فعلا مصر ام الدنيا فى كل حاجه بما فيها الكورة بس مش فى الحرفنه . لا فى التلاعب وعدم الاحترافية واحد زى هانى سعيد شويه فى الزمالك . وشويه فى الاهلى وشويه فى الاسماعيلى .. لاعب يمضى لنادى وهوه على ذمة نادى تانى وبعدين يخرج من عند النادى اللى مضاله ويروح لنادى تالت ويقولهم انا عايز العب عندكو . بقى ده اسمه كلام .. قبل كده برده لاعب اسمه عصام الحضرى ساب النادى بتاعه وراح مضى لنادى تانى فى سويسرا . وهوه لسه على ذمة فريقه . بعدين الفيفا بكل عنصريه يطلع بطاقه مؤقته للاعب ويلعب بيها فى الفريق الجديد بقى معقول دول لعيبه ؟ تيجى تلاقى لاعب هوه فى الاهلى حاليا اسمه حسين على عشان يلعب فى فريق يمضى على وصولات امانه على بياض . هوه انت بتشترى تلاجه؟ بعدين ساب الفريق اللى مضاله ع التلاجه اقصد على الوصولات وراح الاهلى. ان مكانش عقد رسمى تمضى عليه يبقى انت مش لاعب يبقى انت بتهرج . يا جماعة احنا قدامنا 200 سنه ضوئيه على اما نتقدم ونفهم يعنى ايه احتراف ... مسدس
ليست هناك تعليقات:
إرسال تعليق