الثلاثاء، 18 نوفمبر 2008

حالات دفع الرشوه للموظف


1-فوت علينا بكرة يا سيد

2-مشكلتك دى ملهاش حل ويهرش فى دماغه

3-الموضوع ده هياخد وقت " ويبقى عارف انك مستعجل "

4-يفتح الدرج ويقفله

5-يقلع النضارة ويلبسها تلات اربع مرات قدامك

6-الموظف المختص مش موجود وهاييجى بعد(من يوم ل 3 سنين)

7-مشى حالك

8-شغل دماغك

9-عايزين نفطر

10-هات الشاى

11-هات الدمغه هو انا يعنى هدفعها من معايا

12-اخلص

13-ابجنى تجدنى

14-ورقك ده اصبح مسئوليتى تستلمه منى

15-يحاسب بتاع القهوه قدامك

16-يديلك ملف فاضى

17-يديلك رقم تليفونه ويقولك رن عليّه قبل ما تيجى

18-يصعب المسأله ويقولك والله موضوعك ده ولا الوزير يقدر يخلصه ويقول بعنيه بس انا أقدر

فى الحالات دى انت بقى شغل دماغك واخلص واديله الدمغه عشان يفطر ويشرب شاى ومشى حالك بدل متفوت علينا بكره يا سيد..!!!

هناك 6 تعليقات:

قلم رصاص يقول...

هههههههههههههههههههه

مالك ومال سيد..ماتسيبه في حاله ياعم المسدس

هههههههههههههههههههه

موضوع رائع بجد يامسدس باشا

واوعى وشك بقى

يلا تقبل مروري

مسدس صغير يقول...

مشرفنى دايما يا عم القلم ورافع راسى مع العلم ان انا بشبه على الايد اللى فى الصورة انها ايدك.ههههههههههههه

~ رفــيق القـــرآن ~ يقول...

ههههه والله موضوع جامد
هى البلد باظت من قليل

مسدس صغير يقول...

رفيق القرآن
اشكرك على التعليق الذى اسعدنى وتقبل تحيتى دكتور احمد

صمت المشاعر يقول...

موضوع مهم فعلا
كل شيء في البلد بقي ماشي بالرشوه والوسطه والشاي بالياسمين علي راي مرجان احمد مرجان


تقبل مروري

alerts يقول...

vuitton handbags
louis vuitton
hermes
hermes kelly bag
hermes bags