الخميس، 3 يوليو، 2008

03000415




مسابقتنا بدون اى نصب بدون اى تجميع فلوس من جيوبكو اتصل فورا على رقم 03000415 تكسب (ههههههههههه)سعر الدقيقه 400 جنيه وهنعلن اسماء الفائزين فورا عند البنزينه اللى فى اخر شارعنا اللى مافيهاش بنزين ولا جاز بعد ما اسعار الجاز عليت وبقى لتر الجاز بجنيه وبريزه . بس مش البريزة الورق اللى ضحكو على الناس ونزلوها ومحدش كان بيتعامل بيها خالص . يعنى تروح السوبر ماركت تديله البريزه الورق عشان تجيب حاجه . غير ان هيه مبتجيبش حاجه يقولك مبتمشيش يا استاذ طب عرف منين ان انا استاذ عشان لابس بنطلون وقميص نضاف بقيت استاذ . يعنى كل اللى يتخرج من الجامعه زيى كده يبقى استاذ ازاى من غير اى شغل يشتغله ؟ يجيبله جنيه احسن يصرفه من غير جامعه ولا بتاع بس مش الجنيه اللى عوموه من كام سنه واتبل وتقل وغطس ولسه مطلعش وكل الناس واقفه ع الشط تستناه هوه وغرقانين العبارة اصلهم كلهم فى بحر واحد اتنين تلاته تقصد الحساب والمدارس يعنى . كان زى الفل من اولى ابتدائى لحد تالته ثانوى وكل الناس خارجه مبسوطه لدرجة ان الناس فى تانيه ثانوى من سهوله امتحان التفاضل وحساب المثلثات انتحرو (اه نظريه الانتحار من شدة الفرح) وللا الاحصاء (يا سلام ع الاحصا) اقصد جهاز التعبئه والاحصا محدش يفهمنى غلط الجهاز من كتر الضمير اللى عنده مبيرصدش اعداد الطلبه اللى انتحرو بس لأ . دا بيرصد اعداد الاهالى اللى انتحرو همه كماااااااااااااان.......مسدس

هناك تعليق واحد:

chemistry يقول...

محدش فاهم اي حاااااااااااااااجه وان فهم هتيعقد اكتر
فعلا العقل زيته يا اخ مسدس ا طال الله مسورتك واكثر من ذخيرتك ويبعد عنك الي ميتسموش