السبت، 22 نوفمبر 2008

مسدس رئيس الوزرا

رئيس الوزرا انا طبعاً
ومنصب ده ومش طمعاً
معايا القرش من يومى
وواخد السلطة دى شبعاً
*************
وعهد الثورة متخافو
م الفجر راح اشكلها
بحب الشعب من يومى
وعوجة حاجبى راح اشيلها
وزارة وزارة انا عارفها
وزارة لخالتى انا عاملها
*************
ابويا للمالية وزير
قدها وقدود
حمّال للأسية كتير
وحسابه ميحده حدود
وفلوسه زى أى وزير
وكلاها الدود
*************
ومامتى لحقوق الولايا عارفه
وزيرة متخاف أى راجل
ولا حتى من رئيسها خايفه
والنبأ منها خبر عاجل
والناس اهى شاهده
والناس اهى شايفه
************
واخويا واد لعيب
اجيب للشباب حد غيره؟؟!!
لا عيب
سمسار كورجى شيطان
لا تيتش ولا صالح وخطيب
وفاهم فى الكوسه البلدى
وعارف الالاعيب
************
والواد حماده الجاز
خيره علينا
يبقى فى البترول استاذ
اصليه شغال فى بنزينه
***********
أما وزير الصحة
متفوتش من معروف
حداه دكانه يفتحها
معروف بحلاق القريه
يدّى العلاج وصفته
ولا أحسن طبيب موصوف
أما ف عطية الحقن.
اشهد عليه حلوف
************
ونبيل بتاع الوصله
حلفان طلاق ماهى حاصله
غير أن يكون فى وزارتى
لو حتى للاعلام
لو دارت الايام
يمسك وظيفه فى راديو ويفسر الاحلام
************
والبت نوسه جارتنا عليها فى التنضيف
مقدرش انساها فى وزارتى
عليها طشة مقله
وللا فى حتة جبنه مرميه ف طرف رغيف
أصل البعيده جارتى
تفضحنى فى الحارة
وتقول بعلو الصوت
خرجو الواد ده من حارتى
***********
ياسمين حبيبتى يا ياسمين
بتكرهى السلطة انا عارف
لكن عشان خاطرى إمسكى وزارة التموين
ولو مش فاهمه حاجه
نوال ونعيمه وبهانه فرقه بمساعدين
************
أما سعاده وللاعة
عليه دبة فاس.مشهورة
ينفع وزير للزراعه
أول متسمع دودة القطن عنه
تموت مقهورة
بشاعه . من قبل الرضاعه
************
ياااااه مرزوق كان رايح من على بالى
واد فهّيم وبفكره العالى
بسهوله يبقى وزير التعليم العالى
************
وعيب عليك يا مليجى
مقدرش اسيبك ودى تيجى
فى وزارة النقل هجيبك
سوّاق خلاصه وميكانيكى
***********
رئيس وزرا مالى مكانه
مفيش مجامله ولا كرسى عشانه
الكل واحد ووزاره مش دكانُه
************
وفجأه اكتشف ابوه الوزير
يقول بصوته متقوم يا إبنى
وبلاش شخير
بلاش لكاعه
وهات لحافك من تحت السرير..!!!!

هناك 6 تعليقات:

قلم رصاص يقول...

هههههههههههههههههههههههههههههه
هههههههههههههههههههههههههههههه
هههههههههههههههههههههههههههههه
هههههههههههههههههههههههههههههه


ايه الجمال ده كله يامسدس
يخرب بيت ابو اللي يوقف في
طريق أحلامك

بس انا زعلان منك

متفتكرنيش بحتة وزارة
اخص عليك .. مطمرش العيش واللفت فيك

ههههههههههههههههههههههه

من اروع ما قرأت هذه الأيام
سملمت يمناك .. ويسراك كمان

تقبل مروري بدون حساسية ولاهرش في الدماغ

عارف طريقي
خليك مكانك

وكله تمام
ههههههههههههههههه

مع السلامو عليكو

مسدس صغير يقول...

ههههههههههههههههههههههه اشكرك على الكلمات الجميله دى واول حاجه معبرة فيها(ههههههههههههههههههههههههه)
كان نفسى اجيبلك وزارة بس للأسف كله محجوز . الاقربون اولى بالمعروف

قلم رصاص يقول...

ههههههههههههههههه

أقربون ايه بس

هي جارتك اقربون عني

ولا بتاع الوصله احسن مني

هههههههههههههههههه

والله انت كده هتعمل فتن طائفية ونزاعات عرقية في بلدنا

والعيال بتوع بلدنا هيطالوني بالمساواة بنفس الحقوق اللي عندكم دي

طب انا اعمل اه.. اجيب لهم وزارات منين انا بس دلوقتي

ههههههههههههههههههه

يلا عديني بقى عشان ورايا مشوار

ههههههههههههههه

تحياتي

مسدس صغير يقول...

ههههههههههههههه اولا الوزارة عندنا فى البلد بس اما انتو بلاد ما وراء الترعه ملهمش وزارة ولا يحزنون. ولا حتى اصحابك ممكن ياخدو اى حاجه . وغير كده عدى يا عم انا يعنى ماسكك

قلم رصاص يقول...

انا بلدنا اسمها العمارنة سيتي
تعرفها

حيث التقدم الصناعي والتكنولوجي والرقمي والذكاء الصناعي
هههههههههههههههه

لالالالا اقصد تكنولوجيا العمالات والخزعبلات
والجمر الطبيعي ياولد

هههههههههههههههه

عديني بقولك

splendid يقول...

Some of the content is very worthy of my drawing, I like your information!
costume jewelry