سنة اولى
السبت 28/6/2008
ده التاريخ اللى دخلت بيه التاريخ ..
كان موعدا لمعرفة اسرار نفسى
كان موعدا لأفجر ما بداخلى من أفكار
كان موعدا لم أنساه ولن أنساه لأنه عرفنى على افضل عالم كنت احلم به وهو عالمكم التدوينى الجميل
جائتنى الفكرة بمتابعتى لمدونة اشرف توفيق " اخف دم "
كنت فاكر عشان يكون ليّه مدونة لازم يبقالى كرديت كارد واشترى مساحة وخلافه المهم قلت طب وانا خسران ايه اما اسأل اخويا وصاحبى وعمى وخالى وكفاءة " جوجل " حبيبى وابن حبيبى .. سألته قلتله ايه رأيك اعمل مدونة؟؟ قاللى وايه رأيك فى اللى يعملهالك ببلاش ؟؟ قلت مفيش غيرك يا بو العبقرية النتيه .
ومكنتش اعرف مدونين اصحابى مثلا على المستوى الشخصى عشان اسألهم .
وبالفعل فى يوم 28 يونيو الماضى ظهرت مدونتى للنور..
قلت اعمل عداد زوار طماع بقى اسأل ميييييين؟؟ اسأل مييين؟؟
هوه فيه غيره سألت خالى جوجل قالى اتفضل اعمل كذا وكذا وبكده بدأت انطلق ولكن زوارى كانو اصدقائى العاديين من غير المدونين فكانت تعليقاتهم شفهية حلوة جميلة كلام من ده .
إلى ان استقطبت "الواد قلم رصاص" " محدش يقوله واد انا بس " وعمل مدونة وبدأ هو الاخر رحلة البحث على جوجل وبرغم انى عالم كبييييير الا انه مفيش مانع نتعلم من التلاميذ وعلمنى كيف استقطب المدونين للتعليق عندى ومشاهدة افكارى وابداء الرأى بها وكده يعنى .. وبدات العملية تمشى واعلق عند الناس والناس يعلقو عندى وهكذا.
وبعد مرور عام وبعد هذه النقلة التاريخية فى حياة الشبكة العنكبوتية وتشريفى عليها " تواضع ! "
انا عن نفسى راضى الى حد كبير عن نفسى فى الفترة دى .
بس يا ترى الناس راضية عنى؟؟ وده الاهم .
لانى بكتب ليكو ومش لنفسى .
اتمنى ان اكون عند حسن الظن ..
عملت احصائية كده لمدونتى للسنة الاولى يارب تعجبكو :-
** عدد أيام المدونة 365 يوم
** عدد اسابيع المدونة 52 اسبوع
** عدد البوستات المنشورة 130 بوست تقريبا
** متوسط 2.5 بوست فى الاسبوع
** عدد التعليقات المنشورة حوالى 2180تعليق
** متوسط 42 تعليق فى الاسبوع
** عدد التعليقات المحذوفة 2 فقط " شتيمة "
** عدد المدونات فى الريدر 124 مدونة كلهم حبايبى
** عدد الزوار حتى اخر يوم 27 يونيو 2009 حوالى 9200 زائر
** اصدقائى قبل التدوين واصبحو مدونين ( قلم رصاص - شوية كرامة - موش عارف اتغير - حلم بيعافر - هرتلة )
** المدونين الذين رأيتهم فى لقاء مدونين حوالى خمسة منهم ( غروب - ملائكية - الباحث عن المتاعب - حاجات عيال )
** أحب البوستات الى قلبى حكايات فرحات
** أكثر الموضوعات تعليقاً " الشعر"
** اكثر من أحب تعليقاتهم :-
قلم رصاص
دكتورة ستيته
نورا هاتى
دكتورة سول
موش عارف اتغير
فتاة حالمة
قلب ارهقته الاحلام
كيارا
سارة
ابى بلانت
ملائكية
غروب
درش "هرتلة"
ايوشة
د/ ياسر
تامر على
ماما امولة
عمرو حبشتكنات
فشكول
سويت فيولت
شباك موارب
محمد غالية
منووش
البت المشمشية
ابو العريف
مونى الشريف
E emy
د / عرفة
صبرنى يارب
نودى
بنجاواتى
ريم " عين حماتى فيها عود"
محاسن صابر
ابراهيم العدوى
سمايلى روز " ورد شان "
ميمايا
طمت المشاعر
الشعب لابد له من حكومه
وكيلة نيابة مع ايقاف التنفيذ
وردة
سارة جبالى
انها الحياة
دكتورة سمرمر
صحافية حرة
فتافيت
الوردة البيضا
عاشقة الرومانسية
كيكى فكك منى
ميرام
حسام غانم
هاجر زعبل
اسماء رمضان المدونخانة
صيدلانية طالعة نازلة
موناليزا
تأثير الفراشة
احساس طفلة محبه للرومانسية بس واقعية
رامى واصل
الحرية للجميع
حلم بيعافر
أم مالك
القدر وانا
انها حياتى
من غير ترتيب
آسف جدا إن كنت نسيت حد هيبقى من غير قصد والله
وكل سنة وانتو طيبين
اقعدو بالعافية
امووووواه
