى مصر. استقيمو وساوو الصف
"مسدس بيحب مصر"
هناك تعليقان (2):
هههههههههههههههههههههههههههههههه
هما مين اللي يستقيموا بس..مين ولا مييييييييييييييين ياراجل
خليك جدع شوية مع الناس المظلومين دول
والله انت قاسي وغدار
هههههههههههههههههه
تحياتي
احنا نستقيم وناكل واحنا ساكتين
إرسال تعليق